أبرشحك ياعضو وتشوف لي حل!!

**الدمار الشامل** · 24 Feb 2005, 03:55 AM

[align=justify]أبرشحك ياعضو وتشوف لي حل .... وهذي ترى تسعين صوت يلالي
خل هجرني وابتعد هقــــوتي مل ... عقب الغلا ياخوك شفني لحـــالي
خفيف ظل ظالم ضلني وضــــل ... ضللني الظالم عز الضـــــــلالي
ليتي ماشفته ليت ولاتلني تــــــل ... هبل بي الملعون! ياهمـــــلالي!
وديت له أبيات ثم قال لي (ول!) ... قلت لاتسمع الناس ياراس مالي
في منتدى رفحاء بالامس الاول .... كتبت لي أبيـــــــات أشكي هبالي
لقيت دبٍ داشرٍ حيـــــــل مختل .... يوم جيت أبشكي له قام وشكى لي
والله ياعضو لو شفت لي حل .... لشاربك تسعين صـــوت يلالي!![/align]خاصة بالمنتدى.......................................... .........................

**الافندى** · 24 Feb 2005, 01:52 PM

الدمار الشامل ... صح لسانك .. ولله درك

رائعه ... رائعه ...رائعه ..

**الدمار الشامل** · 25 Feb 2005, 01:39 AM

[b]الافندي..
شكرا رقيقا لمرورك العذب..
دمت أخا فاضلا..
وأفندياً موقراً..!!!!

**الدب الداشر** · 25 Feb 2005, 03:22 AM

[align=center]مختل من دنياً بها الكل مختل ... مـن وين ما وجهـت تلقى الخـبالي

أحيان تنظر ما تلااقي لها ضل ... وأحيان تلقى الضل من دون والي

واحيان تشرب من ضمها ليا أبتل ... وأحيان تشبع كلااااام الخوالي

وأحيان تلقى النصف مع فزة الكل ... وأحيان تلقى الكل يتبع زوالي

وأحيان تبحث ما تلاقي لها خل ... وأحيان تغرف من بنات الحلاالي

وأحيان دربك ما تيسر ليا أنـدل ... وأحيان لا ضيّعت تبغى الشمالي

تدري بلاش تحوش دربك ليا زل ... خله فحاله وأبدلـه بـالـسـهالـي

شفهن ثلاث نقوط يسراك يا خل ... لالا<-- يمينك لا تضل وتبالي

راحن وضل البيت مـوزون بالمـل ,,, وأحيان تفرق شف نقاط المعالي (المغالي)

شفها عنود الشعر من خاطرن كـل ... تطلب "دمارك يبتعد عن دلالي"

.............................. 000 ............................

أحسن تعيش بهالهواجس بلا حل .... (((والمستريح اللي من العقل خالي)))

الله يرجك دماار رجعتني لأياام الشباب خخخخخخخخخ

<<===== وش عنده المتنبي

المهم هالرد والله ما تجاوز 10 دقاايق بس رد محشش خخخخخخخخخخخخخخخ

وأحس انه كلاام كبير علي بس والله انا اللي كاتبه (((يعني لأحد يسرقه)))

<<==== مصدق رووحه

يالله عاد انتظر رسايل الإعجااب على الخااص ((شكل بتجيني كفوف على الخاص وفناقر على العام))

الدماار هذا إنذار لك وإذا غلطت علي مره ثانيه بكتب فيك معلقه خخخخخخخخخخخ لا أمزح ماعليك امن واماان

أنا مدري ليش ما ارد بس لعل اللي يقرأ وتسااعده كبده يووصل لا هنيا يمكن ينسى القصيده والأخطاء الإملاائيه

تدرون بتشجع وبضغط إرسال

يالله باااي [/align]

**الدمار الشامل** · 25 Feb 2005, 03:57 AM

ياااااااااااااامرحبا الدب الداشر.....
اشتقنا لك يارجل..
يعطيك 365 عافية سنويا..
كل يوم وحدة..
الرد هذا ذكرني بسوالف فهد عافت...!!
شكرا جزيلا لك........
إلا على فكرة!
ما أحد قال لك إنك لذيذ؟

**الدب الداشر** · 25 Feb 2005, 04:18 AM

حجي دمااااار

<<=== دب ملياان كولستروول

الله ينطيك كل يووم 365 عافيه

والله انا اللي اشتقت لك

مــحــبــتكـ
الــدبـ الــداشـــر خجل

**الافندى** · 26 Feb 2005, 05:11 AM

دمار لاتزعل ترى الحال تنسل ـــــــــــــــــــــــــــــــــــ شكواك حله عند راع المعالى
ترى العضو مثلى ومثلك مكبل ـــــــــــــــــــــــــــــــــــ بقيد النظام واعذره ياحلالى
لاتحسب انه ياوصل يرضى الكل ـــــــــــــــــــــــــــــــــــــ تكشف لك الايام سر الليالى
مادام عن رفحاء ثلاثين مختل ــــــــــــــــــــــــــــــــــــــ كله تبى تجلس على برج عالى

**شامي الدهيمان** · 27 Feb 2005, 02:36 PM

حياك الله أخي الدمار الشامل وبصراحة لك وحشة يارجل لاحس ولا خبر وين دنياك
وحشتنا كثيييييييييييييييييررررررررررررر

يعطك ألف ألف عافية أنت والدبدوب الحبوب دائم مبدعين . ورجوعكم للمنتدى يعنى عودة الروح أليه

تحياتي للجميع

**ليث** · 02 Mar 2005, 03:29 AM

كلكم رائعوووون وعلى رأسكم صاحب القصيده الدمار الشامل

**الافندى** · 07 Mar 2005, 10:26 PM

[align=center]اكرر شكرى وتقديرى ايها الدمار الشامل

رائعه .... تستحق ... ان تقراها مرات ومرات

ذوق راقى ... وابيات مليانه (مربربه مثل ؟؟؟؟ )[/align]

**ليث** · 08 Mar 2005, 12:26 PM

انا جاي اقراها مررره ثانيه

ولقيت كلامك الافندي واستانست

**رفحاوي** · 08 Mar 2005, 02:06 PM

صح لسانك يالعمار الشامل ...

وينك ما تنشاف ؟!!

**tals** · 27 Mar 2005, 11:41 PM

ابي اكتب شكر خاص
للدمار الشامل والدب الداشر والأفندي
روائع ، روائع روائع ، وشكرا لكم لمتعة قراءتها
برغن اني لا اقرض ولا اكسر الشعر
=======================
وابي ارجع اقرأها مرة ثانية وثالثة -----------> لين ما انمل

**tals** · 27 Mar 2005, 11:43 PM

برغن = برغم
ههههههههههههه

**الدمار الشامل** · 29 Mar 2005, 01:38 AM

رفحاوي........
أنا موجود وتحت أمرك..
لمرورك بريق اخر

آخر المشاركات

الموضوع: أبرشحك ياعضو وتشوف لي حل!!

أدوات الموضوع

تقييم هذا الموضوع

عرض

أبرشحك ياعضو وتشوف لي حل!!

مواقع النشر (المفضلة)

مواقع النشر (المفضلة)

ضوابط المشاركة