قصة مؤثرة جداً

[الصقر]

القصه ان جحيش السرحاني كان متزوج ثلاث حريم وكل ماراح لم وحده منهم طردته وفي ليله من اليالي كان

هو وحريمه وعياله نايمين في وادي يسمى سلاحيب , ويوم قام الصبح وما يحصل احد حوله من عياله ولا هم شادين ومخلينه الحاله

ولا هذي مناقع الماء وهذي اثارهم .. ويقول هالقصيده

قـال اللـذي يقـرا بليـا مكاتـيـب
ياللي تقـرون العمـى مـن عناكـم
ياعيال ياللـي تشرفـون المراقيـب
تريضوا لي واقصـرو مـن خطاكـم
خوذو كلام جحيـش مابـه تكاذيـب
مثل السنـد مضمـون للـي وراكـم
ياعيال لا صرتو ضيـوف ومعازيـب
ترى الكـلام الزيـن ملحـة قراكـم
المذهب الطيب فهـو مذهـب الطيـب
والمذهـب البايـر يبـور نسـاكـم
ياعيـال مـا سرحتكـم بالواهـيـب
وياعيـال ماعمـر المعـزب ولاكـم
وياعيال مـا ضربتكـم بالمشاعيـب
ولا سمعـو الجيـران لجـة بكاكـم
من حبكـم أرطـب القلـب ترطيـب
يفـز قلبـي يـوم يبكـي حـداكـم
يا ما تسلوعـت القبايـل تقـل ذيـب
من خوف لايقصـر عليكـم عشاكـم
ويا ما قطعت من الفياض العباعيـب
ادور مـن صيـد البرايـا غـداكـم
وياعيال هاكم لحيتـي كلهـا شيـب
هـذا زمـان قعودنـا فـي ذراكـم
قمت أتوكا فـوق عـوج المصاليـب
وقصرت خطانا يـوم طالـت خطاكـم
ردو لي القرضـه عليكـم مطاليـب
رود لي القرضه جزاء مـن جزاكـم
لابد يوم (ن ) عـاوي دونـي الذيـب
بالقبر ما أفرق طيبكـم مـن رداكـم
مانيب فاضحكـم بوسـط الاجانيـب
بفعولكـم يـدرون كــل قربـاكـم
لو كان تـدرون الحيـاء والمعاييـب
صرتو مع المخلـوق مثـل اخوياكـم
خوالكـم بالطيـب تـرو الاغالـيـب
لو تتعبعون الجـن مـا حـد شناكـم
وش علمكم يا ساهجيـن المواجيـب
حسبي عليكم هالرداء من وين جاكـم
يا علكـم فـي حاميـات اللواهيـب
ياللي علـى الوالـد خبيـث لغاكـم
شفت الجفاء والحيف والظلم والريـب
بطلوعـكـم لا يـسـر الله قـراكـم
يا عيال بعتوني بصفـراء العراقيـب
ماهـي حقيقـه سـود الله قـراكـم
نصحتكـم وأسنـدت وادي سلاحيـب
وشاهـدة بالبيـداء مدافيـق ماكـم
مار عسى نساكم لاتحمل ولا تجيـب
ولا حد (ن ) من البزران يمشى وراكم
اهبـو هبيتـو ياكـبـار اللغابـيـب
أخسـو خسيتـو يقطـع الله نماكـم

ويقال فعلاَ ان هالعائله ما عاد لها وجود قطع الله نماهم

اعتذر عن تنسيق القصيدة لاني حاولت ولم استطع

[ليث]

يعطيك العافيه على القصه والقصيده

[الصقر]

يعطيك العافيه على القصه والقصيده

الله يعافيك ياليث ، اللهم اصلح اولادنا

[شمري قطري]

يعطيك العافية على هالنقل الجيد
وصح الله لسانك
شمــــــــــري قطــــــــــري

[الصقر]

شمري قطري
الله يعافيك يالغالي

[ابو زياد]

يعطيك الله العافيه على النقل الرائع

والأختيار الجميل لاعدمناك تحياتي

[هديل]

ليه يسون مع ابوهم كذا؟؟؟

بس القصيده مؤثره

الله يكفينا شر العقوق

[ديكتاتوري]

[align=center]الصقر .. لله درك ياجدي

كنت ادور على القصيدة من سنتين تقريباً

الله لايهينك .. مشكور يابعدي[/align]

[الصقر]

الاخ / ابو زياد
الله يعافيك وهذا من ذوقك ياذوق

[جمر]

يعطيك العافيه قصه وقصيده

[الصقر]

ليه يسون مع ابوهم كذا؟؟؟

بس القصيده مؤثره

الله يكفينا شر العقوق

هديل اشكرك على المرور
ليه يسوون كذا (( لله في خلقه شئون ))

[الصقر]

[align=center]الصقر .. لله درك ياجدي

كنت ادور على القصيدة من سنتين تقريباً

الله لايهينك .. مشكور يابعدي[/align]

دكتاتوري
اشكرك على مرورك
والحمد لله اني وفقت لخدمتك

[همس شاعر]

مشكور اخوي الصقر ماقصرت

قصة والقصيده حزينه جداً

[الأمراطور]

{شكرا على القصيده الحزينه ويعطيك العافيه}

[الصقر]

يعطيك العافيه قصه وقصيده

جمر
الله يعافيك يالغالي