][ البيتزا المقليّه بالصور ][

[شمـــاليه]

بسم الله..


وانا عند ياقردي قالت لي انه لقت طبخه حلوه وورتني بالصور قلت لها
وش ابي بالصور؟؟ الحين تسوينه لي

للأمانه هي الان بالمطبخ وتسويها وانا متكيه عندكم فيذا

تريونا مع صور بيتزت ياقردي

هذي الصور من النت..


مقادير العجينة :

كوبين ونصف طحين

ملعقة صغير خميرة

ملعقة صغيرة ملح

ملعقتين صغيرة سكر

واحد كوب ماء دافئ

ملعقة كبيرة زيت زيتون .. رشة ثوم بودرة .

الطريقة :

تعجن المقادير لين تتكون عجين لينة , لكن مو لينة حيل .. وتدهن بزيت غير الموجود بالمقادير وتغلف بالنايلون وتترك تتخمر ..

بعدها تفرد .. بسمك خفيف نوعا ما لكن لايكون خفيف جدا عشان لا ينخرم اثناء التكوير بسبب الحشوة ( تقريبا بمقدار واحد سم ) مثل الصورة بالعرض

الحشوة :

مكعبات جبن موزريلا

فلفل رومي

زيتون اسود شرايح

صلصة بيتزا ( معدة بالبيت )

جبن تشيدر برايد ( او اي تشيدر كويس ) ويبشر ناعم جدا

زعتر طازج مورق ( جدا يعطي نكهة لذيذة للبيتزا المقلية ) .

القلي :



بعد مااكور جميع البيتزا .. اخفق بيضة واغمس الكور بالبيض واضعها بالملعقة بصحن حتى ينزل البيض الزايد عنها

ثم بصحن اخر اضع البقسماط وابد اقلب الكرات بالبقسماط



.. وارفعها بيديني الثنتين واكورها براحة يدي تساعد هالحركة ينزل البقسماط الزايد وتحافظ على شكل كروي ممتاز .

بنفس الوقت اكون مجهزة زيت القلي وساخن تماما على نار هادئة





ملاحظة //


الافضل بعد البيض والبقسماط .. تقلى على طول الانتظار او التاخير ياثر على الكور ويطلع فيها زي الخطوط او الخدوش

لكن لو قليت بسرعة بعد البيض والبقسماط تكون ناجحة جد , لكن تركها ترتاح وتخمر قبل البيض والبقسماط افضل ولايضر بشكلها اثناء القلي .


وهذآ شكلهــــآ النهـــــــآئي







عاد ان شاءالله اسويها بس مدري اصور لكم والا لا
لأنكم بصراحه ماتشجعون اللي يحط لكم صور طبخ

[شمـــاليه]

^
^
الكلام اعلاه كان منذو ساعه ونص مار المودم طفى علي


البيتزا المقليه من عمايل يدين ياقردي









ماقصرت جنينتي

[ايام]

مأشاءالله مأشاءالله تبارك الله. تسلم يدك انتي وياااااقردي . يعطيك العافيه...

[الحارس الذكي]

وااااو

تسلم يدينك ويدين ياقردي ..

طبخه حلوووه ..

[الصرح]

المفروض القسم هذا يسكرونه برمضان وقت النهار فقط لما نفطر ...

شكرا على البتزا قصدي على الصور << عادة ماادخل مواضيع الطبخ بس يوم شفت بيتزا ومقلية بعد لاأراديا دخلت ،،،، وصائم ياسلام

[همّام]

شكرا لك أختي شمالية

وسلّم الله أياديك وايدي يا قردي

[عروووبة]

يسلم دياتك وديات ياااقردي

ياعل ربي يوفقكن ياجنيناتي على الطبق الحلوووو

بس جعت

[ريانه]

روووعه وسهله لكن بدون ثوم مجفف

بعد العيد نسويها ونقولك عن الطعم

[شمـــاليه]

حياااااااكم وشاكره لكم مروركم