مصارحة بين عجوز وزوجها ..!!

[*العنا*]

[align=center]][`~*¤!||!¤*~`][بسم الله الرحمن الرحيم ][`~*¤!||!¤*~`][

السلام عليكم ورحمة الله وبركاته ..،


هذي القصيدة جبتها هنا وبقولكم سالفتها ..

هذا في شايب يصارح زوجته العجوز بأنه يبي يتزوج عليها ولكن
المفاجأة كان في رد العجوووز ..

شوووف شنووو كان ردها ...


يالله نشوف


[frame="4 80"][grade="B22222 8B0000 B22222 8B0000 B22222"]الشــــــايب

قلبي شباب ولزوم اني اعرس ,,, ما ابي العجوز الي تتوسد الباب

الخير واجد وانا ماني مفــلس ,,, عندي فلوس تدعم البنك في الحساب


العــــجوز

ما باقي غير خشمك وهالضرس ,,, تبغي تعرس وانت وجهك شبه الغراب

قابل صلاتك الله يشفيك من المس ,,, او ترى بطب وجهك بهـــالتراب


الشــــايب

إنتي عجوز وأكلك الروب والخس ,,, اما اني ما باكل غير تكه و كباب

ما فيني سكر غير ضغطي نازل بس ,,, دام الهوى فيني ترى كل شي طاب


العجـــوز

لا بارك الله فيك يا الشيبه يا النحس ,,, ما تنفع معاك الرمسه ولا كلام العتاب

قصر لي صوتك ما ابي اسمع ولا حس ,,, عطني طلاقي وانقلع واقبض الباب


الشــــايب

دومك نحيسه وذا لسانك يبي قص ,,, ربي ترى حلل لي اربع بالكتاب

هادا خميس الاعمى جارنا كام وحده اعرس ,,, مرتاح في الدنيا بلى هم واعصاب


العجـــــوز

بطران وراسك كالصخر يابس وعص ,,, مالوم طبعك يوم ربعك هالكلاب

صاير زي الاريل ودومك اتحيس ,,, استح على وجهك أصلع ولعاب


الشــــايب

فكيني من وجهك ترى مالي أي نفس ,,, زهقان من شوفتك وابغي لي أحباب

وهاذا طلاقك و طالقة بالاربع والخمس ,,, شيلي طلاقك من ضميري بلا احساب


العجـــــوز

مشكور يالشيبه ومن دون أي دس ,,, عندي حبيب ما ابتعد لحظه وغاب

يشريك ويبيعك تراه ابثمن بخس ,,, ما تسوى ظفره وهو حلو اسمر وجذاب


الشــــايب

يالله قبل لا موت منك واقتص ,,, طلعتي لي قرن وراسي بعد شاب

يا شينه البرقع ترى قدرك اختس ,,, عجوز ولك في الدنيا خلان واحباب


العجــــــوز

تره مثلك وهذا لك في العمر درس ,,, لاني أميز بين شيبه وشباب

او نسيت اني على الموضه ألبس ,,, ما علموك اني بلا شيله وحجاب[/grade][/frame]

أتحدى اللي ما يضحك اذا قراها ..؟[/align]

[النظام]

هههههههههههههههههههههههههه

ليه تكتبين الموضوع مرتين؟؟

[*العنا*]

[align=center]النظام ،،،

دوم الضحكة يا رب ..

وهذا ما دريت عنه ولاقيته نزل منه نسختين ..

ممكن صار بالغلط وارسلته مرتين ..[/align]

[النظام]

سامحتس بس لا تعودينها

[الدب الداشر]

ما يمنع اني اشكرك مره ثاانيه حجي العناا الرااايعه المبدعه

[*العنا*]

[align=center]النظام ..

يسلمووو ما تقصر ..

الدب الداشر ..

العفووو من ذوقك والله ..[/align]

[ابو مشعل]

هههههههههههه
مشكورة حبوبتنا العنا والله يعطيك العافية

[فهد]

أتحدى اللي ما يضحك اذا قراها ..؟

فعلا صحيح...

هههههههههههههههههههههههههههههههههههههههههههههههههه ههههـ

سلمت يداك..

[*العنا*]

[align=center]ابو مشعل ...

دوم الضحكة يا رب ..

وحلووة حبوبتنا عجبتني وايد

ويعافيك ربي ..

فهد ..
تمام وافقتني في الرأي ..
دوم الضحكة يا رب ..
وسلم غاليك ومغليك ..[/align]