أمثال مرجوجيه7

[المرجوجه]

السلالالالالالالالالالالالالالالالالالام....

كل عام وانتوا بخيررررررررررررررررررررررر
ورمضان كريم..


هذي دفعة أمثال...


1
البيض الممشش يتدحرج على بعضه

((
البيض هو البيض..
الممشش ... الفاسد الخربان يعني..
يدحرج يعني يدحرج..
طيب يعني ان الانسان اللي مو حلو (( مو حلو = الشرير.. الخربان .. الفاسد .. الصايع .. الضايع .. )) ما يمشي الا مع اللي مو حلوين أمثاله..
عشان كذه قالوا ان الفاسد يتدحرج على بعضه ... يعني يكونون مع بعض..
))


2
بيت قد المرايا ... ولا كل سنه هات كرايا..

((
أولا.....
لوسمحتوا لحد يسأل يعني ايش كرايا... لأني ما أدري..
ثانيا ......
نجي للمثل.....
يعني يقول لك .... يكون البيت صغير بس ملكه .. أحسن له من انه يقعد بقصر وكل سنه يبتلش بالايجار
))


3
قالوا للديك صيح... قال كل شيء في وقته مليح...

((
يعني جاو قالوا للديك ... قول كو كو كو كو كو
قام قال لهم ... كل شي زين بوقته ... (( حكيم الديك هذا ... )) بالعربي ما لكم شغل انا عارف متى أقول كو كو كو ..
يعني كل شي له وقت...
))


4
اربط الحمار جنب الفرس اما تعلم واما درس

((
لا تعليق...
ماادري وش معناه .. بس عجبني..
))


5
الغني غنوا له والفقير ايه يعملوا له

((
يعني الغني بيستفيدون منه ... لما يقعدون يطيعونه .. ويسلونه ... فيه لهم فايده..
لكن الفقير مافي من وراه شي... ليه يساعدونه....؟؟؟
هذا اللي يقول لك ... مصلحجي....
في منك مصلحه معاك ... ما منك فايده... حذفك من الشباك
))


6
اللي يخاف من العفريت يطلع له

((
يعني اللي يخاف من شي يصير له ...
مع ان الوالده اذا كنت خايفه من امتحان تقول .... اللي تخافين منه ما يجيك أحسن منه ..
وهذا يقول يطلع له ...
ماادري أصدق مين ...
بس أصدق الوالده أحسن...
))


7
الأم تعشش والأب يطفش

((
عاد هذا المثل اسمحوا لي.... نصااااااااااااب...
يقول لك الام تعشش... يعني انها حنونه .. طيوبه ...
والاب يطفش يعني انه شر وقاسي .. ومو حلو ... (( مو حلو هنا غير هناك ... هذي معناها ... أرحم... مو حلو هنا ... يعني .. شرير .. وقاسي... ومو حنون.. ))) ..
الزبده.. المثل نصاب... والله الاب حلو .. طيب... ومو شرير.. ولا يطفش.. بس يالله ... المثل كذه ايش أسوي..
ماعلينا.....
))


8
انا واخويا على ابن عمي.. وانا وابن عمي على الغريب..

((
يعني لو تسهاوش اخوي مع ولد عمي انا مع اخوي ضده...
ولو تهاوش ولد عمي مع احد مو لنا.. انا مع ولد عمي عليه..
خذوا الكلام الرسمي هذا.....
احم.... يعني هذا المثل يدل على التكافل الاجتماعي... وحب الاسره.. (( احم .. كلام كبير..... أقول... روحوا للمثل اللي بعده قبل لا أحوس الدنيا .. ))
اللي بعده.....
))


9
حلاوة الثوب رقعته منه و فيه

((
يعني الثوب اذا انشق.. والا انقطع... وتبون ترقعونه... لما ترقعونه بنفس قماشته أحسن.. وأحلى ... (( خذوها مني ... لا ترقعونه ولا شي... شغله هذي... ماعلينا.. المهم.. )) ..
نقول مثال حق عجايز... يوضح المثل....
مثلا...
هذي جده تقول لولدها لا تعطي بنيتك يا وليدي لأحد ما نعرفه ... عطها من قرايبنا... ترى حلاة الثوب رقعته منه وفيه.... (( ما أدري حلاة تنكتب كذه صح والا لا... ماعلينا.. عدوها.. ))
))


10
صبرك على نفسك و لا صبر الناس عليك

((
يعني انت تتحمل نفسك ... لكن الناس... ما تتحملك..
))



وبسسسسسسسسسسسسسس

يعطيكم العافيه .........

سلالالالالالالالالالالالالالالالالالالالام.....

[هرطمان]

السلالالالالالالالالالالالام
حظكم زين المركز مداومين بعد الفطور

الكريا : جمع وعندنا هي الكروه يعني الاجرة
يعني كرايا = اجارات
واهوه انتي جبتيها بالنهايه صح
ومنه قول الشاعر
يا بريه انا ما معي كروه $$$ ومعزبي ما فطن ليه
بريه = اسم مشتق او دلع ابراهيم

الله يعطيك العافيه المرجوجه على الامثله الزينه




مع تحيات مركز الدراسات والتحريات الهرطمانيه

[المرجوجه]

هلا فيك اخوي هرطمان..
مشكووووووووووووور على التوضيح.........
يعطيك العافيه........

[همّام]

والحق يقال سلسلة الأمثال المرجوجيه متميزة ورائعة

ولي تعليق على مثل الأب يطفش
طبعا المثل هذا اكيد ان من قاله رجل . لأن البنات دائما ينعمون من الاب بعاطفه زائدة . بينما الأولاد يجدون قسوة (هذا في الاغلب وقبل ما يجي الدلال والدلع الذي ينعم فيه الولد والبنت على حد سواء أو ما يسمى بالتربية الحديثة ومراعاة الحاله النفسية)

من الطريف أن احد أعضاء المنتدى وهو عضو مميز بالاضافة إلى ما آتاه الله من خفة دم وطرفة يقول
أنه لا يذكر في حياته أن والده قبّـله
هذا وهو لم يصل الى 22سنه من عمرة الله يهدي والده
بينما يقول ان اخته لايكاد يرفض لها طلب

[المرجوجه]

مشكور اخوي همّام على تعليقك الرائع..
والله يهدي ابوه .. زين اني بنت... ..
يعطيك العافيه ..

[salah]

السلااام اختي المرجوجة
اشعر بسعادة بالغة وانا اطالع مرجوجياتك , واشعر في الوقت ذاته بمدى الجهد الذي تبذلينه في تحصيلها والتعليق عليها .

انّه جهد ابداعي خالص , فلطالما كابدت امورا شبيهة بهذه اثناء عملي في السنة المنصرمة في بحث مقارن انجزته عن الأمثال المسمارية ( اي الأمثال المكتوبة في اللغات التي تستخدم هذا الحرف في عملية التدوين وهي اللغة البابلية والآشورية وقبلهما السومرية وبعدهما لغات اخرى بالطبع ) . كانت محاولتي ان اقارن الأمثال التي كانت سائدة قبل اكثر من اربعة الآف عام والأمثال المعاصرة ( اي التي نتداولها الآن ونتعامل بها لبيان الحالة النفسية والأجتماعية التي نمرّ بها ).

ووصلت الى نتائج مدهشة حقا . اذ اننا مازلنا نستخدم ذات الأمثال التي استخدمها اسلافنا من قبل ..

اشكرك ايضا و ايضا

صلاح

[الحلوه أم قصه]

قالوا للديك صيح... قال كل شيء في وقته مليح...


ههههههههههههههه والله المثل هذا شئ بس انا ابي مثل عن الدجاجه اذا كان ما عندك مانع اتمنى المره الجايه يكون فيه مثل عنهم تعرفين بيني وبين الدجاج صداقه لووووووووووووول


الله يعطيك العافيه على الموضوع

[العفريت]

سلااااااام

الىيخاف من العفريت يطلعله00


مقصوده هذى يامرجوجه0000


وهااناذا


تحياتى لك


العفريت

[المرجوجه]

وعليكم السلام اخوي صلاح..
مشكور على تعليقك.. اما الامثال المسماريه هذي شكلها نكته...
يعطيك العافيه اخوي صلاح...

هلا ام قصه..
مثل عن الدجاج....؟؟؟
مافي شي في بالي الحين ...
بس أول ما أروق وانسى امتحان اليوم ... ان شاء الله أتذكر..
مشكوره للمرور الغاليه ...

وعليكم السلام اخوي العفريت...
هلا فيك ومشكور لمرورك...
بس ترى العفريت هذا مو انت .. هذا عفريت شرير... .. شسوي ما لقيت لها تصريفه..
يعطيك العافيه اخوي...

[salah]

السلااااااام اختي المرجوجة
ضحكت كثيرا وانا اقرأ تعقيبك على الأمثال المسمارية
انها حقا مضحكة فالعلامات المسمارية تتكوّن اكثر من 500 علامة معرفتها وقراءتها ممتع رغم ارهاقه لأنه يحتمل مساحة واسعة من التأويل.. هذه فيزياء اخرى ,

العفريت انا ايضا اظنّها مقصودة .. تعليقك مرّة حلو

صلاح