غريبه يأهل رفحاء وين ترحيبكم بأميركم؟؟؟؟؟!!!

[الوسام]

على ماقرأت بالجرايد سوف يقوم الأمير أبن مساعد بزياره للمحافظه لتدشين مشاريع وتلمس لحاجات المواطنين ...أللاحظ المنتدى يغط في سبات عميق عن مايحدث وإلا شرايكم؟؟

[ابونايف]

المعازيب ابخص ...

[غدير الموت]

أهل رفحاء لايعرفون التملق والتزلف الذي يجيده البعض هنا
فالتطبيل الذي أصبح موضة لبعض من يدعي التدين
فإن اهل رفحاء لايستطيعون فعله

[عذب الكلام]

يابن الحلال الناس وين وانت وين
الناس بلشانه في مصالحه الخاصه
راعي الغنم يدور الشعير وراعي..
يعني كلن بلشان في نفسه وش صار يابناخي
كبر المخده والعن الشيطان

[الوسام]

المعازيب ابخص ...

هلا أبونايف أكيد المعازيب أبخص يس مستغرب مافي ولا موضوع بهذا الشأن!!!!!؟؟مثلك عارف أخي العزيز

[الوسام]

أهل رفحاء لايعرفون التملق والتزلف الذي يجيده البعض هنا
فالتطبيل الذي أصبح موضة لبعض من يدعي التدين
فإن اهل رفحاء لايستطيعون فعله

ستالين ممكن توضيح صريح أفضل من التلميح للأهميه

[الوسام]

يابن الحلال الناس وين وانت وين
الناس بلشانه في مصالحه الخاصه
راعي الغنم يدور الشعير وراعي..
يعني كلن بلشان في نفسه وش صار يابناخي
كبر المخده والعن الشيطان

لا والله اللي أنت وين وشعرفك مثل هذي المناسبات ؟؟؟خلك بلشان بشعيرك وغنمك وكبر مخدك بضلال خيمتك بجنب الراعي

[المايستروو]

اخوي الوسام عمت مساءَ
وش تبينا نسوي يعني ياليت تنورنا يمكن عندك شي نقدر نسويه ونسينا والبركة فيك نبي

نشوف انت وين انت عن هالمناسبات ونبيك تخلينا نصحصح من هالسبات العميق .

وتحيه طيبة للاخ ابو نايف ( وانت بعد ماظنتي انك ناقص معرفه) والاخ عذب الكلام..

يالبا قلوبكم واعجبتني ردودكم بكل صراحه لانها عفويه يالله سترك وعفوك.
تحياتي لكم الجميع

[الاشراف]

عملنا ترحيب واحد باسم اعضاء ومشرفي وادارة المنتدى
والاخر لإحدى الشركات

ولكن وصلت متأخره من المصمم ولخلل فني مع ضيق الوقت
لم يتيسر ذلك

اما الترحيب

فانظر الى الجرائد والشوارع

والبيوت كلها كانت ترحب وشرعت ابوابها لسموه

وقد زار عدد من المواطنين

والقلوب مفتوحه

وهو المعزب ونحن الضيوف

والدنا ونحن الابناء

[المايستروو]

أهل رفحاء لايعرفون التملق والتزلف الذي يجيده البعض هنا
فالتطبيل الذي أصبح موضة لبعض من يدعي التدين
فإن اهل رفحاء لايستطيعون فعله

ماانتبهت لمشاركتك الا في اخر لحظه وياليت يالوسام تترك اسائه الظن يعني وحده من الثنتين يا ان الواحد يطبل يا انه ما هو معجبه هالزيارة.. لان المبالغه في الترحيب مهي حلوه لاننا في منتدى يا الوسام واتمنى انك تكون وسام عز وانشالله انك كذا ..يالله سترك... وبعدين انت شفت اهالي رفحاء استقبلوه والمنتدى ماظنتي انه مكان مناسب للترحيبات بالامير ..وفي مواضيع ناقشت الزياره كتبها الاخ / النشمي عناد (عزالله انه نشمي في اغلب مشاركاته ) وفي عندك االوجين بعد كتبت عن ذلك.
ويالوسام انت ذكرتني في مقوله "ما هكذا تورد الابل"..

باي باي وتحياتي لك اخي الكريم الوسام رغم اني اشوف انك اداري متخفي ومفروض على ادارة المنتدى واعتقد ولازلت اعتقد انك مفروض عليهم بحكم حبهم العميق لك ...قد اكون صائب وقد اكون غير صائب في ما شفت حلووه كلمة شفت يا زين الكلام العامي اشوف فيه متعه بعض الاحيان... وليس في كل الاحوال..

[الشمريه]

الترحيب باجرايد والشوارع ماتفيد بشي

[غدير الموت]

ستالين ممكن توضيح صريح أفضل من التلميح للأهميه

أي توضيح ؟
ردي أوضح من الشمس ،أهل رفحاء لايعرفون التملق الكاذب
وكيل المديح بلا سبب

[ناصر الصعب]

[align=center]صباحكم عســــــــــــــــــــل ومٍســـــــــــــــــــــــاكم ورد .............الجميع

لا اعلم لماذا اليوم بالذات عندما استيقظت من نومى باكراا قررت اعمل قهوه وشاى على

الحطب حبيت استرجع شريط حياتى ......! ياااااااااااااااااااااوه بلشه هالفصحى .

الوكــــــــــــــــــــاد سويت القهوه والشاى وسجيت شوين .... اى سرحت قليلا ...يعنى خذيتلى

دهوه ....هنااااااااااااااااااك واكتشفت ان الحياه حلوه رغم كل الظروف لا أعلم كيف ولكن هذا

احساسى حبيت اشارككم فيه وتقهووووون معاى ....يالله حيهم.

اما بخصوص ماقاله اخى الكريم والعزيز الوسام ....جعلك الله وسام للعز والفخر ...بخصوص

مشاركته وسؤاله لماذا لا يوجد ترحيب وان الناس في سبات ...؟

اقولك ياخوى الوسام والله انا اعرف الاجابه . بس مانى اقصد لا اريد ان اخبركم ؟



عسى الفنجان يعجبكم بس ؟[/align]

[khaled980]

أهل رفحاء لايعرفون التملق والتزلف الذي يجيده البعض هنا
فالتطبيل الذي أصبح موضة لبعض من يدعي التدين
فإن اهل رفحاء لايستطيعون فعله

عجبتني ياستالين باراك الله فيك

[زوينة]

صراحة الموضوع مافيه من الفائده شيء وأتمنى حذفة