لايمكنك سحب حلالك الى متى يالراجحي...

**ابو متعب** · 16 May 2009, 01:08 PM

قدر الله علي وكنت أبي أسافر ضروري يوم الاربعاء الماضي وشلت أولادي وأغراضي

وكنت على عجلة تخبرون حنا ياسعوديين مانخطط يالله مشينا مشينا على طووول

ومريت صرافة المايق يمار لايمكنك السحب ثمن المرحومة زبيدة ثمن اللي أمام فندق

رفحاء وهلما جرا حوالي ثلاث صرافات يما وصلت فرع الراجحي وألقاهم مقفلين باب الصرافات

معبين الاولى ويشتغلون بالثانية واطق عليهم يالربع أبي حلالي وعرق جبيني

الا أكا العجوز تقول عطن الله يعطيك قلت أنتي عطيني منين لي مامعي شين

وبعدين ياكبر شرهتك نص الشهر وتبينن أعطيك خافي الله بنا لاتصيرين أقشر من هالفرع

اللي عيا علي بحلالي والاقصاد يأخذونه على طوول لا يراعون لا أعياد ولا غيرهـ

وقفت أنا وهالعجوز حوالي ربع ساعة ولاحياة لمن تنادي هي تبي مني وأنا أبي منهم

وأنا أدخل على الفرع وأسوي طلب سحب وأجيبه على الموظف قال عطني بطاقة الاحوال

وأعطيه الرخصة قال لا يمكن مزورة ولانقبلها مايدري أن بنو بنقال ماخلو شين وماهم عاجزين

عن بطاقة أحوال وأنا اللي أعطيه بطاقة الصرافة قلت بنفسي هالحين ماله عذر

لكن للاسف رفض وكأنه يقول يمكن مسرووقة وأروح وأجيب له كرت العايلة بكبره والحمد

لله أخيرا" وافق

ساعة ونصف من عمري راحة وانا بين صرافات الراجحي؟؟؟

هل يعقل أكثر من سبع صرافات مريتها مافيها قرووش؟؟؟

لو كان واحد مضطر أكثر مني وش بيسوي؟؟؟؟

هذا ماجرى لاخوكم ولد الطايع بالحرف الواحد يوم الاربعاء 18/ 5/1430هـ

**شدقم** · 16 May 2009, 01:21 PM

كل شي للاسف سي برفحاء

من اعلى الهرم الى قاعته لا ترتقي المحافظة الا باهلها وللاسف كل ما قابلت واحد رفحاوي وسائلته ما فيه جديد برفحاء قال لا تسئل
اذا ما نهضت على يد شبابه لن تقوم لها قائمة
قبل اسبوع اعتصم اكثر من 60 شخص بالجنوب عند مبنى الاتصالات بسبب سو الخدمة هل نرى مثل هذا الاعتصام ام لا برفحاء

احمد ربك انك صرفة من البنك انا طالع من العمل يوم الاربعاء والبنوك مسكرة سحبت خمسة الاف من الصراف وتك تك وتكوتك وتمت العملية بنجاح ولا فلوس ولا هم يحزنون بدل ما اجي لرفحاء جلست بالشرقية
ارجعت الفلوس بعد شكاوي و23 يوم

تقبل مروري

**ابومحمدالزوبعي** · 16 May 2009, 05:03 PM

أخي ولد الطايع والله عندنا في رفحاء من التسيب الواجد واهمال حق المواطن لكن أشوى أنك حصلت على حليّلك عاد ماعطيت العجيّز شي ؟

**ابو متعب** · 16 May 2009, 07:56 PM

المشاركة الأصلية كتبت بواسطة شدقم

كل شي للاسف سي برفحاء

من اعلى الهرم الى قاعته لا ترتقي المحافظة الا باهلها وللاسف كل ما قابلت واحد رفحاوي وسائلته ما فيه جديد برفحاء قال لا تسئل
اذا ما نهضت على يد شبابه لن تقوم لها قائمة
قبل اسبوع اعتصم اكثر من 60 شخص بالجنوب عند مبنى الاتصالات بسبب سو الخدمة هل نرى مثل هذا الاعتصام ام لا برفحاء

احمد ربك انك صرفة من البنك انا طالع من العمل يوم الاربعاء والبنوك مسكرة سحبت خمسة الاف من الصراف وتك تك وتكوتك وتمت العملية بنجاح ولا فلوس ولا هم يحزنون بدل ما اجي لرفحاء جلست بالشرقية
ارجعت الفلوس بعد شكاوي و23 يوم

تقبل مروري

هلا أخوي شدقم.....
الحمدلله على رجعت قريشاتك وأسعدني مروك وتعليقك الجميل

**ابو متعب** · 16 May 2009, 08:00 PM

المشاركة الأصلية كتبت بواسطة ابومحمد الزوبعي

أخي ولد الطايع والله عندنا في رفحاء من التسيب الواجد واهمال حق المواطن لكن أشوى أنك حصلت على حليّلك عاد ماعطيت العجيّز شي ؟

هلا بأخـــوي الزوبـــــعي.....
الحكومة الله يجزاهـ خير ماخلت عليهم قاصر حتى المتخلفين مشو لهم فليسات
لكن هالعجوز ماخذتها طبع يمديها أغتنت من عرفت رفحاء وهالعجيز موجودة عند الصرافة
وأشكر لك مرورك أخي أبو محمد

**رفحاوي** · 17 May 2009, 12:15 AM

ما فضى الصرافات الا انت وابن احمد والسندي ...
ما شاء الله من كثر فلوسكم ...
هو بوه احد معه فلوس بنص الشهر ؟!
حلولات اللي عندك يوم تشحدك العجوز ...
الله يسعد قلبك يالغالي ويوفقك ...
ملاحظة مهمة ونتمنى من الإخوة بفرع الراجحي حل المشكلة مع العلم أننا نستغرب خلو الصرافات من النقود في يوم غير 25 ...

**ابو متعب** · 17 May 2009, 12:42 AM

المشاركة الأصلية كتبت بواسطة رفحاوي

ما فضى الصرافات الا انت وابن احمد والسندي ...
ما شاء الله من كثر فلوسكم ...
هو بوه احد معه فلوس بنص الشهر ؟!
حلولات اللي عندك يوم تشحدك العجوز ...
الله يسعد قلبك يالغالي ويوفقك ...
ملاحظة مهمة ونتمنى من الإخوة بفرع الراجحي حل المشكلة مع العلم أننا نستغرب خلو الصرافات من النقود في يوم غير 25 ...

أضحك الله سنك يارفحاوي أجل أنا تعدن مع قائمة هوامير من رفحاء
والله ياخوك هي لي وطي والحمدلله ننقطهن بحلوق هالوغيدان لايهفون
الظاهر أنك بعيد عن رفحاء يارفحاوي الجمعة مافيه سحب بنوووب
أشكر لك مرورك والحمدلله على السلامة

**السونامي** · 17 May 2009, 05:41 AM

بالعكس صرافات الراجحي ممتازة جداً بس يمكن

احصلت معك فقط. ( لا بعد تبيهم يحطون لك صرافه بجنب بيتك)

والله حاله كل واحد يحصل معه موقف بسيط وعادي جاء يركض

الى المنتديات يكتب ويسب!!! وش هالثقافه الجديدة ؟

**عروووبة** · 17 May 2009, 06:00 AM

( اخوى ولد الطايع )
من اول ماينزل الراتب اسحبه كله
وادفنه تحت المخده
واسلم
...........................................
اخوى السونامي
ابشرك صارت ولا 30 مرة
على ايام الشهر
ومع افارد العايلة كلها وانا اختك

واكثر من عضوا شكوا من هالشي

**شخبوط** · 17 May 2009, 10:43 AM

العزيز ولد الطايع

الحقيقة مشكلة الصرافات ليست اليوم او أمس

بل صار لها زمن دون حل !!!

المشكلة بمن يقوم بالسفر ويحتاج لمبلغ من المال

ولا يجد صرافة تصرف له المبلغ هنا هي المشكلة

ولكن اين الحل المناسب ؟؟؟

لو كان للراجحي مبلغ ريال واحد عليك لم ترددوا بحسمه فوراً

دون عقبات تذكر .

لكن أنت ايه العميل اخر من يهمه امرهم.

تقبل مروري

**ابو متعب** · 17 May 2009, 11:16 AM

المشاركة الأصلية كتبت بواسطة السونامي

بالعكس صرافات الراجحي ممتازة جداً بس يمكن

احصلت معك فقط. ( لا بعد تبيهم يحطون لك صرافه بجنب بيتك)

والله حاله كل واحد يحصل معه موقف بسيط وعادي جاء يركض

الى المنتديات يكتب ويسب!!! وش هالثقافه الجديدة ؟

ياتسونامي.....
المنتديات تعج بالغث والسمين ولست مجبرا" بقراءة مايكتبه ولد الطايع
أو الرد عليه وللمعلومية أعد قراءة موضوعي ستجد أني ماسبيت أحد

**ابو متعب** · 17 May 2009, 11:22 AM

المشاركة الأصلية كتبت بواسطة عروووبة

( اخوى ولد الطايع )
من اول ماينزل الراتب اسحبه كله
وادفنه تحت المخده
واسلم
...........................................
اخوى السونامي
ابشرك صارت ولا 30 مرة
على ايام الشهر
ومع افارد العايلة كلها وانا اختك

واكثر من عضوا شكوا من هالشي

أسعدني مرورك أختي عرووبة....
الظاهر مالي ألا أسحبه منعا" للاحراج ولك تــحيتـــي

**ابو متعب** · 17 May 2009, 11:25 AM

المشاركة الأصلية كتبت بواسطة شخبوط

العزيز ولد الطايع

الحقيقة مشكلة الصرافات ليست اليوم او أمس

بل صار لها زمن دون حل !!!

المشكلة بمن يقوم بالسفر ويحتاج لمبلغ من المال

ولا يجد صرافة تصرف له المبلغ هنا هي المشكلة

ولكن اين الحل المناسب ؟؟؟

لو كان للراجحي مبلغ ريال واحد عليك لم ترددوا بحسمه فوراً

دون عقبات تذكر .

لكن أنت ايه العميل اخر من يهمه امرهم.

تقبل مروري

أهلا" وسهلا" أخوي شخبووط....
صدقت بكلامك وأسعدني مرورك ولك تـــحيتـــي

**الكتراز** · 17 May 2009, 05:24 PM

نكتب هنا النقد الهادف الذي يحرك بعض الجهات النائمه ويصحيها من غفوتها
المنتديات وجدت لنا القلم الحر الذي نملكه لنعبر فيه عن ارائنا من دون قيود .
بالفعل صرافات رفحاء كثيرت الاعطال
الراجحي مشكلته اوقات الرواتب وايام العطل الاسبوعيه وهذا هي اهم الاوقات لنا .
نأمل ان يصل صوتك وموضوعك للاخوه بالراجحي للنظر في كثرة الاعطال وخاصة عبارة لايمكن السحب مؤقتاً (هل تريد تنفيذ خدمات اخرى

)

**ابو متعب** · 17 May 2009, 10:06 PM

المشاركة الأصلية كتبت بواسطة الكتراز

نكتب هنا النقد الهادف الذي يحرك بعض الجهات النائمه ويصحيها من غفوتها
المنتديات وجدت لنا القلم الحر الذي نملكه لنعبر فيه عن ارائنا من دون قيود .
بالفعل صرافات رفحاء كثيرت الاعطال
الراجحي مشكلته اوقات الرواتب وايام العطل الاسبوعيه وهذا هي اهم الاوقات لنا .
نأمل ان يصل صوتك وموضوعك للاخوه بالراجحي للنظر في كثرة الاعطال وخاصة عبارة لايمكن السحب مؤقتاً (هل تريد تنفيذ خدمات اخرى )

هلا أخوي الكتراز....
والله أنك كتبت الحقيقة اللي أملاهـ عليك ضميرك الحي
الاعطال مستمرة وهذا التسونامي:i يقول بس أنت فقط
اللي يواجه الاعطال فعلا" واجهتني هالعبارة كثيرا" ( هل تريد
تنفيذ خدمات أخرى )
ولك تحـــيتــي أخوي الكتراز

آخر المشاركات

الموضوع: لايمكنك سحب حلالك الى متى يالراجحي...

أدوات الموضوع

تقييم هذا الموضوع

عرض

لايمكنك سحب حلالك الى متى يالراجحي...

مواقع النشر (المفضلة)

مواقع النشر (المفضلة)

ضوابط المشاركة