الطيب عند العفن ماله ثمنيا

[المديرالسعودي]

الطيب عــند العفـــن ماله ثمنيا

--------------------------------------------------------------------------------

بسم الله الرحمن الرحيم

السلام عليكم ورحمة الله وبركاته

هذي قصيده للشاعر/ رشيد نهير الشمري قصيده اعجبتني لجزالة معانيها وحبيت اعرضها عليكم عسى تنال اعجابكم

يقول:

اشوف ناس بالمجالس يصـــدون...مدري مرض والا على الناس طنيا

اللي يعــقــدون العــقــد مايحلون...ســود الــقلــوب مـــــثورين الفتنيا

اللي على شك وشرابيك وضنون...يهـــل دمـــع الحــــزن قبل يحزنـيا

اللي يقول بقول قــــــالوا يقولون...يركز براس العــــود عشرة شغنيا

يضحك طرب ومدين الناس مديون...علـــيه من بعض الهناهين هنيا

اللــي علــى نقل النـــمايم يهيمون...هومــة مطاليــع الولع ياانشطنيا

اللــي ليا شـــاف المصلي يصلون...وان جر راع الصوت جروا لحنيا

اشوفهم واقوا على الصبر وامون...واعــز نفسي عن دروب المهنيا

ياللــي تدورون الــــــدوا لاتداوون...يلحـــس دواه وعلـــته بالـــبطنيا

ويــعــد نفـــسه مع رجــال يعرفون...اهل القلوب المــلهمــات الفهميا

مثل الزلامي وابو حجرف وابن عون...شعار نجد اللي تصوغ المعنيا

والــناس فرق بيــنهم خـــالق الكون...احد رفـــــع مجناه واحد طمنيا

وانا دلــيــلي عـــارف كــــــل قـانون...اقرا حروف الابــجدي وامتحنيا

اعـــرف دم المـــالكي قـــبل يــبدون...والحــنبلي والشــــافعي لارطنيا

واعـــرف لغوز مسيلمه قبل فرعون...ودلايل الــــنمــــات مــــاكلفنيا

واعرف مزبور الحرار اشــقر اللون...اللـــي يـــكـف اللازمه لازبنيا

واعــرف عنــتر والزناتي وشيـــبون...ياثار عــج الخــيل ماهم خدنيا

واعــرف شــــيبان العرب لو يغيبون...واعـــرف مرياع الغنم لالكنيا

واعــرف زيزوم المناعــير وبالعون...اعرف ذيب الدفلـــجه والهبنيا

واعرف قصيد الحثربي وابن لعبون...اللي فتل بالسيف واللي طعنــيا

واعــرف فتّـــــال اللوالـيس بالهون...يــنــفــخ قــلوب مفتحين الاذنيا

ومــن دور نوح الناس وهم يتمنون...محدٍ عـــطاه الله علـــى ماتمنيا

كـــلن بذنبه ينـــشــــده والـي الكون...وابلـــيـس طب النار ياما العنيا

لكــن صــحيـــح لــيا قالــوا يقولون...الطيب عــند العفـــن ماله ثمنيا

قلته وانا ماني علــى الناس ماذون...مار الله يصبرني على قد الانيا

وسلامتكم...........

[أميره بكلمتي]

صح لسان شاعرها

ويعطيك الف عافيه ياناقلها

سلمت على النقل الرائع

أبيات جميلهـ ورائعهـ

دمت بكل الوود

[القروي]

الحمدلله

صح لسان قائلها
ومشكور على النقل يامديرنا .

[المديرالسعودي]

القروي

أميره بكلمتي

أهلا وسهلا

الله يعطيكم العافيه
ودمتم برعاية الكريم

[شامي الدهيمان]

قصيدة رائعة كروئعة ناقلها

تسلم ويسلم شاعرها

تحياتي

[المديرالسعودي]

السلهومي

أهلا بك سلمك الله
دمت بخير وعافيه
لك تحياتي

[الواثق]

شكرا على الموضوع الجيد

لا عدمناك






..............................

[راعي الملحا]

صح لسانك قصيدة رائعة يالشمري

[المديرالسعودي]

الواثق الشرقاوي
دمت بوافر الصحه
شكرا لمرورك

[المديرالسعودي]

راعي الملحا
اهلا وسهلا
وبك رحب الله
شكرا لتواجدك
وفقك الله

[راعي غنم]

شي اكثر من ررررراااااااع وشكراً

[المديرالسعودي]

راعي غنم
شكرا وحياك الله
انت اروع
وفقك الله وسدد خطاك

[برق السحاب]

صح لسان الشاعر

قصيده جميله فعلا

تسلم والله على اختيارك الطيب يالطيب

تحياتي

[المديرالسعودي]

برق الضحى
لك مني كل التحيه والتقدير
وفقك الله وسلمت معافا