السحابه

[نزيه]

[poem=font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
يالله عسى نوىٍ نشا تالي الليل=يصب في رفحاء صدوق المخايل
يروي ديار الطيبين المداهيل=اهل الوفاء والطيب واهل الجمايل
يا زين شوفتهم وشوف المعاميل=ببيوت طلقين الوجيه الحمايل
وتمشي بروقه يم عرعر مخاييل=عله على ديرة هل العز سايل
ربعٍ نشاما بالملاقى حلا حيل=صغيرهم ذكره مع الناس طايل
تلقى سوالفهم مع الجدي وسهيل=يا ما اعتلومن فوق قب الاصايل
فكاكة القالات ركابة الخيل=جعل المطر يضفي عليهم جزايل
يروي يباس القاع يومين ويشيل=ويذكرنا لنا مزنه نزل وسط حايل
فوق الجبال النايفات التما ثيل= من طيب اهلها ما تبي له دلا يل
اهل الصحون اللي بها سمن الحيل=لهم براس المجد صيت ومثايل
سحابةٍ تسقي ديار المشاكيل=من وين ماراحت مطرها همايل[/poem]

ملاحظه.ان شاء الله الخير يعم المملكه كلها اخاف بكره يطلع واحد يقول ليه ماذكر ديرتنا نتمنى الخير للجميع