يامحلا الفنجال مع سيحة البال

[الهنوف]

(يا محلا الفنجال)


يا مـا حلا الفنجـال مـع سيحة البـال---فــي مـجلسن ما فيــه نفس(ن) ثقيـله

هـذا ولــد عـم وهـــذا ولـد خال---وهذا رفيق مـا لـقـيـنـا مـثـيلـه

يـا لـيـت رجـال يـبـدل بـرجــال---ويا ليت فـي بــدلا الـرياجيل حيله

يـا بـو هـــلا طير الهوى خبث البال---الطـيـر نـزر والـحـبــارى قـليله

يـا الله يـا الـلي طـالبه مـا بـعد فال---يا اللي مــن الضـيـفـات نجى دخيله

أفــرج لـمـن قـلبه غـدا فيه ولوال---والنوم ما جـــــا عـيـنه الا قليله

لا مـن ذكـرت ارموس عصر لنا…زال---شـوف الـفياض وفقد عـــز القبيله

يـا زيـن شدتهـم آليـا روح الـمـال---يتلـون بـراق حــقــوق مـخيلـه

يســقـى خصيـفا والثمان أرضها سال---مـرتـع معطره السيــــوف الصقيله

عـجـمـان لا ركـبـوا على كل شملال---يفرح بهم راعـــى الـنـياق الهزيله

مـن جــو سـاقـان إلى السيف همال---وينوش حسنــــا والـرديـفة هميله

ولا قــادنـا مـن يـمـه الـقفر خيال---يـصـبح شديد البدو عــــجل رحيله

قــاد السـلـف واستجنبوا كل مشوال---والعصر يا محـلا تخيبـط نـزيــلـه

وإن شرف البادي عـلى روس الأقـذال---والـمـا كـثـر الـــزول زود جفيله

تـلافـحـت مـا بينــا شهـب الاذيال---ومن ضيع الـــمفتاح يـا عـزتى لـه

ركـبـوا على طوعاتهم كــل عيــال---وكل لبلج يحـرى بـكــــسب النفيله

تـغانـموا المـفزاع ذربيـن الافعــال---مـن قبـل تسبق غارة تنثنـــى لـه

يبغون طوعـه روسـهن قبل الادمــال---وتـغانمـوا خلف كــثـير هـجيلــه

وحال الكمى مــن دون عطرات الاجهال---ومروا ولحقوا مقحــمين الدبيلــــه

واللــى تريض عقبهم يلبـس الشــال---من صنــع داود دروع ثقيــلــــه

يلزم عليهم علة عـقب الانـهــــال---ومن غارته لـزم يـضيع دليـــلــه

والدم مـن قحص الرمـك يثعل اثعــال---يزعج عــلى وروك السبايـا وشيــله

هـذى براعيها مـن المعرقه مـــاله---وهـذى شكـلها مطرق مــا تشيــله

من وقـع كـل مجرب قدله افـعـــال---وفـروخ صـاد الحبارى فـصيــــله

ولـيـا ركبنا فوق عـجــلات الازوال---وبايمنـا حـدب السيوف الصقيلــــه

ومـا حـن نحسب لا شتـبك عج واكتال---وتـرك صـبى يفتنع بالفــشيــلــه

وصلاة ربي عـد مـا زايـــــل زال---على نبى الحـق راعـى الفــضيــله

وسلامتكم

قصيدة للشاعر الكبير راكان بن حثلين

[شمـــاليه]

شاعر جزل ذو ثقافه شعريه عاااااااااليه

وبيته يامحلا الفنجال قصيده بحالهاااااااا

ياملا العافيه ياالهنووووووف

وماقصرتي ومنوّره قسم همس القوافي


لاهنتي يالعزيزه

[الهنوف]

الله يعافيك مشرفتنا الغالية شمالية و زين إن إختياري حاز على إعجابك
و الف مبرووووووووووك على الإشراف و سامحيني تأخرت بالتهنئة
و القسم منور بوجودك

[جنوبي]

صح السان الشاعر وصح السانك هنوفه

كلمات جدا رئعه مشكورهع الطرح المتميز والراقي

تابعي ع مواللك المميز فهناك من يتشوق الى بعثرت كلماتك ع الورق ,,,

جـــــــنـــوبي مر من هنا ووضع بصمه مروره

[الهنوف]

[

quote=جنوبي;353702]صح السان الشاعر وصح السانك هنوفه

كلمات جدا رئعه مشكورهع الطرح المتميز والراقي

تابعي ع مواللك المميز فهناك من يتشوق الى بعثرت كلماتك ع الورق ,,,

جـــــــنـــوبي مر من هنا ووضع بصمه مروره[/quote]


صح بدنك أخوي جنوبي
شاكرة مرورك.

[رفحاوي]

صح لسانك ولسان الشاعر ...
الأبيات الأول والثاني والثالث هي المشهورة بين الناس ...
شكراً الهنوف ...

[همّام]

اختيار رائع اختي الهنوف

[شمـــاليه]

الله يعافيك مشرفتنا الغالية شمالية و زين إن إختياري حاز على إعجابك
و الف مبرووووووووووك على الإشراف و سامحيني تأخرت بالتهنئة
و القسم منور بوجودك

حياتس وبياتس ,, طبعا يحوز على اعجابي لسببين

الاول لانك انتي ناقلته ومنورتنا بهمس القوافي
والثاني القصيده لشاعر فذ اصبح رمزا من رموز الشعر الشعبي
والله يبارك فيتس .. ومسموحه يالغاليه ,,
ونبي همتك معنا بهمس,,

لاهنتي

[الملك الضليل]

مشكوره على هالقصيده ..






.

[الهنوف]

صح لسانك ولسان الشاعر ...
الأبيات الأول والثاني والثالث هي المشهورة بين الناس ...
شكراً الهنوف ...

صح بدنك أخوي رفحاوي
أي نعم صدقت ،أنا دائما أسمع الأبيات الثلاث الأولى لذلك حاولت البحث عن القصيدة كاملة.
عفلوا رفحاوي
و شاكرة مرورك

[الهنوف]

حياتس وبياتس ,, طبعا يحوز على اعجابي لسببين

الاول لانك انتي ناقلته ومنورتنا بهمس القوافي
والثاني القصيده لشاعر فذ اصبح رمزا من رموز الشعر الشعبي
والله يبارك فيتس .. ومسموحه يالغاليه ,,
ونبي همتك معنا بهمس,,

لاهنتي

الله يسلمك مشكورة على الكلام الطيب
و انتي تامرين أمر ،بتلاقيني من المشاركين الدائمين في منتدى همس القوافي

[الهنوف]

مشكوره على هالقصيده ..






.

مشكور على المرور أخوي الملك الضليل .

[الهنوف]

اختيار رائع اختي الهنوف

الله يسلمك أخوي همام
مشكور أخوي همام على المرور
و آسفة تجاوزت ردك بدون ما انتبه.

[رفحاوي]

الأبيات الأول والثاني والثالث هي المشهورة بين الناس ...

تعديل :
أقصد البيت الرابع وليس الثالث ...
مع الشكر للرائعة الهنوف ...

[الهنوف]

تعديل :
أقصد البيت الرابع وليس الثالث ...
مع الشكر للرائعة الهنوف ...

أنا كنت أسمع الثلاث الأبيات الأولى دائما من أحد اقربائي فحاولت أبحث عن القصيدة كاملة، شرفتني رفحاوي بمرورك الثاني