من شعر بركات الشريف ينصح ابنه مالك

[tals]

المسك ياراسي من الذل واخطيك***واحذر تكلم يالساني وحذراك
والطفك بجارك وقوم دون عانيك***وافطن لما يعنيك عن ربعة اخواك
ياذيب وان جتك الغنم في مفاليك***فاكمن لين الرعايا تعداك
أمنول ياذيب تفرس بأياديك***واليوم جا ذيب عن الفرس عداك
ياذيب عاهدني وعاهدك مرميك***مرميك أنا ياذيب لو زان مرماك
والنفس خالف رايها قبل ترميك***ترى لها الشيطان يرمي بالأهلاك
ومن بعد ذا لاتصحب النذل يعديك***وعن صحبة الأنذال حاشاك حاشاك
ترى العشير النذل يخلف طواريك***وأنا أرجي انك ماتجي دون اباك
والهقوة انك ماتجي دون اهاليك***ولاظن عود الورد يثمر بتنباك
والحر مثلك يستحي يصحب الديك***وان صاحبه عاعا معاعات الأدياك
لاتستمع قول الطرف يوم يلفيك***بالكذب يقضي حاجته كل ماجاك
من نم لك نم بك مافيه تشكيك***ويلاه قد أزرا رفيقك وزراك
عندك حكا فينا وعندي حكا فيك***واصبحت كارهنا وحنا كرهناك
أخطاك ما صابك ولو كان راميك***والي يصيبك لو تتقيت ما خطاك
مير استمع مني عسى الله يهديك***انصحك يا مالك لك الله يالاك
عندي مظنة ماتمثلتها فيك***واطلب لك التوفيق من عند مولاك
================================
================================
=============رسالة خاصة===========
والحر مثلك يستحي يصحب الديك***وان صاحبه عاعا معاعات الأدياك
=============رسالة خاصة===========

[برق السحاب]

شكرا على القصيده

الي كلها حكم ونصايح وعبر

جميله تساوي جمال صاحبها وناقلها
لاتستمع قول الطرف يوم يلفيك***بالكذب يقضي حاجته كل ماجاك
من نم لك نم بك مافيه تشكيك***ويلاه قد أزرا رفيقك وزراك
عندك حكا فينا وعندي حكا فيك***واصبحت كارهنا وحنا كرهناك

[نزيه]

اختيار جميل من جميل يعطيك العافيه اخوي

[ليث]

اختيار جميل من جميل يعطيك العافيه اخوي

>>>>>>>>>>>>>>>>

[رفحاوي]

اخوي / طالس ...

صح لسانك ولسان الشاعر ...

جميل جدا شعر بركات وعون الشريف ...

[سهرانه]

سلمت يداك وقصيده حلوووووه

[tals]

برق الضحى ، نزيه ، ليث ، رفحاوي ، سهرانه

(( انتم أجمل بتعليقكم ، وشكرا لكم ))