خطاي اني تعلمـــت الوفا في ساعـة النكران

**الحبوبه** · 21 Jul 2005, 01:54 PM

حصلت القصيده وحبيت تشوفوها

خطاي اني تعلمـــت الوفا في ساعـة النكران
وخطاي اني تعلمت الفــــرح في حصة أحزاني

رغم قلبي وفي دايـــم دخـل موسوعة الخوّان
في باب الكــــــذب حطوني رغم ان العدد فاني

حبيبي دارت الدنيا وصـــار الخـــــادم السلطان
حبيبي كنــــــت مفتاحي وصــرت اليوم بيباني

حبيبـــــي غرني صوتك وانا تغرينــي الالحــان
وانا ماقلت لك مجروح انا قلت الهـوى اشقاني

حرام اللي عطاك الــــود والاحساس والاشجان
ترد الود والاحساس بصمــــــتٍ حطـم اشجاني

انا كلي هوى شريان اذا تعـرف هوى الشريان
انا من كثر شوقي لك احـــــس الشوق غطاني

انا من كثر ما احبك احـــــس ان الغلا هتـــــان
ملى ارض الوله فينــــــي حبيبي حبك اسقاني

عطيتك ذكريات العمـــــر رسوماتي مع الالوان
وحطيتك مع اللعابي مـــع اوراقي مـع الواني

رسمتك حلمي الاجمـــل خيالك كان لي عنـوان
شعـــــــرت اني بهالعالم طايـــر وانت جنحاني

سهرتك والقمـــــر صاحي وليلي بالشتا بردان
صدى صوتك حبيــــــب الروح لو كلمــت دفاني

رسمتك لوحــــــة احلامي وعلقتك على الجدارن
وهبتك بحــــــري اللجــي و مجـــدافي ورباني

انا من يوم ما شفتـــــك قضيت الليل لك سهران
انا لو تهـــت بالدنيا حبيـــــبي انـت عنــــواني

انا سميتك الساحــــر انا سميــــــتك الطوفــان
انا ناديتك البــــــارح رجع صـــــوتي و ناداني

دخلت بسوقك السودا ربحت وكنت انا الخسران
وتهت بسوق عملاتك عطيــــــتك وجهي الثاني

حبيبي لا تقـــــــــول غلطة وسامح زلة الغلطان
حبيبي لا تقول مـــدري وقــــــولة ويش درّاني

غلطــــت بدنيتـي يوم ٍ عطيــــــتك ميزة الانسان
وقلت اهواك مـــن قلبـــــي وضنّي فيك تهواني

وقلت اني احبك مـــوت وكررت الحكي ازمان
ولا دري صدق من حبيــــت في يومين ينساني

صحيح الحب من نظرة وانا حبــــي من الوجدان
صحيح اني هويتك نبض عايش وسط شرياني

عطيتـــك حبي الاصـــدق عطيتك ثـورة البركان
على اخــــــر رصـــيف الحب وفالشطئان تلقاني

تخيلتك وفا شاعــــــر يحـــب الشعر والاوزان
تخيلتك نغـــــم صادق يا مقطــــــوعة اللحــاني

نصيــــــتك والالم فينـــــي بين الزود والنقصان
حسبتك تمســــــح ادمــــوعي بمنديلك وبكاني

ولا ادري ليه انا ذكـــرى قديمة بخانـة النسيان
ونغمة حزن في صـوتي احــــــس العود غناني

انا من يوم ماشفتــــــك تغيـــــر حالي الفـرحان
انا من يــــــوم ماشفتك لذيــــذ النــوم جافاني

انا ياكــم كتبت الشعــــــر والالغــاز والقيفان
ولكن ما حصــــــل بعدك كتبت احروف تقراني

انا ما حب وردة بس انا اعشـــق هوى البستان
انا ذكرى الهـــوى فينــي وقصة روض خلاني

انا بنتٍ تقيس الشعــر بالياقوت والمرجـــان
انا لو قال لي قلبــي في كـــــل الناس كفّاني

انا بنتٍ تحب الشعر لجل الحب (يا دبـان)
انا ماني مثل غيري طبلها بس طغياني

انا لك صادقه يالدب إذا انك فيني الحيران
انا شعري لجل تقنع ينادي كل شيطاني

انا لجلك عشقت الليل إذا انته دايمٍ طربان
وانا حتى البحر كنـــــزه من لولي ومرجـــاني

انا من كثــــــر مافيني !! شكاتني مقلة الأعيان
واغني في ليالي الحب وكثـــــر الشوق برهاني

انا معنى الوصل دايـــم ولكن دنيتــــــي هجران
انا كل القصـــايد حــــــــرف في ترتيب اوزاني

انا لي قلـــب ما يذكــــــر سوى الالام والاحزان
أخذني من حيـــاة الوصــــــل للهجـــران وداني

واذا انك تبي تجهل بعد هاليوم يــا(دبــان)
حرام الحب عن قلبي وتحرم دمعة اجــفــانـــي

خلاص اللي بغيته واصل لفكرك الـ (التعبان)
عساك تقدر الحاصل وفي وضعي بتلقاني

**الدب الداشر** · 21 Jul 2005, 02:46 PM

يخرب بيت عدوك الحبووبه

والله مبدعه + محرجه

خلااص بنشيلك من القاائمه بدون برست

صح لساانك

ولا هنتي

**رفحاوي** · 22 Jul 2005, 12:35 AM

صح لسانك ...

الله يستر علينا وعليك وعلى بنات الحلال ...

مشكلة البنت تنخدع بسرعة وتضيع نفسه عشان تساهله ...

مجرد كلمة اعجاب من صايع تعشقه وتسمح له يسوي اللي يبي مهما كان ...

وبعده يتركه ويشوف غيره (فريش) ويتركه بمصيبته ...

**الدب الداشر** · 22 Jul 2005, 12:53 AM

**رفحاوي** · 22 Jul 2005, 01:14 AM

المشاركة الأصلية كتبت بواسطة الدب الداشر

الله يبارك باللي رافع ضغطك ...

امزح يا دب ...

قصدي من الكلام انصح كل اخت منشان تنتبه لنفسه قبل ما تضيع ....

اللي مارضاه لخواتي مرضاه لبنات الناس ...

المهم لا تزعل وابشر ببروست مثل ما قال حدى الشباب ... الساعة 1 الظهر بغرفة مقفلة وامكيف طافي ...

يا يبي يطلع منك عرق وتروح بالغرفة والبيوت اللي حوله ...

**الافندى** · 22 Jul 2005, 01:33 AM

صح لسانك الحبوبه ..... قصيده رائعه
فيها موعظه ... وعبره ... ومعانات كثير مانراها في مجتمعاتنا

**الدب الداشر** · 22 Jul 2005, 01:34 AM

:d:d:d:d:d

**ابو مشعل** · 22 Jul 2005, 01:51 AM

[b]حبيبي دارت الدنيا وصـــار الخـــــادم السلطان
حبيبي كنــــــت مفتاحي وصــرت اليوم بيباني[
شكرا على هذه القصيدة الرائعة وادعوك للعودة للشلة احسن لك تري الدب ما به فايدة/b]

**التيما2005** · 22 Jul 2005, 08:49 AM

صح لسانك يالحبوبه ..........
قصيده رائعه .....

**ليث** · 22 Jul 2005, 11:54 AM

صح لسانك الحبوبه ..... قصيده رائعه

**الحبوبه** · 22 Jul 2005, 05:11 PM

الدب تسلم ياذوق وصح بدنك تستاهل اكثر

رفحاوي صح بدنك والله يتقبل دعائك ويجزاك خير

مشرفنا الافندي صح بدنك وشاكره للمديح

ابومشعل هههههههههههههههههههههاااااااااااااااي انا بايادي امينه

التيما2005 صح بدنك الروعه هي وجودك انت وليث

آخر المشاركات

الموضوع: خطاي اني تعلمـــت الوفا في ساعـة النكران

أدوات الموضوع

تقييم هذا الموضوع

عرض

خطاي اني تعلمـــت الوفا في ساعـة النكران

مواقع النشر (المفضلة)

مواقع النشر (المفضلة)

ضوابط المشاركة