أخجـل أنـا وأحـط هالـراس فالطـيـن

[حنين الماضي]

هذا إهداء لرواد قناة ال .... وانتم بكرامه

جيت أنـا الدنيـا عـام تسعـه وسبعيـن** وأدري يـا نـاس خبرتـي فيهـا شويّـه

أقضـي اسنيـن وتتلـي سنينـي اسنيـن** وكم غرايـب أو عجايـب يمـرّن عليّـه

ربّونـي أهلـي من الصغـر أتبـع الـديـن** وعلموني أحكّـم عقلـي فـي أي قضيـه

قالوا يـا شويعـر اقسـى واتـرك الليـن** ووصـف لنـا شعـرك تجـاه لكادميّـه

أخجـل أنـا وأحـط هالـراس فالطـيـن** قنـاة(ن) للعـرب هـاذي ولا أجنبـيّـه

قلـت يـا عـرب شوفـوا ذرفـة العيـن** للي يتابع هالبرامـج هـو أكبـر ضحيّـه

أبكـي ونـا أرثـي حــال المسلمـيـن** ماتـت مشاعرنـا رغـم قلوبنـا حـيّـه

ياعـزة النفـس ليـه عـنّـا تغيبـيـن؟** وحثالة القوم صـاروا الأسيـاد فالدنيـا!!

شبعنـا مهـازل نشربهـا مـن اسنـيـن** ومن الغـزو الفكـري كـم شفنـا الأذيّــه

فقدنـا الـذوق؟؟ ولاّ عنصـر الديـن ؟؟** حـد(ن) يشاركـنـي فــي هالقضـيّـه

لاني بضد الفـن والطـرب والتلاحيـن!** ولاني ضد "برونو" أو " محمـد عطيّـه"

أنـا شويعـر وزادي شــوق وحنـيـن** أعشـق أنـا بـلادي وحتـرم لبجـديّـه

بالله خبروني: هـل يجـوز فـي الديـن؟** خلوة(ن) فيها " خلاوي " يعانـق إبنيّـه؟؟

حيـاه.. منهـم أكثـر فيهـا الشياطيـن!!** بوس .. أحضان.. والله يستر فـي الخفيّـه

صوّروهم في الأكل حتـى غسـل اليديـن!** يـا ليـت شفناهـم ركّـع فـي العشيّـه!

خيّروني في ثلاثـة واللـي يتمّـون ثنيـن ** ولنهـا جميلـة اختارهـا غصبـن عليّـه

سمّـوه " سوبـر " حشـا تقـول بنزيـن** والحينه لهم دار(ن) هـي وكـر الخطيّـه


( هزل .. طرب .. عزف) سمّوها تمارين!** هاذي حيـاة(ن) ميتـه ولا فيهـا أهميّـه

وحنّـا خضنـا بالعقـل مـر القوانـيـن** ومرّينا فـي أقسـى الظـروف الجامعيّـه

فينا .. علماء.. أدبـاء.. حتـى مهندسيـن** مـا حيـد حطوهـم فـي فقـرة دعائيّـه

حــرام نـصـرف آلاف ومـلايـيـن** لجـل نصنـع مطـرب حـك أغنـيّـه!!

بس أنـا أدري وأنـت يـا بنـت تدريـن ** بنـي يهـود هـم ورا اللعـبـة الدنـيّـه‎

[رفحاوي]

مشكورة حنين الماضي والحاضر
صح لسانك ولسان الشاعر

[الدب الداشر]

صح لساااااااانك ولسااااااان الشاااااعر حجيه حنين
تسلمين

[عاشقة الجهاد]

أصلح الله الحال يا أخيه

شكرا لك حنين

[هرطمان]

صح لسانك حنين الماضي
ويبقى راسك مرتفع ان شالله دايم

[حنين الماضي]

رفحاوي
الدب الداشر
أم خالد
هرطمان

مشكورين على المرور

[السيف المقهور]

يعيك العافيه على اللي كتبت وهذا قليل في حقهم بس لا توقفون لهذا الحد عليهم ؛؛؛؛؛؛؛؛



ابياتك حلوه ورائعه ؛؛؛؛؛

[المختلف]

شكرا لك
حنين الماضي
ابيات رائعة
جدااااااا رائعة
شكرا لك
واصلح الله حالهم وحالنا

[حنين الماضي]

الاخوان السيف المقهور والمختلف
مشكورين على مروركم

[فرج الحمدان]

جزاك الله خيراً أختي حنين ....

وصح لسانك و لسان الشاعر

[أخو شاهة]

صح لسانك أختي ( حنين )
وجزاكِ الله الف خير .

[حنين الماضي]

الاخوان فرج الحمدان واخو شاهه
شكرا لكم على مروركم