فاتن العشاق

[عبدالله المفضلي]

يا زين يا فاتن العشاق يا ماهر =
أشعلت نار المحبه للمحبيني

في داجي الليل ظنيت القمر ظاهر =
بين الشهر والشهر يوم الثلاثيني

أنا استحي يا حبيبي والحيا قاهر =
متى تجي حاجةٍ يمك توديني

يا شفت نجل العيون وزينك الباهر =
ماكن رفحاء بها غيرك مزاييني

بين الزعل والرضا سيف الهوى شاهر=
من حر عينك بشوفك ما اهتنت عيني

الله من نجمةٍ غابت وانا ساهر =
أهيم في ذكرياتٍ بينك وبيني

من عقب موت الأمل روض الهوى زاهر =
والشوك مشبوك من دون البساتيني

لبست ثوب العفاف ومعدنك طاهر =
لك بالشرف والنقا رمز وعناويني

والله لاقول للحساد واجاهر =
مادام لي بك رجا والوقت يعطيني

[عروووبة]

صح لسانك
ولا هنت ولا هان غاليك

[عبدالله المفضلي]

صح لسانك
ولا هنت ولا هان غاليك

عروبه

صحت روحك

ولا هنتي

كل الشكر والاحترام

[عز الخوي]

صح لسانك يا فاتن العشاق

[عبدالله المفضلي]

صح لسانك يا فاتن العشاق

عز الخوي

حياك الله

فاتن العشاق عنوان القصيده !!

اشكرك

[شمـــاليه]

حياك وبياك واهلا بك وسهلا في منتديات رفحاء
القصيده جميله ورائعه وهي للشاعر عبدالله محمد الشمري
بودي ان اسأل هل هو انت؟
بارك الله فيك
وحياك مره اخرى

[عبدالله المفضلي]

حياك وبياك واهلا بك وسهلا في منتديات رفحاء
القصيده جميله ورائعه وهي للشاعر عبدالله محمد الشمري
بودي ان اسأل هل هو انت؟
بارك الله فيك
وحياك مره اخرى

شماليه

تسلمين ولا تهونين

اعتز بالاطرا والاشاده

نعم انا عبدالله محمد المفضلي

كل الشكر والاحترام

[شمـــاليه]

شماليه

تسلمين ولا تهونين

اعتز بالاطرا والاشاده

نعم انا عبدالله محمد المفضلي

كل الشكر والاحترام

حياااااااك وبياااااااك شاعرنا انرت همس القوافي
واهلا وسهلا بك وصح لسانك على القصيده
واتمنى ان لاتكون هذه القصيده الاولى والاخيره
في انتظار ابداعك ولاهنت