منصور حواس الخضع الرويلي

[نايف عايد]

[align=center] السلام عليكم ورحمة الله وبركاته




اخواني هذه رائعه من وروائع ابو عبدالله



لكم كما وصلتني





يالحوت مابعد العناء والتنهات
كود الفرج من وال الأفراج ياحوت
أدعيه مخلص توبةن غب مافات
عن ماضيآ ناخذ به الليل كبوت
يالله طلبتك يابديع السموات
صخرلي التوبه قبل سكرة الموت
قلته مابعد ماشفت قل الطهامات
وقت ن مثل زاد ن بلاملح مبهوت
ياغر عن رجم ن شمال البحيرات
باقي بواقيها مضانيك وكبوت
رجم ن شماله صار غزو الولايات
ودونه حدود مهدية كل طاغوت
أخوات الأنور مشبعين المجاعات
ومطوعة فسقانها ياشبع قوت
عن رجم لاهه والسوالف كثيرات
عمرد ن له عدة قرون مثبوت
عقب تحية مسجده بالنفيلات
ياعنك نوك تبني بيوت وبيوت
غيره فلالي ياعشيري هوايات
في هالحياه الحياه اللي من هفوت لهفوت
خذ خافيآ خلف الظلوع المحناة
يانسل قوم تدعس الضد بالبوت
ربعك هل الهدلا والأفعال الأثبات
هم عز صياح الضحى يازعج صوت
مدلهين الويضحان المضيحاة
اللي جنبهن يودع الراس مزتوت
أهل المهار الشهب ستر الخوندات
ياما أجبروا من يسند الفرع بكتوت
نعم ن بهم يوم الزمن شن غارات
ونعم ن بهم يوم الزمن صن بالوت
اليوم دورك ياعشيري سلامات
الحر الأشقر به سوى لأم كتكوت
أشوف قلت يالعشير الوناسات
قليل تلقى مذهب غير مكبوت
وأشوف بالخط الجديد الملفات
ماهي خطوط ن دقها الربع بفروت
شفت الصدوق يجاوبونه بصفرات
ويصدقون لسالفة كل مكفوت
راع الصفنتي رابح ن بالتجارات
وراع الحقيقه يضرب اليوم شلوت
نافق تعيش وخل عنك المناحاة
شف لك حساوي دامها بشوت ببشوت
البشت يضمن بالمنصه مكانات
ومن دون بشتك تقضب الباب مبشوت
لاتستحي خل الحيا للمخباة
اللي من خباها مثل غيد بيروت
يالحوت ياحوت الشرف والمروات
شت البلنتي وأنتبه لايروح أووت
حارس هدف بقعا يبي له مهارات
لاتتبع في شوتتك قوة الشوت
نزرى على اللي يكنزون الريالات
ونحتاجهم ياصفر التنك مازوت
ياعنك ماجونا يدورون قرضات
حنا الذي الذي نضعف لهم غب جبروت
رميت كوتي يوم قلن الأكوات
برد ومطر والله وكيلك بلاكوت
لأجل الخوي ماهو لأجل بعض غايات
أقضف من الشلتا عقب ريش كبوت
في وقتها يسوى لك الله ألوفات
ماقلت عده يابطل عين جالوت
وصار الجزالي بالليال الدفيات
شين الرفق حبل العلاقات مبتوت
ماله لزوم وخذ من الدرس عبرات
وأزرع ترى عجز الشجر كان نبوت
وأصبر على عجف السنين المحيلات
على رجاء اللي يطلع العشب بخبوت
وأعرف ترى قافي هكالعشب حتات
مثل الأجل في غيب الأقدار موقوت
ياشيب عيني ياسجل الوفيات
ياما به أسم ن داخل القلب منحوت
عليهم أزعج هجعة النزل الأصوات
وأنشد مثل نشدة حدى عيال حبنوت
ورع ن نشد عن ست كل الحبيبات
حبنوت أبوه وهي لها القاع تابوت
وأنا أن ذكرت الماضيه بالحكايات
عفت الفراش اللي مرتب على تخوت
مالي جدى غير القلم والسجلات
ياما دبغت أزرق حبر بأبيض النوت
قرايض ن لها آخر الليل ميقات
ثلث ن تجيني به مناديب هاروت
أحوفهن حوف اللجان النزيهات
عن هكعةن يفرح بها كل عكروت
عن عايساته ننكخ المستجدات
قفرآ زماليقه لمعناي مبحوت
ومن راح راح ولاتفيد الحسوفات
هذا الوكاد اللي وأنا آخوك مسبوت
منصورحواس الرويلي[/align]

[شامي الدهيمان]

صح لسانك ولسان الشاعر


دائم مبدع يانايف

تقبل مروري

[الدب الداشر]

رائعة .. صح لسان الشاعر ويمين الناقل ..

[عروووبة]

صح لسانك ولسان الشاعر