موضه الاسهم ونداء للشيحي !!

[كورن فليكس]

الاسهم وما ادرك مالاسهم عجت بها العالم وانا مع الخيل ياغبرا لاومن زين الطبايع حاط لي مكتب بالبيت وشريت جهاز مخصوص علشانهن ومشغلهم بالبيت مابي ازعاج مابي لجه وين الشاهي احسب عمري رجل اعمال الين جت الطامه الكبرى وراحت الدارهم .
عاد كتبت هالكلام الي تحت وعسا غيري يتعض ووجهته لكاتبنا ابو حسام صالح الشيحي غديه يكتب عنه بس عاد ليته يقراه الي يشوفه يعلمه قولو تم....

....................الاسهم..............

يـانــاس انـا مـنـصاب وحالي جريحي
سـهـمـأ خـطيرأ صوب الجيب واخواه

مـن يـعـرف الاسـهـم مـايـسـتـريـحي
ســكـر مـع الـضـغـط ويـعــاف دنـيـاه

مـره يـجـي فـرحـان ومـره يـصيحي
وضـغـطـه عـلى الـميه ويمكن تعداه

من عقب ماهو فوق بلحضه يطيحي
يـروح بـراس الـمـال ويـرجــع بـلياه

ويـن انـت الـي كـل هـرجك فصيحي
يــالـي مـقـالاتـك عـلى طـول نـقـراه

يـالكاتب الـفـذ يـاصــالـح الـشـيـحي
حــذر جـمـيـع الـناس من هالمعاناه

الـسوق بـــه حـيـتان قولأ صحيحي
وحنا تقل سردين نمشي على خطاه

وصـرنــا تـقـل ريشه بــوسط ريحي
هـــامور يـنـفـخـهـا وثــانـي يـتـلـقاه

اهـل الشـوزن هــم وحنا الوضيحي
مــن ويــن وجـهـنا زنـقـيــل نــلـقـاه

غــرونـي فـي سـابك مدح ومديحي
وخـسـرت بـه عشرين الفأ واويلاه

حـاولت انـا ابـلعها ودمعي يسيحي
ومن يومها حرمت الاسهم وطرياه

مــرت عــلى ايـام وانــا طــريـحـي
مـن شـافـنـي قال مسكين وش جاه

وذي قــصـتــي انــا يــاهـالـمـلـيحي
في مـــنــتــدى رفـحــاء كـلـه كتبناه


وسلامتكم

على فكره قبل انسى الي خابر لي ددسن اقساط ويكون القسط الف وميتين
يدلني عليها وبخصوص الكفيل الدب الداشر هو كفيلي واهم شي بدون دفعه


لكم تحياتي

[جيل المستقبل]

الله يعوّض عليك بخسااااااااااااااارة العشرين ألف

وترى الخسارة الحقيقية هي بالعمر وأنا أخوك

وبالنسبة للأسهم أنا أسميها عمل من لا عمل له

واستثني من القاعدة هذه : الذين كانوا يعملون بالاسهم قبل سنين

[هرطمان]

انا احمد اللي يستحق المديحي
الواحد اللي بالعطايا رجيناه

مالي مع الاسهم سهومٍ تطيحي
لاكن عزيز النفس جاوبت شكواه

ابنصحك كانك تحب النصيحي
اشتر من البل المغاتير واشياه

والوايت اللي لا مشى له فحيحي
وبيتٍ مخومس لا مشينا نصيناه

واضرب طواريق النبط والفصيحي
الوسم مقبل والربيع نتمناه



يمكن اشوالك من الاسهم ودوختها

[كورن فليكس]

الغالي جيل المستقبل

شاكر لك هذه المواساه

وشرفتني بمرورك


لك تحياتي

كـ

[كورن فليكس]

يـامـرحـبـا بالي قال الصحيحي
ابـرده الـواضـح عـلى ماكتبناه

انا اشهد انه قال هرجآ فصيحي
جاب الكـلام الـي كـلـن تـمـنـاه

منهو شرا الخلفات ترا مستريحي
وخمسين راس من البهم الي منقاه

من هرجتك دمعي دلا يسيحي
تسلم يمينك وياعسا الخير تلقاه


الغالي هرطمان
صــــــــــــــــــــــــــــــــــــح لسانك على هالرد الرائع
شرفني مرورك
لك تحياتي

[الدب الداشر]

صح لساانك حجي كورن الفصااحه ومثل ماقاال الحجي جيل ان الخساره بالعمر

(تعيش وتآكل غيرهاا )

صح لساانك حجي هرطمان

[أنيس]

الله لا يبلانا بالخساير .

[رفحاوي]

صح لسانك يابو فليكس انت وهرطمان.

تبون الصز ؟!

مثلي وشرواي من هاللي ما يدرون وين القصيد موجه.
المفروض ما يعلقون على مثل هيك قصايد.
لكن يمكن مثل ما قال حبيب الكل (انيس) بي لقافة.

[كورن فليكس]

اولا اسف جدا جدا جدا اكمل ولا يكفي على تاخري بالرد

الغالي بالحيل الدب الداشر
صح لسانك ونورت الحته


الغالي انيس
منور وامين الله لايبلانا


حبيب القلب رفحاوي
صح بدنك يالغالي
لا مابك لقافه وش دعوى محشوم
وتحسب الشعر معجزه تراه ماغير صف كلام ورتب اخره وتصير قصيده
وتوته توته قضت الحتوته وتصير الفرزدق
منور يالغالي


لكم تحياتي كل ابوكم

اخوكم
كـ

[رفحاوي]

هلا وغلا ابو فليكس.

ما يحتاج توسف يالغالي.

تقول الشعر بس صف كلام.
هذا بلى ابوك يا عقاب.