وشي سيارتك ...؟؟

[فواز]

كنت اتصفح بعض المنتديات فوجدت هذه الكلمات الجميلة .... وهي تصف كل شخص حسب نوع سيارته ..
وأحببت أن أريكم إياها ... لعلها تعجبكم ،،،

( منقول )
------------------------------------
أنت و سيارتك
إذا كان معك فأنت
كابرس : شخص شديد و شعبي و تحب الفزعة و لا تحب الميوعة
كريسيدا : مهبول و حق فرفشة و سعة صدر لكنك مخفة
مازدا : تحس دائما أن ودك توقف عند الأشجار ( بدافع غريزي كون أن معك بقرة)
مكسيما : طايش و متهور تظن أن معك فيراري عشان كذا دايما داعس على البنزين للآخر
ألتيما : نويعم دايم تمشط شعرك عند الإشارات
هوندا اكورد : مصدق نفسك أن سيارتك شخصية
بي أم دبليو : ياهووووووووه من قدك
كادليك : تفرح بالمطبات عشان تطامر
ددسن : تحس أن أسمك هيثم و ودك تشرب كابتشينو دايم
لنكون : شعرك عرادة و تحب المعسل
فياقرا : ولد نعمة و شايف نفسك لكن أنصحك لا تجاكر اللي معهم كوابرس : تراهم ما يرحمون
صني : خفيف وزن و عقل في نفس الوقت
بيوك : عندك كرشة تروع
بنوفيل : دمك ثقيل و وزنك اثقل
لاند كروزر : فنان تطعيس بس الأخلاق تجارية
روفر : الله يخلف عليك
هوندا سيفيك : مشغل نفسك كل يوم تغسلها و تلمعها
اس تي اس :كل يوم رايح للوكالة عشان يا تصلح يا تسوي لها صيانة
سفاري : تحب الطواقي الزري و الدخان
سوبربان : تجمع عرابجة حارتكم عشان تدورون في التخصصي وتزعجون خلق الله
كورولا : أكبر ما فيك رأسك و مع ذلك ما تستخدمه
سوبارو : رياضي و تحب المشاكل
سدرك : موسوس و بخيل
زد : مشبوه و عند كل نقطة تفتيش الله يعينك
موستنق : تظن إن الناس تناظر و هي معجبة مع أنها في الحقيقة تتحمد عليك
جاكور : مسوي فيها أوروبي و أنت ما في راسك
بيجو : فاهم الدنيا غلط
جمس صحن : عصبي و مرجوج و قمة سعادتك أنك تحدد خلق الله
كامري : مقتصد في الفلوس بس مسرف في البربة و السواليف
لكزس 400 : دايم مهدي و راز خشمك بس في النهاية ما معك إلا تيوتا
أودي : شكلك شخصية و ثقيل بس لين تكلمت خربت الشغلة كلها
تيرسل : تحب تفرفر بين السيارات و تزعج الناس بالبواري
ميركوري : شايف نفسك و مغرور
كراون : حبيب و هادي
كرايسلر: غثيث و بثر
انفنتي : رسمي مهتم بشكلك أكثر من عقلك
كابرس أس أس : خفيف دم و مجلسك ما ينمل منه
جيب شروكي : مجنوووووووووووون بر و سوالف
هوندا ليقند : تحب تقزقز و تتلفت على خلق الله
سزوكي : تحب تدور عند المدارس
ايسوزو : مكروه من قبل الناس لأنك ببساطة كتمت أنفاسهم بالديزل
لكزس 300 : أنيق و جذاب
كراون فكتوريا : مجنون كورة و تحب الفصفص
هونداي : مزعج خلق الله بالمسجل ...كن محد عنده مسجل غيرك
لومينا : وش حليلك بس المشكلة أنك متعصب بزيادة لناديك
شبح : مشخص رغم أنها راحت عليك
---------------------------------------------------

الله يستر لتعرفون سيارتي ......

[المرجوجه]

يعطيك العافيه اخوي فواز..

والله يا اخوي .. انا بجهه والسيارات بجهه ثانيه

لكن اللي أعرفه .. ولله الحمد يعني... سيارة واحد من اخوني

كراون فيكتوريا: مجنون كوره ويحب الفصفص

والله انا اللي احب الفصفص...

والباقي الله أعلم...ماادري وش هي سياراتهم......

يعطيك العافيه اخوي....

سلالالالالالالالالام

[فواز]

أختي المرجوجة ...

مشكورة على مرورك وردك الجميل ...

[أم أحمد]

أخوي فواز حيرتني الحين .. يعني لما بسير اشتري سياره بقري لستتك بالاول ... لين ما خذ الليسن بس انا خاطري بالفورد ... شكرا اخوي فواز والله يعطيك العافيه ان شالله ..شكرا

[الدب الداشر]

مشكور فواز بس يآخي ليش راعي الكراسيدا مخفه أكيد انك دارس علم نفس
وراعي الكابرس شديد خصوصا" اذا كانت الأرقاام أربعات هه واضح شديد

طيب والبنز 92 فرخ الشبح أنا أبي اعلق عليه قوي كل يوم يشرب حليب السعوديه ويرفع اثقال بالسانه عشاان يصير ملسون صح لولا

مشكور حجي فوازبس حقة الكابرس غيرها

[ًًََعزّامٍٍِِ]

هلا وغلا اخووي ومشكووور

سراحه الموضوع رهيب مرررررره مثل تسالي رهيبه ياتسالي

<<<<< يحبها موووت

المهم على فكره مو كل من عنده فياقراا متكبر
لا والله تراا شي عاادي

<<< يبيكم تصدقون ان عنده فياقرا عنده هلكس 81 عليها شبك على شان الغنم



اخوك // عزام

[القعـقاع]

الاخ فواز:

الله يعطيك العافه وما قصرت بس....... لو انك مأجل

الموضوع شوي يكون أفضل لانني كنت ابي اشتري

مكسيما بس الحين غيرت رأيي ابي صني

زي الرجيلي والله يستر:( :( :(

ويعطيك العافيه اخوي فواز ما قصرت

ونستنا الله يونسك

,,,

[فواز]

عاشقة الليل .. أشكري على ردك .. وأقول : لا تحتارين ولا شيء .. أشتري ( كابرس أس أس ) ..


الدب الداشر ... دبدوب ... أشكرك على كلماتك الرائعة .. ودقاتك الجميلة ...؟؟!! ( بس لا له عاده )
دبدوب والله مادرست علم نفس .. ولا شيء .. أنت تدري وش أدرس أنا .. والله لو أني دارس علم نفس كان تلقاني أركض بحارة الصين الشعبية بدون نعلول .. وبدون ..... ( الباقي عليك )



عزام .. أشكرك على ردك الجميل ..
أقول وش رايك تمرني أنا والدب الداشر تاخذنا معاك للغنم .. هاه وش قلت .. نبي نشوف سيارتك ... يمكن أشريها لدبدوب ..


القعقاع .. يا هلا والله .. وأشكرك على كلماتك الرائعة ...
بصراحة شوري عليك تشتري ( صني ) بس ما هو أبيض ( مظلل ) لا أشتر لك وحده لونها ( عشبي ) .. وبعدها جاكر الرجيلي ( أبو ....... )

أكرر شكري لكم جميعاً ...

وعلى دروب الخير نلتقي ،،،