حنا الطنايا

[نجم]

[align=center](( حنا الطنايا ))[/align]




[poem=font="Simplified Arabic,5,white,bold,normal" bkcolor="black" bkimage="" border="inset,8,firebrick" type=1 line=0 align=center use=ex num="0,black"]
حنا الطنايا .. لاطنينا .. طنينا = تشهد لنا حايل .. واجاء .. والرعيله
وتشهد بعد كل القبايل علينا = ان الطنايا .. أسم ذيك القبيله
أسم الطنايا تاج فوق الجبينا = تاجٍ ينومس كل راسٍ يشيله
تاريخنا وافي لصرحه بنينا = بأفعال ربعي كاسبين النفيله
للشمس مرقاب الطنايا .. رقينا = في قمته .. في قمته .. نرتقي له
مثل النجوم الساطعات أعتلينا = ومثل السحاب وكل عينٍ تخيله
يابنت حنا لازعلنا .. نوينا = ماهي سوالف الف .. ليله .. وليله
شمر لياعدو اعلومه تبينا = افعالنا بالطيب كلٍ دريله
كبار الصحون ونفتخر .. لاحكينا = وساع الطعون وفعلنا مايبيله
لاجاء نهارٍ بالملاقى رسينا = مثل الجبال الراسيات الثقيله
يابنت حنا لامشينا .. كفينا = الله وكيلك مامشينا .. بحيله
نزوم لاكن لانوينا .. قوينا = للعز نجمٍ يستخيل .. ونخيله
عاداتنا .. عاداتنا .. لاأرتكينا = كل الحمول الكايده .. نرتكيله
نشوش لامنه تعزوى .. حدينا = لاثار عج الخيل كلٍ .. وخيله
حنا مقابيس الوغى لاأنتخينا = نارٍ تقابس عند قبس الفتيله
اليا ركبنا ضهورهن وأعتلينا = عيبٍ على اللي مايناطح .. قبيله
مثل المزون الناشيات .. ان مشينا = ولاكماسيلٍ تحدر مسيله
حنا الطنايا لازعلنا .. وزمينا = نزوم زومات البحور .. الطويله
والله نقط ارواحنا .. ماأنثنينا = يوم الشدايد والسوف .. الصقيله
نشرب قراٍحٍ صافيٍ لاضمينا = حتى يبل اكبودنا .. سلسبيله
نموت في عز .. وشرف .. ماشكينا = لاماشكينا ولابتي .. ينشكيله
عاداتنا .. يابنت لامن .. غزينا = بسيوفنا نشف القلوب .. الغليله
بالدم خضبنا السيوف .. وكسينا = لجل العيون الناعسات .. الكحيله
كم فارسٍ من فوق خيله .. رمينا = من هامنا تبكي عليه .. الحليله
حريبنا يبلش ولاله .. معينا = الياوقع بين الصناديد .. ويله
اليارفع خشمه .. لخشمه .. وطينا = ناطا على خشمه .. وراسه .. نزيله
قاسين لاشان اللغى .. مانلينا = والموت لامنه دعانا .. نجيله
بيض النوايا لابتي .. له وفينا = حنا الطنايا يالقلوب .. الهبيله
وخوينا لاصار داله .. رضينا = حنا هل الخوه ومنا .. دليله
والجار كنه من حدا .. والدينا = لوكان يخطي نحتمل جور .. ميله
ودخيلنا لامن زبنا حمينا = وليا عوى ذيب الفيافي .. نعويله
والضيف نذبحله وتشهد .. يدينا = يكفي كرم حاتم بذبح .. الاصيله
ويشهد لنا ذيبٍ تعشى السمينا = عشوه ربعي بالسنين .. البخيله
حنا هل الناموس .. رحنا .. وجينا = وأهل الوفا .. والكيف .. دله .. وهيله
وأهل الكرم حنا وياما .. عطينا = ياما عطينا من العطايا .. الجزيله
مثل الجبال ابطينا .. شامخينا = أفعالنا بالطيب .. ماينقوله
يابنت والله .. لاطنينا .. طنينا = ماهي سوالف .. الف ليله .. وليله[/poem]


[align=center]للشاعر / خليف الجهيلي[/align]

[القروي]

الحمدلله
سلمت يمين خطته
وصح لسان قاله الجميع ابدع ولكم التحايا .

[شمريه قطريه]

نجم
صح لسانك ولسان شاعرها المبدع
تسلم يمينك على الاختيار الرائع
وبالفعل حنا الطنايا لاطنينا طنينا
وكل الفخر لنا حنا الطنايا والسناعيس بقبيلتنا العريقه الاصيله شمر افديها بروحي
كل الاحترام لك يانجم وانت صج نجم

[فديت شمر]

صح لسان الشاعر وصح اختيارك

والله يعطيك العافيه ماقصرت

[البندق]

والنعم فيكم

[ذيب حرض]

صح لسان الشاعر وشكراً لك أخي نجم على النقل

[وسم]

هلا والله بنجم

فعلا من طول الغيبات جاب الغنايم