اهلا عروبة

1- مبروك الجهاز الجديد

2- منتدى الشكاوى والاقتراحات استحليتيه وصارت فيه مودة بينك وبينه وماتصبرين عنه، يعني الموضوع هذا مكانه منتدى الاجهزة والانترنت

3- من خولال (خلال) كلامك افهم ان المفضلة هي حقت قوقل كروم وليس الاكسبلورر وبالتالي طريقة نقل المفضل مختلفة كالتالي:

افتحي متصفح قوقل كروم في جهازك القديم وتلاقين يسار الصفحة علامة مفك (مفتاح) اضغطيها يطلع لك قائمة منسدلة من ضمنها "مدير الاشارات" ، هذا واحد بمرور رفحاء معينينه مدير لاشارات المرور واستفاد منه قوقل

المهم اضغطي على مدير الاشارات وتفتح لك صفحة فيها مجلدات المفضلة

فوق اول مجلد يمين المتصفح (طبعا اذا كان عربي) تحت النجمة الي خلفيتها زرقاء

تلاقين كلمة "تنظيم" وبجنبها سهم صغير للاسفل ، اضغطي عليه تطلع قائمة منها "تصدير الاشارات" سوي تصدير لها وحطيها بالمكان اللي تبين سواء سيدي او يو اس بي درايف او على جهازك وارسليها لنفسك بالايميل او باي طريقة

وروحي للجهاز الجديد واتبعي نفس الخطوات الين تصلين عند تنظيم واختاري منها "استيراد الاشارات"

ممكن طريقة النسخ واللصق لكن الي قلت لك اسهل ، وفيه طرق اخرى

طبعا مطلوب منك اذا ضبطت معك تتكرمين بشرحها بالصور ووضعها في موضوع مستقل في منتدى الاجهزة والانترنت
اذا تكرمتي