رجلٍ ينادي بالكرم فاتـح البيـت...

[الزعيم]

لقيت لأبيـات القوافـي عفاريـت
....................وقضيت معهن وقتي اللي قضيتـه
زاد العذاب وضاق صدري ومليت
.........................وقريت علـمٍ ليتنـي مـا قريتـه
ما كل من جيته يقـدّرك لا جيـت
..........................ولا كـل رجـلٍ لا بغيتـه لقيتـه
رجلٍ تعـزّك فزتـه لا تعزويـت
....................ورجلٍ يكون احسن إذا انّك عزيته
رجلٍ يقـدّر هقوتـك لا تهقويـت
....................ورجلٍ يجي ما هو مثل ما هقيتـه
رجلٍ يلبي دعوتـك يـوم ناديـت
......................ورجلٍ حسافه دعوتـه لا دعيتـه
رجلٍ يغيب بغيبتـه مـا تسليّـت
....................ورجلٍ وهو جالس بجنبك سليتـه
رجلٍ نخيته ينتخـي لا توازيـت
.......................ورجلٍ يزودك هم لامـن نخيتـه
رجلٍ ينادي بالكرم فاتـح البيـت
.....................ورجلٍ تشوفه قافـلٍ بـاب بيتـه
هنا تشوف من العرب نادر الصيت
....................وهنا تشوف اللي يكـدرّك صيتـه


للشاعر / نواف هلال

[ليث]

مشكووووور الزعيم وصح لسانك ولسان نواف هلال

[ابووليد الشلاقي]

الله الله يالزعيم
ابدعت في هذا النص
بارك الله بك
ودمت لنا

[القروي]

عزالله يانواف كفيت ووفيت +++ فيما تقوله يوم للظن جيته

كلام جميل جدا قد مر اكثر من موقف وصفته في هذه الرائعه
والشكر لمن تكلفة انامله بوضعها في هذا المنتدى وهو الاخ الزعيم اكثر الله من امثاله

[الزعيم]

ليث

ابو وليد


القروي


شكرا لكم ..

[الافندى]

صح لسانك .. ولسان الشاعر / نواف هلال

دائما مبدع وانتقاء موفق اخي الزعيم

( شهادتي فيك مجروحه )

[الزعيم]

شكرا الافندي