جديد ابن فطيس

[فــواز الـشـمري]

السلام عليكم ورحمة الله

جديد بن فطيس ...
اتمنى تنال اعجابكم؟؟



ماهـو بكفـو الوقـت حبـك يمحـيّـه
ياللي تخاف صـروف الايـام تمحـاه



ارتـاح ..مـادام المواصـل يقـوّيـه
انت انت..وانـا انا..وقلبـي هـو ايـاه


حتـى ولـو بتغيـب ذكـراك تكفـيـه
ياواحـدٍ تكفـي عـن النـاس ذكــراه


حبـك علـى رملـة خفوقـي مواطيـه
ورياح عذلني عنك مـا تمسـح خطـاه


واللي يعـذل القلـب عـن درب غاليـه
الله بمـا يـبـلا الموالـيـف يـبـلاه


اخفيـه يابالفـيـت والـحـال يبـديـه
ادنـاة واحـد ينظـر الحـال يـقـراه


مخفيـه فيـه ومعتنـي ٍ بـه وحاميـه
من كـل عيـن ٍ ودهـا تنـزل حمـاه


قلب ٍ يحبـك والهـوى الـذرب ماليـه
كانـك مكذبنـي ؟؟ بعينـك تـحـلاه


شـرط ٍ تشوفـك فيـه منـت بحواليـه
ويمكن تشوف ديـار واماكـن ارعـاه


وبتشوف بـه تمثـال والوقـت هاريـه
وبتشـوف زرع ٍ ميـت وواقـفٍ مـاه


وبتشوف جـرح ٍ فيـه سكيـن راعيـه
راح ونسـى السكيـن والجـرح ينخـاه


وبتشوف حصن ٍ عـج الاقـدار سافيـه
وبتشوف باقـي بيـت راعيـه خـلاه


لا تنزعـج هـذا خفـوقـي وباقـيـه
ولا تضايـق مـن تصـدع زوايــاه


قـد زلزلـه فرقـا وهـزت عراويـه
والله ستـر والحـظ عـانـه وعـافـاه


وكانه صلح لك واعجبـك زيـد تبنيـه
ابـنـه وجـهـز للمقابـيـل مبـنـاه


ابغيـك بـس مـن المفـارق تداريـه
وازهل من يـداري شعـورك ويـدراه


وحلـل وحـرم فيـه يابـرك بلاويـه
وحلّه وراع رضاي ورضاك ورضـاه


جعلك بعد بعض الوجيه ... امحق وجيه
نـاس ٍ مراتعـهـا الرفـيـق بتقـفـاه


انـواع واخطـر نـوع مانـي بناسيـه
نوع ٍ علـى تفريـق الاثنيـن مسعـاه


تلقـاه دوم وكــل يــوم ٍ تلاقـيـه
والى بغيتـه صـدق مـا عـاد تلقـاه


ولا انت ردك كل ما ادعيك.. (( لبيـه))
انشهـد ان منتـوا بفيعيـنـي اشـبـاه


منت بمع العالم ولا تقـول لـي.. ليـه
انت ادرى منـي وش جوابـي وفحـواه


كذيـه... ومـن الله يـازيـن والـيـه
واغلا طـروش القلـب ودواه مـن داه


الحلـم ياتينـي بـزولـك واراعـيـه
وفـي كـل حلـم اقـوم قبـل اتحفـاه


اعشق سميـك فـي البزاريـن وادعيـه
واقبـل خطـاه الـى اخطـا واتلـقـاه


واسمـك يروعنـي الـى مـر طاريـه
واحـب ملقـوف ٍ يسولـف وطــراه


وامـر بيتـك مـن بعيـد ٍ ولا اجيـه
وانـا لونـه فـي يـدي مـا اتـعـداه


حتى (توايـر) (موتـري) تلتفـت فيـه
تبغي تلـف ويستحـي العقـل والجـاه


وصلك يخيط الصـدر والبعـد يفريـه
ويابري حالـي كـان صديـت بريـاه


ويلي علـى ادري حبنـا ويـش تاليـه
وويلي على ادري وش ورى الغيب ويلاه


عشـان اشـوف اذا محبتـك ..ترفيـه
والله لا اقفي عنّـك....... واستغفـر الله





صــــــــــــــــــــــــــح لســــــــــــــــــــــــــآنه

[ابو متعب]

وعليكم السلام..

وصح لسان ابن فطيس وتسلم فواز على النقل

[بلقيس]

لطالما أبحرنا مع شاعريته العفيفه العذبه .
تسلم على اختيارك .

[شمـــاليه]

وعليكم السلام والرحمه
حياك وبياك وصح لسان ابن فطيس شاعر له ثقله في عالم الشعر
واسمح لي بنقلها الى همس القوافي
لاهنت

[ابومحمدالزوبعي]

وعليكم السلام ورحمة الله وبركاته
صح لسان الشاعر ويعطيك العافيه أخي فواز على النقل ..

[ابو افراح]

الله لايهينك ابو محمد قصيده حلوه من شاعر جزل

[همّام]

عشان اشوف اذا محبتك ترفيه ... والله لقفي عنك واستغفر الله

شكرا لهذا النقل ولهذا الذوق الراقي
وقصيده جزلة وممتعه

[فــواز الـشـمري]

الشكر موصول لكم ولمروركم المميز ويعطيكم الف عافيه

[فزاع]

صح لسانك ولسانه على هالقصيده الجزله .. لاعدمناك

[خيال العليا]

مشكور يافواز وصح لسان الشاعر