*·.¸(·.¸سورسار حوبينا¸.·)¸.·* -موضوع من ايد كريزي-

**كريزي بنت** · 22 Aug 2005, 07:52 PM

[align=center]

اليوم : الاربعاء
المكان : غرفتي المصون
الساعه: 1:50 صباحاً

كالعاده مافيه احد صاحي بالبيت غيري عشان كذا مسميني اهلي (خفاشة البيت)..

بهذا الوقت متعوده اني اقعد على الكمبيوتر اتصفح المحفوظات اشغل الالعاب او اي شي ثاني ..

المهم وانا جالسه كنت مره متحمسه مع اللعبه وكل عضله بجسمي منشده وعيوني طايره بالكمبيوتر الا واشوف شيء اسود قد مساحة روكو ام ريال يمشي على الجدار اللي ورا الشاشه على طول ..

طبعاً انا مااهتميت قلت يمكن عيوني بدت تقلب مع اللعبه وانوار الغرفه الخافته تخليني اتخيل اشياء..

المهم كل شوي وهالشيء يطلع فوق ويوقف وبعدها يطلع ويوقف فجأه حط رجله وصاروخ على فوق.. رجعت بالكرسي الا وش اشوف يااااي " سورسار " وبغرفتي من وين جاء ذا....؟؟

كنت متلحفه بجلال الصلاة عشان سحبت الجلال علي وكنت ارجف واقرا المعوذات واسمي <<< على بالي جني ولا شيء...
المهم السورسار الطيب طلع فوق ويوم وصل للسقف ديور وعطاني وجهه

<<< يلعن ام الجمال ياشيخة هذي الشنبات اللي توقف عليها التيوس زي مايقولون..مو شنبات التماسيح اللي معنا بالمنتدى

المهم كنت احس انه يطالعني بحقد ماادري ليش...

<< هو انا عملتلك ايه

وانا كنت متسمره على الكرسي ولازال لساني يلهج بالدعاء"يارب يبعد يارب يصير موب سرسور يارب اقدر اوقف يارب يارب"
فجأه......
1

2

3

طار الصرصور علي تخيلوا ... انت جالس وتطالع بصرصور فوقك فجأه يجيك طاير
"موقف اتمنى مايحصل لاي احد غير الدب ولاتشوفون اللي شفته"

المهم في ثواني وقفت على الكرسي ورميت جلال الصلاة عليه ونقزت من الكرسي على سرير اختي اللي كان وراي ....

طبعاً اختي صرخت " وشو ذا ياربيه ... وجع وش بتس"

انا كنت ارجف وااشر على الجلال اللي على الكرسي واقول ..سر ..سر ...سرسوو.....سرسوووور ...

جيتك ياعبد الموعين تعيني لقيتك ياعبد الموعين تنعان...

صرخت اختي وتغطت ببطنيتها وهي تقول طلعيه طلعيه برا

<<< وهو انا اللي قبته يختي.." وشلون اطلعه"

نقزت من سريرها على سريري مابي المس الارض وكنت واقفه وانفض اهدومي وفكيت الشباصه ونفشت شعري ... كان عندي احساس انه متعلق فيني..

قالت اختي وهي تحت البطانيه " هاه طلعتيه"
ويوم طالعت فيها تخيلوا.................

السورسار كان يمشي على بطانيتها ومتوجه الى راسها......

يمااااااااااااااااااااااه

صرخت صرخه مدويه سمعت في ارجاء المنزل ..

اختي" وشبتس "

انا.. السرسور على بطانيتك .. وهو الحين يحاول يدخل من فوق .. عند راستس

هي صرخت " وخريه وخريه...!!؟"

<< ايه هين افلقيني لو قربت لتس..

اختي بحركة محترفين وبشويش رفعت البطانيه وسحبتها لتحت ونقزت جنبي..

وش السواة..؟؟

انا وياها واقفات والصرصور المحترم يتمشى بالغرفه بكل ثقه...

اكيد لازم نتخذ قرار شجاع لانه لو تركنا كل شيء على ماهو عليه بنام واقفين لانه حتى الطلعه من الغرفه ماراح نقدر نطلع..؟؟

قفزت في بالي فكره جهنميه وولعت فوق راسي لمبه..

انا .. لقيتها..

اختي .. وشي

انا .. تبينا نطلع السرسور من الغرفه سويي اللي اقلك عليه...

اختي .. تمام يافندم..

نقزت من سريري على سريرها ويوم وصلت المكتبه فتحت الدرج وطلعت المجلة حقت اختي ورمتها عليها وانا اخذت لي مجله ..

وبدينا انا واختي نحاول نطلعه هي تحده من هنا وانا من هناك بس بجد سحب فينا هالسرسور وبالاخير سكرنا باب الغرفه وجبت لحاف اختي وحطيته تحت الباب عشان لو فكر يرجع مايقدر ..

وبكذا انتهت معاناتي مع السورسار ...

وانشالله ماتعانون من زيها ...

لانها بجد تجربه مرعبه ومقرفه لابعد حد...

من ذاك اليوم وانا فيني عقدة من اي شنب عشان كذا انا ضد التماسيح

تحياتي للجميع وخاصة التمساح الدب

كركركركركركركركركركر

7
7
7
7
7
7
7

[/align]

**الدب الداشر** · 22 Aug 2005, 07:59 PM

وربي ضحكت عليتس وعلى خبالتس

وهو انا اللي قبته يختي.." وشلون اطلعه"
^
^
يا ذكاء انتي واختك

سباايك .. مآقوول غير الله يعين اختس عليتس صزززززززززززززز

مافيتس طب

والله احس ان امتس تشوووفتس وتقووول هذي ذنب

هع هع هع

الله يرجتس حجية كريزي واللله اسم على مسمىىىىىىىىىىىى

إيضااح:

سورسار= صرصووور

بس تسوي حالهاا مدلعه الخبله ام شوووشه

**شامي الدهيمان** · 22 Aug 2005, 09:46 PM

الحمدلله سرسووووووووووووووور

وشلون لوطالع لك ابو العريص شتسوي

بس قصه ممتازه

تحياتي

**الدب الداشر** · 22 Aug 2005, 10:09 PM

السللهوووووووووومي يرحم الله .. بااين من أسمه خكري سرسار لو يجيني آكله

سرسار <<== حق أكل ما يصلح يخررررع ..

إذا ما جاك أبوجعل ودربوته قداامه لا تخاافين

هع هع هع

**الميزان** · 23 Aug 2005, 12:31 AM

((الحزب اللوجستي))
القشة التي قصمك ظهر البعير

**ليث** · 23 Aug 2005, 01:13 AM

احس ان السورسار

هادا

لابس نظااااااره سودا وحاط قلم بذنهههههههههههههههههههههههههه

**الدمار الشامل** · 23 Aug 2005, 01:29 AM

ياناس..
ياعالم..
ياهووووووووووووووووووه..
قدروا ذيك الشنبات..
اسمه صر..صووووووووووووووووووررررررررررررررررر..
مو..[سورساااااااااار],,,,,,,,,,,,!!

وش دعوى كريزي بنت(هذا اسم محل ملابس!!)..
شايفه الصرصور لابس قبوع وردي وعلى خده شامه..ولابس بنطلون!!!؟؟؟

صرصور ياماما مو سورساااااااااااااااااار!!!!!!!!!!!!!!!
ok??????????????????

**جرواني** · 23 Aug 2005, 01:37 AM

[align=center]اجل لو طلعلك ليث وشواربه وش تسويييييييييين
هههههههههههههههههههههههههههههههههه
قصه ماقسه من قلب
<<<<خبيث يدري انها ماتعرف كلمه ماقس[/align]

**ابو مشعل** · 23 Aug 2005, 02:07 AM

هالقذر ما لقى الى الدلوعة كريزي وينط عليها ؟؟؟؟
الله يخلف على اهلتس ،
أول كنت اتوقع انك خوش حرمة بس اتضحلي ان ما فيك ولا فيوز صالح كلها قااااااااااااااااااااااصة ، وياليت تفطنين لعبد المعنم غديه يصلحهن .

بس ولو زعييييييييييييييييييييييييييمة

**احمد** · 23 Aug 2005, 03:25 AM

الله يالدنيا .. وش هالدلع .. اخبرك زمان اول توطين الصرصار برجولك وانتي حافية وما يهنالك بال الا اذا سمعتي صوت الطعّة ههههههههه الحين ياي وياربيه ومدري ايش ...

وش حليله الصرصار محد فاهمه غير الدب الداشر ... الناس تاكل جراد وهو غلط بالرقم الأخير واكل صرصار ههههههه ... يقول كلها تقرمش .. وجهة نظر قوية ونحترمها ههههههه

اويلاه لو نفتح بياره ( الله يعزكم ) ونرش فليت فيها .. رشة وحدة بس بيطلع لكم صراصير اكثر من سكان الصين والله انك ما تبلش الا بفمك حاط يدك عليه تخاف يدخل فيه شيء.. تخيلوا هالدلوعة تعيش هالموقف الخرافي ... اضن بيصيبها انهيار عصبي مع انفصام شخصية وتخلف عقلي هههههههههه

**جرواني** · 23 Aug 2005, 03:54 AM

[align=center]ياخوي احمد وينك من صرت مشرف ما تعطينا وجه
الله يالدنيا

مادامنا دخلنا بموضوع الخبله خلنا ننسم بهاااا شوي هي وش تقول: ايه تذكرت

المشاركة الأصلية كتبت بواسطة كريزي بنت

كالعاده مافيه احد صاحي بالبيت غيري عشان كذا مسميني اهلي (خفاشة البيت)..

حيل الله قوي, اصلن ما تقدرين تنامين تدرين ليش؟؟
لأنك ياهبلا بجحر والجحر مابه أثاث خخخخخخخخخخخ
ابي اسألك كذا يدلعونك هههههههه اجل اختك وش يدلعونها قمله البيت اكفشششششششش ههههههههه

المشاركة الأصلية كتبت بواسطة كريزي بنت

المهم كنت احس انه يطالعني بحقد ماادري ليش...

الأخ معجب بالكفشه والشوشه (وبعدين اعجب بها يوم صارت صلعاء)

ملاحظه/ كريزي بنت انتي سويتي نقله كبيره بمنتدى التسليه والله لا يجيب الزعل[/align]

**احمد** · 23 Aug 2005, 07:00 AM

هلا جرواني ... حبيبي والله ... لا تخليني الحين انتخبك لمجلس الشورى هههههههه

**جرواني** · 23 Aug 2005, 04:09 PM

[align=center]اصلا انا ما أقدر أنتخب علشان ينتخبوني
وزين انك عطيتنا وجه[/align]

**كريزي بنت** · 24 Aug 2005, 12:36 AM

[align=center]

المشاركة الأصلية كتبت بواسطة الدب الداشر

وربي ضحكت عليتس وعلى خبالتس

وهو انا اللي قبته يختي.." وشلون اطلعه"
^
^
يا ذكاء انتي واختك

سباايك .. مآقوول غير الله يعين اختس عليتس صزززززززززززززز

مافيتس طب

والله احس ان امتس تشوووفتس وتقووول هذي ذنب

هع هع هع

الله يرجتس حجية كريزي واللله اسم على مسمىىىىىىىىىىىى

إيضااح:

سورسار= صرصووور

بس تسوي حالهاا مدلعه الخبله ام شوووشه

ما ادري الدب انت تعرف فصايل الخنفوسات

<<<<< مدلعة بالقوة بالطيب مدلعة

كركركركركركركركركركر

7
7
7
7
7[/align]

**كريزي بنت** · 24 Aug 2005, 12:37 AM

[align=center]

المشاركة الأصلية كتبت بواسطة السلهومي

الحمدلله سرسووووووووووووووور

وشلون لوطالع لك ابو العريص شتسوي

بس قصه ممتازه

تحياتي

هذا انت قدامي ولانيب خايفة

كركركركركركركركركركركر

7
7
7
7
7[/align]

آخر المشاركات

الموضوع: ·.¸(·.¸سورسار حوبينا¸.·)¸.· -موضوع من ايد كريزي-

أدوات الموضوع

تقييم هذا الموضوع

عرض