جا يشوف الحال كيفه بعد ماهزّه حنينه ؟؟

[الوحــــش]

جا يشوف الحال كيفه بعد ماهزّه حنينه
وقبل يسألني سألته : كيف حالك يالحبيب
قال انا كني غريب ٍ ضيّع دروب المدينه
قلت انا كني مدينه تنتظر رجعة غريب
قال اجل وشفيك تلعن سيرة الحب وسنينه
قلت اجل وشلون ماالعن سيرته دامك تغيب
انت لامن غبت حتى مرايتك صارت حزينه
كيف ماتبغاني احزن وانت لي مثل النصيب
الهدايا والرسايل والمكاتيب الثمينه
والليالي والقمر والريح والكون الرحيب
كل ماتبعد .. تجيب الشعر ليّه من يدينه
وتقعد جروحي تودي فـ الطواريق وتجيب
يابعد كل القصيد ونزوة احْداه وانينه
لاذكرتك .. لاح بيت , وطاح ورد , وفاح طيب
وان نسيتك مانساني صوتك المبحوح لينه
ياخذ لجرحي بـ ثاره من خطاياك ويطيب
وبعد هذا جاي ترمي ذنبك بوجه المدينه
مادريت ان المدينه كلها شمعة غريب

[الحلوه أم قصه]

قال اجل وشفيك تلعن سيرة الحب وسنينه
قلت اجل وشلون ماالعن سيرته دامك تغيب
انت لامن غبت حتى مرايتك صارت حزينه
كيف ماتبغاني احزن وانت لي مثل النصيب

مشكور أخوي الوحش كلمات رائعه الله يعطيك ألف عافيه

[سعووود]

قال انا كني غريب ٍ ضيّع دروب المدينه
قلت انا كني مدينه تنتظر رجعة غريب


يعطيك العافيه.......

[الدب الداشر]

الله واكبر فعلا" معجزت العرب باللغه والتلاعب بالألفاظ والمعاني

يعطيك العافيه اخوي وحش

[المرجوجه]

انت لامن غبت حتى مرايتك صارت حزينه
كيف ماتبغاني احزن وانت لي مثل النصيب

يعطيك الف عافيه اخوي الوحش.......

[الفارس]

يالوحش؟؟؟

يعطيك الف عافية اختيار فعلا رائع


بس منهو الشاعر؟ سليمان المانع؟

[هرطمان]

الله وأكبر عليك يالوحش

عاشت الوحوش
والله قصيده حلوووووووووووه

[القعـقاع]

قال انا كني غريب ٍ ضيّع دروب المدينه
0000000قلت انا كني مدينه تنتظر رجعة غريب

صح إن الأخت أم قصصصصه والأخ سعووود

كتبوه قبلي لكن صراحه أنا معجب في هذا البيت

والله يعطيك العافيه اخوووي الوحش موضوع

جميل من شخص اجمل..مشكوووووووووووور,,