طـالـبـكـ لاتـحـبـه كـثـر مـاحـبـيـتـنـي

[عليان]

[align=center]السلام عليكم ورحمته الله وبركاته

أحبتي أعضاء منتديات رفحاء

حبيت أني أنقل لكم بعض القصائد

للشاعر الرائع محمد بن جارالله السهلي

أتمنى أن تنأل أعجابكم



طـــــألــــــبـــــكـ


ليت لي حيلة واجي واحتال بك ،،
ليت ماقلت بحياتي ليتني

يابري حالي ليا من مال بك ،،
التغنج والدلع ليا جيتني

دوم احس إنه نعاسك غالبك ،،
معني رموشك وانا عنيتني

بس ذا المرة ماطاب الفال بك ،،
جيت لدرب الجفا وحديتني

لكن اسمع هالشعر وش قال بك ،،
دام خذت اللي تبي واخطيتني

يالغلا أحبك ولاني سالبك ،،
ابسط حقوقك ولو مليتني

شوف عيني يوم دمعي سال بك ،،
ضمتك حتى ولو ابكيتني

وانت رغم إني شغلت البال بك ،،
سلت مع دمعك ولا ضميتني

كان به شيٍ عليّ قالبك ،،
بطلبك حاجة إذا خليتني

لانويت تحب غيري طالبك ،،
لاتحبه كثر ماحبيتني



أســـــبــــوع


أسبوع مرّ !! ولاوصل منك مرسـال
...................ياقوّ قلبك كيف تقطعنـي أسبـوع ؟!
الجوع كافر ! وانت ماترحـم الحـال
...................وانا عليك من الولـه ميـت ٍ جـوع
ياللي غيابك صعب يطري على البـال
....................تركتنـي ضايـق وحايـر ومفجـوع
ماكنّـي الا: شايـب ٍ فاقـد عـيـال
....................وماكنك الا: محرم ٍ حق مشـروع !!
يفوع لك قلبـي ليـا مـر الاطـلال
....................ياليت مالـي قلـب يشتـاق ويفـوع
حسبي عليك شلـون قطعـت الامـال
....................بآآآموت لاصار الامل فيـك مقطـوع
ياصاحبـي ماكـل نـزّال رحّــال
....................انت الحيّا من وين مارحت متبـوع !!
نسيانـي لـزول ٍ بالاعمـاق يختـال
....................اصعب على صاحبك من حبة الكـوع
لو الثمن في شوفتـك عمـر رجـال
....................كان الثمن من يوم ماغبت مدفـوع !!
ولو القدر مـا تـم قولـه ليـا قـال
....................ماضاق صدر ولا انحنى راس مرفوع
ياصاحبي عشقتنـي فعـل وخصـال
....................وانا عشقتك شعر واحساس وطبـوع
وشلون تتركني كذا لا اشهـب الـلال
....................وقدّام عيني تجف ينبوع .. ينبـوع !!
وانا عشانـك جيـت والغيـم همّـال
....................اسيّـل الوديـان واداحـم جـمـوع
ماردّنـي عنـك سواليـف عــذال
....................تزعل عليّ ربوع وتقـدّر ربـوع !!
كان المهم اعيشـك جنـون ووصـال
....................ويكون لي كلمه ولـي راي مسمـوع
واليوم ضاقت بي من الجـال للجـال
....................فرقاك تقصم ظهـر وتحـز وتلـوع
لو جيت شفت الحال ماسرّك الحـال
....................في غيبتك ضايق وحايـر ومفجـوع
هذا غياب اسبوع وشلون لـو طـال
....................طالبك .. لايطوّل غيابك عن اسبوع !!





((نــهــر ســكــر))


أمسية واعلام واضواء وصحافة
وانا لا وقفت ما بيني وبيني!

أتساقط ضيق واحباط وحسافة
كني اخنق حلم عمري في يديني!

واتسامى فكر واحساس وثقافة
واكسب التقدير والاعجاب فيني

يا (طويل الحزن) والواقع خرافة
كذبة ما هيب تستلطف يقيني!

ليه ما اغنيك تحنان ولطافة؟
وانت نبض الروح وانفاس تحكيني!

ما تهز الريح غصن لارتجافه
ينكسر صوتي! وتستاحش يميني!

كل ما مر (المسا) صدري وحافه
قلت له.. و(الشمس) مشرقها جبيني:

من مشت رجله على درب السخافة
طاح من عقلي قبل قلبي وعيني!

الرجل.. لا صار ما به دين: تافه
والعدو.. لا صار يعجبني: خديني!

والفشل.. لا صرت ترضى بالوصافة
وانت قادر تستبد وتحتويني

وكان انا من لا ربط فعله بقافه
جعل تبكيني عيون اللي يبيني:

(وجه صبح) من حياة ومن عفافه
استحي من طيف زوله لو يجيني!

(نهر سكر) من ضفافه لا ضفافه:
اغنيات الملح وانشودة حنيني

ناسي النسيان!! طبعه واختلافه
واصبح اللي راح واللي يحتريني

عاشقة: وقف هنا ! والعمر طافه!
هو متى يرجع وترجع لي سنيني؟؟

الفراق.. شعور من شدة جفافه:
يبذر عيوني ! ويقطف دمعتيني!!

القلوب تعاف طاريه وتخافه
يعتريها شي.. عانه يعتريني:

كلبوي.. طعون واحزان وكلافه
لا انتهاني جرح الآخر يبتديني!

ليت حظي ما رمى عمري خلافه
ولا ترك لي تمتمة وينه وويني؟!

وليت ما بيني وبينه من مسافة
مثل ما بين السهر وجفون عيني!!



دموعي عيالي


الدمعه اللي من ثلاث سنين ينطرها غبي
وصوه ينطرها وكل اللي موصينه نسوه

انا اعتبرها لانزلت زله وفي حق اجنبي
وهو يعتبرها حاجه سهله وينطر لعنبوه

مدامها بيني وبين عيوني مثله وش يبي
دموعي عيالي ولاطاح الولد من عين ايوه






الشاعر / محمد بن جارالله السهلي

دمتم بود
[/align]

[دولسا ماريا]

[align=center]ديوان رائع جدا للشاعر محمد بن جارالله السهلي
تسلم كتير عليان
اختيار رائع
تحياتى
دولســا[/align]

[القروي]

الحمدلله
مشكور ياعليان وصح لسان الشاعر
بس خلهن بالتقسيط ماهو مرة واحده ونفقدك شكراً .

[عليان]

ديوان رائع جدا للشاعر محمد بن جارالله السهلي
تسلم كتير عليان
اختيار رائع
تحياتى
دولســا

أختي دولسا تشكورات ع المرور

وسلمت أناملك ع الرد

دمتي بخير

[عليان]

[align=center]

الحمدلله
مشكور ياعليان وصح لسان الشاعر
بس خلهن بالتقسيط ماهو مرة واحده ونفقدك شكراً .

تبيها تقسيط الله يكفنا شرك الظاهر متأثر بالمعارض << لايهمك كلام عليان

أبشر بالخير القصايد واجد وراح ننزلها ع قولت أقصاد ميسره

يسلمووو ع المرور والرد أخي القروي

دمت بود
[/align]

[المديرالسعودي]

عليان
صح لسان القائل
وشكرا للناقل

[عليان]

[align=center]ويعافيك يالغالي المدير السعودي

وأشكرك على مرورك وتعطيرك صفحتي بردك

دمت لنا بحفظ الرحمن
[/align]

[سام شمر]

اخووي عليان
الله يعطيك العافية ويكثر من امثالك يالغالي
وباارك الله فيك

[عليان]

[align=center]

اخووي عليان
الله يعطيك العافية ويكثر من امثالك يالغالي
وباارك الله فيك

سام شمر ويعافيك يالغالي

أشكرك ع تعطير صفحتي ومرورك

دمت بود
[/align]

[اسيربلاقيود]

صح لسان الشاعر

وتسلم انامل الناقل

انت رائع

تحياتي لك