هل يرضيك هذا يامدير الاشراف التربوي؟؟؟

[هرطمان]

السلالالالالالالالالالالالالالالالام عليكم
اخواني واخواتي من يقرون موضوعي هذا ابيكم تحطون انفسكم بنفس موقفي او موقف اخوانكم المتضررين
وبكل حياديه احكم ضمائركم الحيه

طالب في الصف الثالث ثانوي علمي في مدرسه رفحا الثانويه
جاء للبيت اليوم وساله ولي امره عن الدروس والمدرسين
وتبين ان احد المواد العلميه لم ولن يدرسها ابنه لمدة اسبوعين وقد تزود قليلا
قلنا عسى المانع خير (يعله خير ) عسى ماهو مسوي عمليه جراحيه او حادث او عذر عظيم ؟؟؟؟؟؟؟؟؟؟؟؟؟؟؟؟؟؟؟
لانه من الصعب ان يغيب مدرس ثالث ثانوي والاسئله بتجي من الوزارة الا لعذر كبير ( يعلوه خير )
الشي الي يبكي ويحزن ان المدرس رايح يعسكر
قلنا يمكن الحرب قربت ومحتاجين كوماندز
قالوا لالالالالالالالالالا هو معسكر يلعب كوره
انا ولد ابوي تاركن عيالنا ويلعب كوره شي مستحيل حنا ما خلينا عيالنا يلعبون كوره بجنب البيت وهم وغدان
وشلون مدرسهم يلعب ؟؟؟؟؟؟؟ وليته بجنب البيت لا مع النادي
ياناس فيه من يقول فيه قرارات تطالب الدوائر الحكوميه بمنحهم اجازه
وفيه من يقول حتى القرارات مشروطه وماهي ملزمه كما يزعم من تخدمه القرارات والرئيس المباشر له حق منع الموظف
ماعلينا مثل ما تقول اختنا مرجوجة
ولنفرض ان القرار اعدام من يمنع الموضف
كيف يسمح ضمير المدرس بترك الطلاب رحمة الله على المدرسين والله لو يخصمون عليه كل يوم خمسين ريال ما راح
وهل فلوس الايام هاذي حلال عليه ام هي حرام ؟؟؟؟؟؟
اما المدير والذي يجامل على شان مصالح وعلاقات ومحسوبيات واخر شي بالبال الطلاب
لانه يطلب رضى ناس نسي غضب رب الناس وانا استغرب هاذي منه الا ان كانت اقواله لا تطابق افعاله
وهنا نناشد مدير مركز التوجيه
ان هاذا الموقف يعتبر سلبيه من مدير المدرسه ويؤثر في تقييمه
وعليه ابلاغ موجه الادارات المدرسيه فما عذركم
واحد مدير ما يوافق ويحافظ على طلابه ويعاب واحد يهملهم ؟؟؟؟
وين العدل
ونناشد موجه الماده بتاثير هاذا الموقف على درجات المدرس والله ماله عذر
الا اذا خصمتم رواتب الايام الي غايب وزعتوهن على الطلاب او اعطيتوهن مدرس يقوم بحصصه

اخيرا لا تعبون ارواحكم والله النادي ماهو فالح
ولاهو من زين لعب المدرس الي هم ماخذينه لاكن مالقوا غيره


على فكره ترى المدرس عزيز علي وانا اغليه لكني اكره الخطأ الي يسويه ولازم يكبر ويكون قد المسؤليه او يروح مدرس غير ثالث ثانوي علمي

وسلملم

[المرجوجه]

السلالالالالام..
والله المدرس هذا هو ومديره ما عنده سالفه..
اوكي نفرح لين غاب المدرس ويصير يوم عيد .. بس مو المده الطويله هذي ومو ثالث ثانوي!!
هذا تأثير كرتون كابتن ماجد والهداف و غيرهم ..
ماعلينا.. الله يعين الطلاب..... نتايجهم بتصير سلطه.. ومافي جامعات بتاخذهم بسلطاتهم ..
سلالالالالام.....