صباح الخير ياحضرة جناب الهم

[سهرانه]

صباحكم / مساكم .. خيرات ,,, وكل عام وانتم بخير
اعجبتني فنقلتها
(
)
(
)

صباح الخير يا حضرة جناب الهم
عسى ما شر ! فقدت البارحه وقفة تباشيرك على اعتابي
عسى ماضايقك دمعي ليا مني كتمته أمس
ترى والله مجروحه ولكن ملّت أهدابي
عسى ما أزعجك نومي وصوت الهمس
يوم أقول إني بخير ..
تراني كنت أسلي خاطر آلامي
وأعيد بهمس
اردد وش كثر وفيّت يا همّي لأيامي
واذكر غيبتك بالخير
واردد يا عسى ما شر ..غريبه خانني الليله !
غريبه كيف يتقهوى شرابه مُرّ .. ولا يحلّي بآلامي
غريبه .. من عرفته والبشر يبدون بنور الشمس
وهو يبدا مع يومه بزفرة تقتل أحلامي
صباح الوِد يا أوفى خليل صادفه قلبي
صباح الصد يا دمعي وصدك غاية آمالي
صباح الورد يا شوكٍ أحاط الورد
صباح الشهد يا علقم مراره خالط أيامي
سألتك دامك البارح نويت الهجر " ارجع صد " !
وإذا ودك تعوّد يالالم لا تهجر وصالي
أخاف إني أعيش الحلم واصدق لعبتك بالصد
وافاجئ عمري المكلوم برجعه تنسف أحلامي
أمانه يالعمر حاول تجاري همّنا بالصمت
تعوّد دامك بتحيا بعالم طفله يعاني
إذا كان الطفل فينا مع همه يئن بصمت
وكل من شاف دمعاته يغض الطرف ويداري
يخاف انه يشذ بـ صوت وينطق من بعد هالكبت
ولكن يرجع لـ طبعه .. كثير الصمت .. عظيم الهم .. وهو بالآخر الجاني !!!
سألتك بالذي سواك يا حضرة جناب الهم
تنحى عن قلوب اطفال ولازم قلبي الدامي
تعال اقلط تقهوى يالعزيز .. وانتشلني بصمت
أنا كلي فدا روحك .. وضحكاتك بآلامي
صباح الوِد .. صباح الصد .. صباحٍ ما يعرفه ورد
صباح الشهد حتى الشهد فقد طعمه مع أيامي . !

[عروووبة]

هلا وحياك
وين هالغيبة سوسو
الحمد لله على السلامه

ترى حشيت فيك حلليني
قلت باعتماكينة المسنجر وهاجرة

وعوده رائعه بقصيده من ذايقة رائعه

[شمـــاليه]

صباحك رضى
افتقدنا اطلالتك يالغاليه عسى المانع خير
ويعطيك العافيه على الذائقه الرائعه
شكرا لك على النقل ولاهنتي