من درر الشاعر الكبير / عبدالله بن زويبن المعمري الحـربي
يامسوي الفنجـال ممنـوع ممنـوع
ممنـوع كانـك تطيـع المنـوعـي
سوقه على اللي ماذكر فيـه منفـوع
ونـدق بالغيبـات سيـفً بتـوعـي
وعرق المزايا الطيبه منـه منـزوع
لاجاء لشكلـه عينـه فـي ربوعـي
اليا دفعـك لحمسـة البـن دافـوع
علـى سنـا نـارً تـدل الضيوعـي
بريـةً لهـل الكـرم سلـم وطبـوع
وفيهـا مكاسـب مغريـه لطموعـي
من مال قرمً ينفض الكيس باسبـوع
نجره لجيرانـه مـن النـوم يوعـي
يصرخ صريخ اللي بغاليـه مفجـوع
من الغضـب خـلا ثيابـه مزوعـي
لقـاه مـع درب المغاويـر مجـدوع
بسهـوم قـومً يلبسـون الدروعـي
يقنب قنيب اللي يعاني مـن الجـوع
يجر صوته مـن حنايـا الضلوعـي
وبهارها اللـي بالولايـات مـزروع
علـى هماليـل المطـر والنقوعـي
في دلةً ماجـاء بعـد نوعهـا نـوع
بيض مخصرهـا مخصـر فروعـي
هدفً تضجر من سنا النـار وتـوع
أدنـات ماحـرك غضبهـا جزوعـي
وحولت بالي لـه شماريـخ وقمـوع
متعلـق فـي شامخـات الفروعـي
تون عرجـون مـن الغيـد مقطـوع
اللـي يقـدم للنشـامـا قـدوعـي
والمجلس اللي فيه عقبـان وتبـوع
فيهم طبوعً مـن فريـق المقوعـي
عده لو الحقـران ماهـو بمشـروع
للـي لغلطـات الجماعـه بلـوعـي
لو حسته صدره ماهو بيت جربـوع
سـد يـرد اللـي يحفـر الجذوعـي
وعده على اللي للمواجيب شعشـوع
يرقـا لصعبـات المراجـل طلوعـي
لون ثوبـه بيـن الامتـان مرقـوع
يكـرم فـي مايسـر الله قنـوعـي
والحظ لو يسقط على الارض مصروع
يجيه من يحيي المحـل بالرجوعـي
وصبه على اللي بالمهمات له بـوع
عوج ذراعه طلق ماهـو خشوعـي
عدن روى ماهو ضحاضيح ونقـوع
ورسـن مواردهـا مثـل الدموعـي
واللي هرج هرجة مقـدر ومسمـوع
واليـا تشفـع بالقضايـا شفوعـي
والطيب والنوماس ينقاد لـه طـوع
ويفزع اليا قـل الجـداء والفزوعـي
في غيبته لو عندك افـراد وجمـوع
الـدار مـن غيـره خليـا قطوعـي
له موقف فعال فـي كـل موضـوع
اليا انسدح عنه المهين الجضوعـي
مثل العلم بالحرب والسلـم مرفـوع
واليا مشى تمشـي وراه الجموعـي
والناس تعرف شذرة الرمح والكـوع
وبرق الحيا من يوم ينشـى لموعـي
لو هو بعيد بكـل الاقطـار متبـوع
وعلى وهج برقـه تحيـل النجوعـي
وصبه على اللي واكثر العالم هجـوع
ويركـع لخـلاق البرايـا خشوعـي
من هاجسً بالشعر له جذر وفـروع
متعت في نضـم القوافـي سموعـي
في رأس رجمً يطرقـه كـل ذعـذوع
جاوبت به زرق الحمـام السجوعـي
آخر المشاركات
+ الرد على الموضوع
النتائج 1 إلى 9 من 9
الموضوع: ممنوع ممنوع
-
09 May 2010, 02:46 AM #1
ممنوع ممنوع
-
09 May 2010, 07:34 AM #2
مشرف
تاريخ التسجيل- May 2004
الدولة- بيتنا
المشاركات- 11,304
لا هنت على النقل
الآن التقدير للجيب وما حوآآآآآآآآآآآآآآآآآآآآآآآىىى
عامل الناس كما تحب إن يعاملوك
-
09 May 2010, 10:35 AM #3
من مال قرمً ينفض الكيس باسبـوع
نجره لجيرانـه مـن النـوم يوعـي
يصرخ صريخ اللي بغاليـه مفجـوع
من الغضـب خـلا ثيابـه مزوعـي
الله الله ماأجمل الاصاله والابداع عندما تجتمع بالشعر
يقنب قنيب اللي يعاني مـن الجـوع
يجر صوته مـن حنايـا الضلوعـي
وبهارها اللـي بالولايـات مـزروع
علـى هماليـل المطـر والنقوعـي
اخي kermalk
يقولون الطيب مايجيب الا الطيب وانت امتعتنا بهالقصيدة
احترامي
-
09 May 2010, 07:57 PM #4عضو متميز جدا
تاريخ التسجيل- Sep 2008
الدولة- في بلاد الله
المشاركات- 2,640
تسلم على النقل اخوي كرمالك
لا تقل: يا رب همي كبير
ولكن قل: يا هم ربي كبير
مع تحيات عز الخوي
-
09 May 2010, 10:43 PM #5
المشاركة الأصلية كتبت بواسطة السلهومي
ومن يقول مايهون وهلا بك السلهومي
-
09 May 2010, 10:46 PM #6 المشاركة الأصلية كتبت بواسطة غريب في وطني
الله يرضى عليك ويسلمك من طيبك
-
09 May 2010, 10:47 PM #7 المشاركة الأصلية كتبت بواسطة عز الخوي
الله يسلمك ويحييك عز وهلا بك
-
11 May 2010, 03:19 PM #8
صح لسان الشاعر الحربي
وصح لسانك يا كرمالك
على هذه الابيات الرئعه
-
11 May 2010, 06:32 PM #9
صح لسان الحربي ولاهنت كرمالك
رد مع اقتباس
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
- أكواد المنتدى متاحة
- الابتسامات متاحة
- كود [IMG]متاحة
- كود HTML معطلة
مواقع النشر (المفضلة)