وش نفعنا فعل أبوك وفعل جدي

[أبو هيا]

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
السلام عليكم ورحمة الله وبركاته


قصيدة جميلة قرأتها وحبيت أنقلها لكم


لأنها فعلاً تحاكي الواقع





وش نفعنا فعل أبوك وفعل جدي=وش عطانا كل تاريخ القبيله

السوالف ماتجيب ولا تودي=والزمن أصبح نهاره مثل ليله

ناظر الدنيا وتفهم ويش قصدي=وين جدك وين هذاك الدليله

ماتذوق العز والحال متردي=لو تشوف الخير ماتقدر تجيله

علمونا نارد الموت ونعدي=مادروا وش صار بياع البليله

علمونا ننزل وبكره نشدي=والديار اليوم بصكوك الفضيله

علمونا نكرم الضيف المعدي=لاجل يذكرنا ويمدحنا قبيله

أكرمه لو كان يصلخ كل جلدي=ما اتعذر لو ما باليد حيله

كرهونا بالتجاره والمكدي=لو شريت وبعت ضيعت الجميله

والصناعه ماتخص عيال نجدي=لو تجي صناع ياكبر الفشيله

والمراجل تنوخذ صبح وهجدي=مادروا وش صار بياع البليله

والدراسه ماوراها خير يبدي=من درس ضيع حلاله عزتي له

ضيعونا والزمن كله تحدي=كيف ناكل عيش بعلوم جزيله

كيف يارث جنب بيت الله هندي=يوم ورثك نخلتين بالمسيله

شيخنا يبلش على تعيين جندي=ينطل بوجهه ملف جا يشيله

والموظف هيثم بن عماد سندي=يطرد الشايب ويلعن سلسفيله

وان درى انه كان فارس مايصدي=شبت النيران بقلوبٍ غليله

والسبايب ذبح خاله نقشبندي=ينتقم من فعل ربعك في وهيله

حنشلٍ من جوعهم محدٍ يعدي=خال هيثم حج وجدك محتسيله

من يروح للحجاز يقول بعدي=العيال وداعة المولى دخيله

يفخرون بكسب حجاج وعبندي=وكسبنا منهم ذنوب وحنظليله

عاد تدري ليه أنا بيحت سدي؟؟؟=لا وظيفه لا فلوس ولا حليله


تحياتي


__________________
[/poet]

[رفحاوي]

حمود ...

اسمح لي اقول لك وبدون زعل لاني راح اكون معك صريح ...
انت فعلا ذوق وصاحب ذوق راقي ...
تسلم على هالقصيدة الحلوة وسلم لي على هيثم بن نقشبندي

[أبو هيا]

شكرا اخوي رفحاوي.......
انت استاذ في الأخلاق.

[الدب الداشر]

عز الله صدق وصح لسااان الشااعر ولساانك حجي حموووود

فعلا" وش ينفع الحين اذا سووويت نفسك بطل مثل جدك قصبووك الحكوومه الله يطووول بعمرهم
واذا صرت رخمه تمشي امووورك

عاد انت حجي حمووود على علممي يكفيك اسم ابووك وجددك الله يرحمه
وانت اعرفك يقوول لساان حالك

يوم انهااا بالسيف مشرووبناا دم ^^^^^^ تلقى عشااناا من رقااب الرجاااجيل



الله يخلي لناا الحكووومه

"الذله بنت حلال"

[أبو هيا]

ماعليك زود يابو داشر