نطالب باجازة للطلاب والطالبات

[هرطمان]

السلالالالالالالالالالالالالام عليكم

بالحقيقه والواقع ومع ثورة الصواريخ والمدافع والاخطار الي تعترضك وانت داخل وانت طالع
اطالب حكومتنا تعطي الطلاب والطالبات اجازه لمدة اسبوعين قابله للتمديد حتى تتبين الامور على الاقل لاهل الشمال والشرقيه
هذا خوفا من حدوث ضربه لا سمح الله لا حد التجمعات
كم مرة الامريكان ظربوا صاروخ بالخطا بافغانستان واعتذروا ( ايام سوري ) والديه ميتين دولار
وامس صاروخين خطا ضربوا ايران
حنا ما نصحا الا اذا انضربنا
وين التدابير الوقائيه
هل الشعوب الاخرى اغلا منا
تدرون انه في الرياض بعض الناس
والحمد لله اني ماني مدرس والى كان كل عمري ازمه وحرب وضرب
يستاهلون المدرسين اجازه يكفيهم الازمه الي هم فيها



او تدرون رددوا الشيوخ ابخص وماحد داري عنكم

[اخيذة ضحى]

والله ياأخ "هرطمان" الهرطماني .. أنا بالنسبة لي اخيذة ضحى يعني ماني ذال .. الاعمار مكتوبة و .. ودّي أهجم ..خصوصاً الضحى .. لأني ما انّطح أكا الوقت .. بس تدري وشي المشكلة .. المشكلة إذا عطونا إجازة ..
وين نولّي ؟؟ يعني هو فيه ملبد أو شين يضفّنا إذا ( رحنا نخيّم بالبر - هذا اسم الدلع لـ الهَرْبه - ) ..
ماش نتبوبح بهالبر لاهذي ولا هذيك .. وبعدين .. يعني يقال لنا صرنا بمكان آمن ! كله ما تجي 40 كلم .. يعني الصاروخ على قولتك يمكن يخطي وتسلم البيوت .. وتنوخذ هالناس .. بالبر !
لا مخابئ لا كمامات .. لاشين ..
أقول يا هرطمان .. قل معي بس ..... الله يستر ، ويكون بعون المسلمين ..
والناس اليوم ما تستفيد من الدروس الماضية .. لأنهم ...
ولاّ أقول خلّنا ساكتين ..
وانت ياهرطمان .. ردد البيتين اللي انت كاتبهن تحت ..
وعلى فكرة حلوة كلمتك : أطالب حكومتنا ..
وامس ( الضحى ) تالي الليل ونيت .. ونة مسيكين(ن) يبي له ( كرامة)..
الهرطمان .. لا تكثر الكلام هاليومين .. وجهّز خيمتك .. وروّ ماء .. وخذ معك للبر .. بواريد ومعاميل و ..... مناديل !

[هرطمان]

حكومتنا هذي تسميها دبلوماسيه حتى الاطفال يرتاحون
وبعدين بالبر كم يموت 5 او 6 لكن المدارس الله يدفع البلا بالميات
وقصدي بعد انك ماتداوم وتنام الضحى ونرتاح من الحوافه


ماني من الي يختبي في ذرى البيت $$$ انطح عدوي مايشوف السلامه

لوهي بكيفي والتمني تمنيت $$$ يومن به العشّاق تنسى غرامه