(محتـــاااار) بعد زواجي وين أرووووووووح

[رداد]

بسم الله الرحمن الرحيم

سؤالي / وش أفضل بلد يقضي فيها العريس شهر العسل ؟

لاني فعلا محتار وين أقضي شهر العسل خصوصا ان زواجي قريب _بداية الإجازة_ والا الأن ماني عارف وين اروح ولا في بالي أي بلد معين ,, أتمنى من اللي عنده معلومات عن بلدان سياحية مايبخل علي فيها ويعطيني موجز عن البلد مثل أفضل الأماكن والفنادق والمطاعم والأسعار والأمان وياليت لو يكون عنده صور للبلد ترى بكون ممنووون له :d

ملاحظة / أي بلد ماعدا سوريا .

وشكرا مقدما

[الرجل الذي كويس]

حبيب قلبي رداد,...

روح لخميس مشيط ولا تروح لسوريا ههههههههههههههههههههههههه


عموما حبيب قلبي رداد انا راح اعطيك نبذة عن دولة حلوة وخفيفة واهلها طيبين مرررررررة
وطبيعة واكل وناس بس يضحكون مو مثل ربعنا الي واحدهم مفطر لحم وفية حرقان وجاي يدور المشاكل

" مالـــــــــيز يـــــــــــــاء "
ولا تشاور ولو انت عزوبي قلتلك شي ثاني فللللللللة
هذا النظام واحكم بنفسك...


وإذا كنت ناوي تسافر في الصيف فحاول تحجز من الحيييييييييين للطيران لأن حجوزات الطيران فل ..

كلفتني الفنادق فقط 7200 ريال وعلى الخطوط الخليجية لشخصين على درجة الضيافة حوالي 6300, ومع التذاكر الداخلية على الخطوط الماليزية حوالي 1300 ريال
المجموع تقريبا 15000 ريال سعودي ,وقبل لاتحجز قلهم انا رايح شهر عسل راح يدلعونك بالطيارة وتستانس لانهم يجيبون تورتة عليها اسمك واسم زوجتك والناس يطالعون وكل واحد لسانة طالع يبي الكيك وانت مستانس ومحمر الوجة لان بيكون مافية ميانة بينك وبين المدام ,ومسوي انك مسيطر على الوضع بس انت من جنبها هههههههههاي عموما وناسة, ويمكن المصاريف حسب مايقولون الشباب 5000 ريال يعني تقريبا 20 ألف ..

إذا تبغى فنادق هاي هاي يمكن تكلفك 10 آلاف وعلى حسب مصاريفك هناك

بالنسبة للمكاتب حجزت من مكتب في البحرين وطرت من البحرين واذا من الرياض ممكن انك تاخذ لك لفة على بعض المكاتب ,,
وأشوف انك تحجز من مكتب مثل الطيار والصرح وجناح الصرح واجازتي وبأسعاره حلوه ..
ملاحظة اذا تبي تروح الشهر هذا التذكرة 1500 على طيران الخليج+الفنادق 15 يوم ما راح تكلفك 7الاف ريال وتروح لكل مكان لانها شبة فاضية بس انا اتكلم عن الصيف

تحياتي...... اوافيك بصور + ارقام + الخ اذا احتجت اي مساعدة

[الكتراز]

ماليزيا
سبق لي زيارتها وانصحك بها بقوه
وهذا رابط يفيدك
دليل ماليزيا

[الكتراز]

على فكره
بعد زواجك خل اول رحالك انت واهلك في رحاب بيت الله ( عمره )
ونسيت لا اقول لك بارك الله لكما وبارك عليكما وجمع بينكما بخير
والله يسعدك يا عريس

تحياتي

[رداد]

الرجل الذي كويس هههههه خميس مشيط والله انك صادق ابرك من النصابين السوريين عموما بيض الله وجهك على المعلومات القيمة وماقصرت كفيت ووفيت ويمكن احتاجك في بعض التفاصيل لأن مايزيا في قائمة الإهتمام عندي ،،

الكتراز الله يبارك في ايامك وعقبالك يارب وشكرا على الرابط

[الرجل الذي كويس]

حـــــــــــــــــــــــــــــــــا ضريــــــــــــــــــــــن للطيــــــــــــــــــــــــــــــــبين ,,,

[رفحاوي]

على فكره
بعد زواجك خل اول رحالك انت واهلك في رحاب بيت الله ( عمره )
ونسيت لا اقول لك بارك الله لكما وبارك عليكما وجمع بينكما بخير
والله يسعدك يا عريس

تحياتي

الله يرزقكم من واسع فضله ...

نصيحة من اخو يتمنى لك الخير ...

لا تسرف و لاتغضب الله بزواجك ...

روحوا عمرة وللمدينة والطايف او الباحة او ابها واذا برى السعودية لصلالة بعمان ...

[أبو عبدالمجيد]

خذ لك عمرة أفضل لك

[الرجل الذي كويس]

هههههههههههههههههههههههههههه سبحان اللة ؟؟؟
العمرة ما فيها واحد+اثنين= واجب على كل واحد مقتدر,,, بس الي فك مخي؟؟؟
كل الي راحو برا السعودية اسرفو واغضبو اللة..... اقول استريح بس.

اقول اشتر ددسن لولدك وروحو للطايف احسن.

[ذيب حرض]

أنا مع اخوي رفحاوي وترى المرأه من دلعتها من أول ليله يطلع لها قرون ، وإذا تبي تسمع مني النصيحه وهي كل ما تطلب منك المرأه شيء أجعل إجابتك لا وبعدها فكر

[الرجل الذي كويس]

هههههههههههههههههههههههههههه واللة بعض الناس حفلة بدون كيك عموما...

ياشباب الرجال مو محتاج دروس خصوصية كيف يعامل زوجتة واللة عيب عليكم,,,, هذا الرجال يبي يطلع يستانس هو وزوجتة وبعدين تكفي انها ذكرى وياخذون صور هناك وهدايا ومواقف حلوة,وعيالهم انشاللة يشوفون صورهم ويكفي يفهمون بعض اكثر ويزيد الترابط بينهم انشاللة,,, بس واللة عليكم تفلسف مدري من وين شارينة؟؟؟
اللة يعين المرأة الي زوجها بالتفكير هذا,,, واللة حرام عليكم ياناس هذولا مساكين خلوهم يستانسون,,, وبعدين المراة شفافة ورقيقة مو مثلنا يعني ودها تطلع شهر عسل وتستانس لانها مو مثلك تروح بأي وقت تبي,,, وبعدين الرجال استشاركم وين يروح؟؟؟ السؤال واضح؟؟؟
ما قالكم شسوي ؟؟؟
يطلعلي واحد باليناصيب ويقولي عمرة؟؟؟ ياخي العمرة ضروري ولا تعرفون نية الرجال؟؟
يمكن عندة خطة وراسم جدول؟؟
اتقوا اللة في انفسكم ولا تظلمون الاوادم بااقتراحاتكم الي مالها اي اتجاة...

[هرطمان]

الله يرزقكم من واسع فضله ...

نصيحة من اخو يتمنى لك الخير ...

لا تسرف و لاتغضب الله بزواجك ...

روحوا عمرة وللمدينة والطايف او الباحة او ابها واذا برى السعودية لصلالة بعمان ...

انا فهمت من رفحاوي
انه يدعي لك
وانه يتمنى لك الخير
ثم يقول لك نصيحه انك ما تسرف ولا تغضب ربك
ثم بعد هاذا
اقترح الجهه الي يراها مناسبه في الداخل والخارج
الي مهولن مدري منين يفهمون بعضهم


انا ابارك لك والله عساه يوفقك
وانصحك من غير مكه لاتروح للدول العربيه مدري عن عمان وصلاله ماجيتها
اذا عندك مادة قويه رح فرنسا او اسبانيا او الدول الاوربيه القويه

[المديرالسعودي]

في البدايه أقول لك وفقك الله وبارك لك مقدما
الأخ : رداد
طبعا الامر لك ومن الان وحتى ذلك الوقت يخطر ببال الانسان امور ويفكر في اخرى لرحلته
انا رايي : المشاعر المقدسه + الطائف (الهدا )
وفقك الله

[القروي]

[align=center]
الحمدلله
اولاً ابارك لك مقدماً ولا تنسانا من العزيمه للحفل !
ثانياً بالنسبه للمواقع انا انصحك بزعبيه خيّم انت واياها وعليكم بهالبسر احسن فاكهه
واخيراً بالتوفيق ان شاءالله .[/align]

[رداد]

رفحاوي، ابوعبدالمجيد، ذيب حرض، هرطمان ،المدير السعودي ،القروي

أشكر لكم مروركم واقتراحاتكم جميعا والله يبارك فيكم وعقبال العزوبي منكم

أما بالنسبة للعمرة فهذا أمر مفروغ منه وراح تكون مكة أول محطاتي ان شاء الله

أخوي ذيب حرض انا طول عمري عايش بجفاف وجلافة وانعم شي مسكته بحياتي عكرة ضب

فلا تلومني لودلعت المرة