سوق العلاوي: هل هو لقاء البائعين والنساء ؟!!

[رفحاوي]

.


من عادتي الله يحفظن ويرعانن اني اشتري اغراضنا من الرياض لسبب بسيط وبسيط جدا وهو الرخص ...

ولكن اذا جينا من رفحاء لابد من شراء بعض النواقص التافهة بالنسبة لي والمهمة جدا لدى السلطات العليا حفظها الله ورعاها وسدد على طريق الخير خطاها ...

بعد اخذ وجذب غير طويلين وتحت طائلة الطاعة العمياء البكماء ... رضخت لاوامرها حفظها الله وضربت صدري ضربا غير مبرح وقلت هيا نذهب الى السوق ...

وعندما ذهبنا الى المدعو/ سوق العلاوي وياليتنا ما ذهبنا ... وجدنا الباعة باشكال غريبة عجيبة والكل ينظر بجواله العادي ... شعور طويلة ... لبس الجنز بطريق مغري للنساء ... اشكال مريبة (اهل غزل) ...

حمدت ربي كثيرا بانني لم انزل عند اول وهلة حتى اطمانيت على المكان ... نزلنا وانا اتلفت يمنة ويسرة واماما وخلفا كأني انتظر صاروخا سكودا يأتيني بين الفينة والاخرى ...

مريت على معظم المحلات ولم ادخل معظمها لان اشكال الباعة (المغزلجية) لم تعجبني حتى اطمأنت نفسي الى احد الهنود وابتعت منه على عجل وسحبت المدام وهربنا خارجين من السوق الشبهة ...

لاحظت :

1. بعض الشباب رايحين جايين مع اني شفت دورية مرت !!

2. اغلب النساء لا احد برفقتهن !!

2. بأن بعض الرجال يتركون نساؤهم ينزلن بالسوق لوحدهن ويتكلمن معهم ... فما تتوقعون ان يكون عندما يرى البائع عيونا كحيلة امامه لا تحتاج الا لكمتين وموعد ولقاء بسبب دياثة زوجها ...


زامت كبدي من هالديوثين ...

[الدب الداشر]

صديقي اللدود فرحااوي سبقتني إلى هذه الأرض ولكن بحبي لك وبما أن كبدك زامت

سأهديك ما يسااعدك على القي ..



كح كح

[بديع الزمان]

رفحاوي انا معك والله !!!!! لكن هذه الكلمه صعبه شوى (زامت كبدي من ((هالديوثين ...)) اللهم احفظنا وجميع المسلمين

[ليث]

كان رايح للسوق العام عند لعراقيين...


رفحاوي انت رحت قبل الراتب او بعده

[سليمان شعيب]

[align=center]



للاسفـ

أخوي
رفــحـــاوي

ماشفت شـيء أبــد

أبويمن مصيدر على المنطقـه
وماكل الجو

والله رأيت مصيبه امام عيني مع أحد الباعه اليمنيه

:

لاحول ولاقوة الا بالله

نسأل الله الهدايه لبعض النسوة

:

باركـ الله فيكـ أخي رفحاوي

:

أحترامي لكـ
.[/align]

[الصقر]

اخي رفحااااااااااوي
اهم شئ ان هالامر ( ما يغير شئ من عشقك لرفحاء )

[العنا]

مشكور أخوي رفحاوي على التنبيه
بس بسألك سؤال انت تقول جيت من الرياض وشفت اشد من كذا لا وبطريقه مزريه بعد فمادري الرياض بعينك حلال وهنا لا حرام
وثانياً المره المتستره والمحترمه نفسه لا ابويمن ولا ابن امه يتكلم عليها يعني العله هي النفس صدقني لو انسان داشر وحبسته بين اربع جدران ماراح تغير طبعه والشريف لو تجمعه مع سلق يبقى شريف
وثالث شي الانسان اذا ماوثق بنفسه وماوثق بأهله فهذي مشكلته واخيراً المحترم من ذكر او انثى يبقى محترم الا اذا هو قلل من قيمة نفسه وعرضها لعدم الاحترام من الناس لانه مافيه قوه بالارض تقلل من احترام شخص محترم نفسه
واتمنى ماتزعل من اخوك العنا

[العزام]

الله لا يبلانـــــــــــــــــــــــــــــــا

وفعلا الوضع متجه لمنحدر مريع يعني ((يخرع))

مشكور ولا هنت رفحاوي

[رفحاوي]

عمدتنا الغالي

الرجال اللي يخلي مرته تنزل وهو بالسيارة وش نسميه ؟!!

عاد اللي تروح مرته وهو بالبيت اتوقع متفقين على دياثته ...


ليث

طبعا بعد الراتب ... قالوا لك الؤدب اروح للسوق بعد نهاية التداول (ما شاء الله)

العراقيين بالسوق وزحمة وتوقعت ابو علاوي ازين لو ان به غلاء ...


سليمان

ابو يمن يا صار مسوي له شعيرات من ورى يقرصن قلبي ...


الصقر

رفحاء مهي مكة الله يشرفه ...

اذا خربت وفسدت ابدل الدار بله دار وسلامتك ...


العنا

اسواق الرياض الفاصخة ما اجيه ...

لكن صراحة بالرياض ما شفت زي هالاشكال والمصبنة (بالنسبة للبايعين)..

هالحريم مبرقعات والعيون كحيلة (يعني ينذخن) وينهن ووين الستر ؟!!

المتسترة ما تروح للسوق لحاله لو تقطع تقطيع ... وبنت الحلال تدور اي فرصة تروح لابوان يمن ...

الثقة اهم شي والرجال اذا ما وثق بمرته وش يبي به ؟!

لكن مهو معنى اني واثق بمرتي اخليه تروح لحاله وتلبس على كيفه وتلبس برقع او نقاب ...

الرجال يثق بمرته لكن يحط عينه من وراه ...

ما زعلت ... بالعكس خليتن اوضح بعض الامور ...


العزام

الله يكفينا الشر بس لازم ننتبه ونعالج هالمشكلة ...


مشكورين عالمرور والتشريف ...

[واحد ^ مؤدب]

اجل وش تقول يا رفحااوي لو تروح للغدير حق اهل الشرقيه قصدي (( مجمع الراشد )) الله لا يبلانااا ...

اتفق معك احيانا" رغم اختلاف الغالبية معك ...

[القنـــــاص]

والله اني من عرفت العلاوي ضاعت اهل رفحاء
وشكرا على الموضوع الجميل

[بنت أبوها]

مساكم الله بالنور والسرور...

بنت أبوها تعود بعد غياب طويل...[رفحاوي ادري انك تقول بقلبك لا هلا ولا مسهلا].


فعلا صدق من قال الشر يعم والخير يخص.....

أولا يا اخوي رفحاوي قال تعالى :( وقل للمؤمنين يغضوا من أبصارهم ..)
ظهر لي انك ماخليت وحده الا وقزيتها قز...
لا والله امزح معك ادري ان المره اللي متزبرقه العين تفاجأ بوقع المصيبه فتناظر لتستغفر وتحتقر صاحبتها فقط..
هذا اولا .
ثانيا كون انك شفت كم وحده ماتحلت بالستر هذا مايعني ان كل الحريم كانوا بهذا الشكل اللي لا انت ولا انا ارضاه...
انا اذا رحت السوق ومرت من عندي وحده مثل هالشكل قدامها وبكل قوه اقول استغفر الله وانا اناظرها..
والبلى يارفحاوي موب بالسوق البلا من الحريم اللي مالهن والي ولا رقيب ولا حسيب.
وفعلا مثل ماقال اخوي العنا المحترمه تفرض احترامها والمهزأه تفتح العيون عليها..

وبعدين تعال هنا اخوي رفحاوي..
اذا انت ماشاء الله تبارك الرحمن بالك طويل على مرتك ماشاء الله الله لايضرك وفشتك كبيره لاقوة الا بالله هذا مايعني ان كل الرجال كذا..
فيه رجال العفو والعافيه يبدا وجهه يعطي الوان اذا راح السوق مع اهله لا ويصارخ بعد والله اني باذوني اسمعهم..يالله اخلصي يالله اعجلي..افففففففففففف ياربي ..
وافرض ان ابو العيال مشغول والمره عندها شويه..لاحظ شوية طلبات للعيد مثلا للعزايم والمناسبات والأفراح مثلا ..والله الرجال خلقهم ضيق مايحبون التسوق الله يهديهم..

واسمحلي اخوي رفحاوي اقولك غلط كبيييييييييير انك تصف االرجال اللي ماينزلون من السياره بهالوصف الشين معناته انك ظلمت نص اللي بالمنتدى.
والثقه اولا واخرا وقبل كل شي..واكيد انك مابتترك مرتك تروح بحالها الا انت واثق منها ومن حشمتها واحترامها..صح والا .


رفحاوي اخوي لي عوده الرجال يبينا نزور خالته..
على فكره انا اطلع السوق احيانا مع زوجي واحيانا بدونه ماعنده مشكله وطبعا هذا لوثوقه بي ولوثوقي وقبل كل شي بنفسي والحمد لله..

لي عوده.
اودعتكم الله.

[الافندى]

الله لا يبلانـــــــــــــــــــــــــــــــا

وفعلا الوضع متجه لمنحدر مريع يعني ((يخرع))

مشكور ولا هنت رفحاوي

اتفق معك العزام ... وشكر لك رفحاوي

[العنا]

مشكور اخوي رفحاوي على سعة صدرك
بس اللي حبيت اوضحه ان الرجال اذا عرف مرته وعرف ممشاه وثق به واهم شي انه واثق من نفسه ولاهو راعي حركات مغازله صدقني والله لو تروح اخر العالم لحاله ماينخاف عليه واللي تبي المغازل من رجال ومن مره فيه جوال وفيه تلفون بيت وللمره الثانيه أقول مافيه قوه تقلل من احترام احد محترم نفسه
لان مثل ماقلت دامها محترمه فهذا لنفسها وياما من مره تسوى ثمانين رجال بخلاقه
وللمعلوميه اسواق الرياض اشد واشد من هنا لدرجة مافيها هيئه عكس هنا
حتى بعد يغازلون المره وهي معاها رجالها لا وبالوتوث يتبادلون الارقام
اما بنسبه للي ماينزل مع زوجته يمكن عنده ظروف خلته ماينزل بس مو ينلقب بالقب اللي انت قلته مع احترامي لوجهة نظرك

[الدب الداشر]

[align=center]

واسمحلي اخوي رفحاوي اقولك غلط كبيييييييييير انك تصف االرجال اللي ماينزلون من السياره بهالوصف الشين معناته انك ظلمت نص اللي بالمنتدى.
والثقه اولا واخرا وقبل كل شي..واكيد انك مابتترك مرتك تروح بحالها الا انت واثق منها ومن حشمتها واحترامها..صح والا .

فقط .. للحجيه بنت أبوهاا لسوء حظك أني كنت قبل حوالي الساعه مع أحد أصحاب المحلاات .. و عند محاولتي جمع البيانات عن الأخطاااء في السوق وجدت أشياء تحرق الكبد .. فلم أستطع أن أتمالك نفسي وقلت له كيف تفعل ذلك .. قال لي بكل برود (( من قال للرخوم ذولا ينزلون حريمهم ويتركونهن )) .. ولا تنسي بأن الكلااام المعسول شبااك غير مرئية وتصطاد بسهوله كل من (( فقد شي يبحث عنه !؟ .. ))
ليس للشاة أمان بين الذئاااب .. علامات إستفهام حتى الـ 10000 حرف المسموح بهاا
[/align]