[you] رايك مشاركتى 7000~*¤ô§ô¤*(لجنة الاهاالي ..... وللخير نسعى)*¤ô§ô¤*~

[عروووبة]

هديتى 7000 . . لأهالي مدينتي . . وللخير نسعى

صراحه فكرة وش اقدم لكم بهذه المشاااركة
فبما اننا بيومنا الوطني
وكذلك فيه موضوع عن لجنة الاهالي

قلت خلنى ارمى هالسناره
ان ما صابت
حركت سكون الماااء



في البدااااية اغمض عيوني
ثم اسرح بالخيااااال . . .



انـــا هنــــا


هو حلم
ويمكن يصير حقيقة . .

يالله غمضو وحلموا



المهم : حتى اصدقكم القول
انااا والله ماني عاااارفه شو مهمة هالجنة بالضبط

لكن : ابي اقول مافي جعبتي



يالله بسم الله وتوكلت على الله :

1- بما ان هذه اللجنة خاصه بالاهالي . .
فاول شي لفت نظري من مشكلة الاهالي وهي محزنه بنفس الوقت

سالفت الاخلااااء الطبي . . إنسان يجلس شهور بضروف لايعلم بها الا الله في مستشفى يفتقد احيان ابسط مقومات العناية لبعض الحالات
المشكلة المحزنه . . . ان لم يكن لك بشت يهز الكتف . . فترحم على حالك
تلقى اهله يسعون ويركضون يحبون راس فلااان وكتف علاااان عشاان فقط يوفر سرير ولا يبي احد يسااعده بالاخلااااء الطبي . ولا احد يستمع
الغبن انه لو قدر يوفر واسطه من بكرى ينقل . . يعنى راح عذر
(( عفوا لايوجد سرير فى الوقت الحاضر )). .
وفيه شين ثاني بخااطري مع انه طيب ومساعده . . لكن ليه لما يكون غير سعودي او عايله سعوديه والحادث بالدول المجاااوره
يتوفر الاخلاااء الطبي والسرير بيسر . . . وقفت تأمل !!!!

هنا الحل بوجهت نظري : اريد من هالجنة يكون فيها لجنة مصغرة لمتابعت هالحالات ومساعدة المرضى واهلهم
وننبز القبلية وهذا ولد فلان وهذا ولد علااان والطيبين مايقصرون
وابى يسعى للفقير قبل الغنى . . ابى لجنة بين اعيونهم مخافت الله
لجنة لها كلمة وعلاقات طيبه فيها ناس تقدر على توفير المساعده بسرعه
(( فرجوا هم المسلمين فرج الله همكم .. وزال عن النار وجيهكم )) . .




2- الشباب مادري ودي اساعدهم لكن هم بس لو يطيعونى ولا يتسمعون لبعض الحريم كان شين طيب
اتمنى لو تكون لجنة للزواجات الجماعية . . يعنى يجيك 6 او 7 شباب من نفس الفخذ وكل واحد حاجز بالقصر 10 الاف مع مسستلزمات العرس
يعنى يكلف عليه ان قل 15 الف . . طيب لو كان عرسهم جماعي
8 قسمنا عليهم 15 الف يطلع على كل شخص . . 1875ريال
واما الحريم كل شخص بمنزله او بستراحه .

مهمت اللجنة . . تيسير وتنظيم الحفل
طبعا الشاب الى يسجل بالحفل الجماعي يعطي بطاقة تثبت اشتراكه وله ميزات مثلا
-تقديم دوره بصندوق الزواج
-زيادة المبلغ المقدم لأنه بالنهاية راح يرجع للجنة لتنظيم الحفل
-وياليت تساهم بعض المحلاااات باعطائه تخفيضات على مستلزمات البيت والادوات المنزلية



3- وهذى الفكرة دائم احوس فيها لكن يمكن صعبه شوي او غير متاحه حالينا . .وتبيلها ميزانية قارون لكن خلونا نحلم .
- نادى علمى شوفوا كيف اتخيله
مبنى مكون من غرف وقاعات احتفلااات
قسم رجال ونساء
فيه غرف للنت وكوفى مكان مخصص للاطفال
كشكات خاصه لبيع وتاجير الكتب
قاعه فيها دائرة تلفزيونيه
يجتمع فيها نخب المتعلمين
نناقش اوضاع ومتطلبات الاهالى
مناقشت مشاكل المدارس وافضل التجارب والحلول
نادى متكامل .. لايدخله الا من يحمل بطاقة برسوم شهرية او سنويه
حتى انى ودي يكون فيه اقسام تعليم السباحه والخيل . . نبي جيل متعلم متربي على اخلاااق طيبه
لاطيحنى ولا سامحنى . . . (( ابد خلونى المسؤله عنه وابشروا بالطيب ))



4- هنا عااد ابى لجنة اسمها ((( ابشر بسعدك ))) <<<مسلسل بدوى مو لجنة ..

تكون رابط بين الاهالى والدوائر الحكومية .
المهم .. هالجنة اى مشكلة تخص اهل رفحا على طول تلفون مافيه.
مثل ..
- هالصرافات الى دايم تصفر وش اخرتها ..
- هالحدائق تبي متاابعه يعنى احترام شوى لخصوصية العوائل .. وعدم الاستيلاء عليها من قبل هالشباب
- وساااطت خير لما يحدث من هوشات بين الشباب يعنى تضاربو ثمن انسجنوا ثمن اطلعوا .. ثمن تبداء الدائرة من جديد
يعنى هالجنة تكون من وجهاء القوم .. ويخلونه صلح دايم لو ينهونا بعزيمة .. بس مو تصير جمخ وبعزقه
حتى لو بنهاية الحفل يعلقون المتهاوشين من عراقيبهم .. بالمروحه
المهم تحل المشكله من جذورهااا . . ترى حنا بدو ونقدر زورات الرجال ..
<< له له يالجنااازه . تبطين . . بس لاتكثرين سفن



5- وش رايكم نتقااطط ونبنى سوبر ماركت وبجنبه محل ملااابس
ثمن يفزع لنا طير شلوى لجده ويجيب من هالبضائع
ونقاطع هالتجار الى لعبوا بحسبت هالرااااتب . . . << خاش عرض هالاقتراااح




عندى افكااار طيبه. . << احلفي
لكن ادرى مالها قاعده صلبه
لاننا دائم نظرتنا انا ومن بعدي الطوفاان

قليل الى يفكر انه لو صلح ولد جاره
يصلح ولده
قليل الى يفكر انه لو اطعم جاره
نااام شبعااان
قليل الى يفكر ان الخير يعم حتى على الحيوان والطير.

هي النوياء الصادقه
والسعى للخير
ونبذ حب الذات

تلقون رفحاااااء
ارض الميعاااد
والتقاااء العبااااد
وسكانها
حور
وناسكن
وشهبندر التجار
.
.



وشو هذااا..>> هذا نمل يدور السكر الى يقطر من هالمتصفح. ..


ياحبيبتى يانملة. .!!
لاتخافين راح تلقين هالسكر بالارشيف انتى بس درعمي هناااك وابشري بالخير.
.
.
دمتم
فـــــــــــ امان الكريم ــــي
وعلى حب الخير نلتقى

[رفحاوي]

وعليكم السلام ورحمة الله وبركاته ...

[ابو متعب]

يقدروون يسووون أكثر من كذا وخاصة بالتنسيق مع الاهالي

- نادى علمى شوفوا كيف اتخيله <<<يبي لهم ميزانية منطقة برمتها

["الفيصل"]

امنيات جميلة اختي عرووبة بالتأكيد سنسعد لو تحقق ولو اليسير منها ..

لجنة الاهالي اختي الفاضلة تعمل وفق امكانيات بيسطة وهم

مجتهدون بقيادة الاخ الفاضل مقحم التمياط وقد لمست منه

الاجتهاد والحرص وبذل الغالي والنفيس في سبيل تحقيق اهداف

كثر ولا بد من الوقوف معهم وبجانبهم حتى تتظافر الجهود وتكتمل

ونصل الى مانريد بعون الله

[سرداب]

عروبة <<< الشخص المناسب في المكان غير المناسب
يلزمك بيئه أنظف من هذي على شان تطرحين فيها هالافكار
ماودي احبطك بس صديقك من صدقك وليس من صدقَك بالشده :d

[habby]

ابدعتي اختي عروبه اتمنى ان يتحقق ولو جزء يسير من امنياتك رغم انها سهله ويمكن تحقيقها بالتعاون والتكاتف ..... تقبلي مروري بود تحيات

[الحاج متولي]

يعطيك العافيه اخت عروبه

وملاحظات في محلها

[ابومحمدالزوبعي]

أي شي اذا حملته أكثر من طاقته كل ماقدم شي لن ترضى عنه لأنك وضعته في خيالك لأكبر من الذي اتى به

أختي عروووبه الف مبرووووك وصولك الى 7000 آلاف مشاركه أسئل الله ان يجعل لك من الأجر مثلهن

[ممتاز]

يعطيك العافيه أختي عروبه
واتمنى ان يتحقق حلمك

[ابو مشعل]

احلاااااااااااااااااااااام وردية

تفكير ينم عن طيبة قلب ونقاء سريرة

اختي العزيز اخواننا في لجنة الاهالي ليس لهم ذلك النفوذ حتى يحققوا

ما تحلمين ونحلم به جميعا

لكن تخيلواااااااااااااااا لو تحقق ما تحلم به اختي عروووبه


فقط تخيلوااا

[راعي الطلايب]

عرررررررررررررروبه
يلعن جدفك على هالامنيات هههه ...........اللي صعب تتحقق بس مو مستحيل !! اجل لو تفكرين زيادة ممكن تصنعين ذرة
من جد جوك صافي ........ هذه تبي لها ميزانية بس مقدور عليها ...دولتنا عزيزه اعزها الله وماهمها الفلوس ...وتبي ناس مخلصين ينفذون ويتابعون وهؤلاء قليلون ولكن موجودين .... وفقك الله وحقق لو نص امنياتك

[فهد محمد]

نتمنى ان تتحقق أحلامك اختي عروبه

لك الشكر والتوفيق

يلزمك بيئه أنظف من هذي على شان تطرحين فيها هالافكار

:d

مافهمت هالنقطة سرداب

ياليت توضح لنا

[دمعة آسااااء]

يسلمووووووووووووووووووو

كلام جميل
عروبه

ليس كل مايتمناه المرأ يدركه

[شمـــاليه]

الله عليتس ياعروبه.. يا انتي ناقله هم العالم
اعجبني رد الاخ القدير ابو مشعل..

تفكير ينم عن طيبة قلب ونقاء سريرة

لو فيه برفحاء عشر عروبات كان الدنيا بخير...

شكرا على هذا الموضوع الجميل .. ياطاهره..
وبارك الله لك في السبعة الالف ..
جعلها الله شاهده لك لا عليك في يوم لاظل الا ظله
ولاحرمك اجر من استفاد ولو بكلمه مما كتبتيه ..
ورزقك من وااااااااااااسع فضله ورحمته انه على ذالك قدير
لك ودي

وورده حمراااااااااااااااا

[ماوكلي]

عروبة <<< الشخص المناسب في المكان غير المناسب
يلزمك بيئه أنظف من هذي على شان تطرحين فيها هالافكار
ماودي احبطك بس صديقك من صدقك وليس من صدقَك بالشده :d

عروبه عليكم السلام ورحمه الله الله يجزاك بالخيرات ويوفقك يا طاهره

اعجبني كلام سرداب
رفحا غير مؤهله لمثل الافكار هذي
واي واحد يناظر بعين بصير يطالع وضع الناس فيها
طالعي الناس تتذابح على شي ما يسوى وحتى المجالس الحكوميه تتصارع الامواج داخلها
بدعم من كل صاحب مصلحه
وطالعوا شيوخ القبايل كل من وصل للحكام والمسولين ما يطلب لرفحا شي
الا يطلب لمخباه او لعياله وبلشو بصكوك الدين وكل واحد يدعي على الثاني بمال وياخذ تسديد

واللجنه هذي حدودها بسيطه الله يقويهم
وطلباتك تبي لها امكانيات ودعم مادي واخلاص
وترى اللجنه احسن ما فيها حماس ابو احمد والله يستر عليه من الاحباط