Happy New Year

[رفحاوي]

[align=justify]Happy New Year

اليوم بالمستشفى مع ولدي نايف قابلنا واحد من الفلبينين اللي شغالين بالمستشفى.
قام يضحك مع ولدي ويساله بالانقليزي عن اسمه . بعده قال له Happy New Year
ولدي سكت وما رد عليه ، ووضحت له اننا ما نهتم بالعام الميلادي ولا نتبادل التهاني بدخوله.

هالموقف وموضوع اخوي اخطبوط عن السنة الميلادية الجديدة هي الاسباب لهالموضوع.

ورائي ساضعه على شكل نقاط.

اولا ... هالفلبيني ما هنى بالعام الجديد الا لانه قابل سعوديين وتبادلوا التهنئة.

ثانيا ... عشت ببريطانيا اكثر من سنتين وما فيه اجنبي (بريطاني وغيره) هنانن بعيد الفطر او عيد الضحية .
كانوا يهنون بالكريسمس والسنة الجدية. السؤال : ما دام انه ما يهتمون باعيادنا اللي هي شرعية ليه نهتم بمناسباتهم المبتدعة ؟!!

ثالثا... يوجد بالغرب (خاصة بريطانيا) اجازات و عطلات رسمية (Bank Holidays) لمناسبات عديدة مثل عيد الاب والام والحب والهالووين (اللي هو القرع).
وما عندهم اجازة يومين بالسنة للمسلمين اللي عددهم حوالي 10 ملايين !!

بعد كل هذا يرتفع ضغطي اذا جاء احد ابناء جلدتي وفتح فاه فاغرا ابلها جامعا من اصقاع الدنيا الغباء والذل والهوان وقال

[align=center]Happy New Year[/align] [/align]

[ناصر عويد]

كلامك صح بس لي سؤال

عن شيء شخصي لو سمحت لي

وش كنت تدرس ببريطانيا ؟

[رفحاوي]

كلامك صح بس لي سؤال

عن شيء شخصي لو سمحت لي

وش كنت تدرس ببريطانيا ؟

توقعت ان سؤالك يكون عن نفس الموضوع لكن مو مشكلة تامر امر

درست ماجستير اتصالات اقمار صناعية.

(اذا الله امد بالعمر ولقيت وقت اكتب عن هالدراسة).

[ناصر عويد]

مشكور على التجاوب السريع

ويا ليت كتابتك عن هذه التجربة أو قل ( المرحلة من حياتك )

تكون وعد منك وانت اكتبها ولا يهمك الاسلوب او تسلسل الافكار

اهم شيء اننا نستفيد ونعرف مرئياتك حول تلك الدراسة

ولا يمنع ان تتكلم بشكل عام عن كل شيء ابتداء من احوال الطقس وانتهاء بعودتك بالطائرة من هناك

والله يوفقك .