@@@@@@@@@@

[أبو هيا]

[poet font="Simplified Arabic,4,darkblue,normal,normal" bkcolor="transparent" bkimage="backgrounds/4.gif" border="double,4,gray" type=0 line=200% align=center use=ex length=0 char="" num="0,black" filter=""]



فتنا الله بصيد الحباري



حـنّا فتـنّا اللــه بصيــد الحبــاري= واسبـاب فتنتنـا حــلا هـدة الطــير
لامـن بــدا يـذّكـر لهـن الاثــاري= نمشـي علـى الحـروه نشـاط ومــداوير
مـن عقـب ربـط الطـير وطول انتظـاري= تطـري علـى بالـي كثــير المشــاوير
اركـب علـى الجـيب الـجديد السـفاري= اللـي مـع الـخـبه يجيلــه معاصــير
وامـر ابـو مشعــل وامـر المشــاري= وامـر ابـو صــالح عشـير الـمناعــير
ربــع تـراهـا مـاتعــد الخســاري= ولا تحـــب اللـي يعـد المخـاســير
ياماحــلا والجيــب فالخـط ســاري= نـاوي علـى ذيـك العـروق المقـافــير
اللـي وطـاها الســيل لـيل ونهــاري= بـأول نجـوم الوسـم طايـح بهـا خــير
واليـوم كاســيها مـن اللـه خضــاري= وتفــوح ريحــة عشــبها والنــواوير
وافــرق يمــين الخــط وللا يســاري= مـن عقـب ما اشـاور ثقـيل الاشــاوير
وانصـا ديــار للحبـــاري محــاري= ارض قفــر ماطبتــه شــاة وبعـــير
وادور امـــراح علــى الكــيف ذاري= اللـي يـذريــبه كبــير العثـامـــير
واشـب لي مـن جـذع الارطـاة نــاري= ودارة سـوالــف ربعنــا بالتـذاكــير
واذا طــرا لمقنـاصنـا العــام طــاري= وقامــت تهيضـنا ليـالي المخـاضــير
وقمنـا انتـذكر كـل ماكـان جــاري= ونـواف يومـه صخـر الخـرب تصخــير
اللــي لقينــا جرتـــه بالمـــذاري= ورحنــا نقطعلــه بذيـك المشـاجــير
حتّــى استجــدّة جــرته بالعــواري= وشفنــا متاقــي جرتــه والتــداوير
وحنـا انتحــرى طــيرته بحتيـــاري= وبغـت تطـير قلـوب بعـض الصقاقــير
وطاحـت علـيه العـين قبـل الحــراري= رابـض ومـن شافـه يســوق التباشــير
وجينـا نضـرب فـوق راســه بــواري= ثم سنتـر الماخـوذ ويااللـه عسـى خــير
واتبــع وراه الطــير حلـو الطيــاري= مرهـي علـى صيـد الحـباري المعاشــير
وصــله وثــم رده علينـا جبـــاري= وحنـا وقــوف يــردده للمـواتـــير
حـتى طيــار الخــرب جابـه غيــاري= زاد ارتفاعــه وصـاربالـوضـع تغيــير
وصـارن بكبـد الجــو مثـل الــزراري= ماعـاد اميـزهـن ســواة العصـافــير
والطــير ياخـذ منـه ريــش بمهــاري= حتّـى قطعنــا طيـارهـن بالنـواظــير
ورحنـا علـى حـروت مصـاده حيــاري= نمشـي علـى وجهـة جهـاز التصـافــير
ولاه يشــر صــوب ذاك السمـــاري= اللـي عليــه اذواد حــمر ومغـاتــير
ومعهـن سنـافـي ننشــده كــان داري= قلنــا هــلا يـازول مسيـك بالخــير
قـال اهـلا ومرحـب بالوجيـه السفاري= قلنــا هــلا يـازول مامــرك الطــير
قـال ابشــرو بـه عنـد ذاك الحــواري= حــوّل معلقهــا سـوات الشنـاكــير
جيـناه ينتــش مـن نضيـف الهــباري= والـريش تلعبــّه هبــوب البعاثـــير
فـي وقتهــا ننسـا كثــير العــزاري= اللـي كـون كبـدي مـن العـام يامنــير
واللـه مـا اغبــط اللـي قـراره وزاري= حتـّى مـا اغبـط اللـي بنوكـه مزابــير
وياطــير ياللـي لذبـحة الصيـد ظـاري= طيــار وللا درج مـاعينــت خـــير
عـوق الخريــش المرهيــات الطــياري= عـوق الخريـش المقفيــات المعـاســير
اللـون مـامـن لــون مابـه غتــاري= لاشــك يفـدنــه حــرار مغـاتــير
ياجعــل يفــدنـه جميــع الحــراري= شقـر وحمـر وبيـض والسـود و الجــير
مانيـب فـي نـــواف بايـع وشــاري= ويـاجعـل يفــدنـه بنــات غنــادير
وصــلاة ربـي عـد نبـت الصحــاري= وعـداد مايمشــي علـى القـاع ويطــير
وعـداد ماتــذري هبــوب الــذواري= علـى اللـذي نــوّر لنا الـدرب تنــوير


بدر بن أبراهيم الغذامي
[/poet]
[/poet]

[الدب الداشر]

صح لسااانك ولسااان الشااعر حجي حمممود

اشتقت للبر "وتر الصيد واجد هاليومين"

[الدب الداشر]

وهيدي لإلك

[أبو هيا]

جايك المليون يادب

[حنين الماضي]

ياحلالات الصيد بس لو يطيعوننا الرجاجيل
صح لسانك حجي حمود ولاهنت
دبدوب بكم تبيع اللوحه