الشريف جري الجنوبي

[ابو مشعل]

من أروع وأرقى قصائد الغزل هذه القصيدة




للشريف جري الجنوبي رحمه الله



وقد احتوت من الحكم الشيء الكثير

واستشهد كبار الشعراء بها وبأبياتها

مثل قول مرشد البذال في رده على محمد السديري


مثل ماتفضل فيه جري الجنوبي
عظام الندا تندا ولو كان حايلـه

القصيدة طويلة بعض الشئ ولكن قمة الروعة

( الظاهر انه من اجداد الاخ جرواني )



[poem=font="Arial,5,white,bold,normal" bkcolor="transparent" bkimage="backgrounds/3.gif" border="none,4,gray" type=0 line=0 align=center use=ex num="1,white"]
يقـول جـريٍ فـي ذرا رأس مرقـب =طويـل الـذرا للريـح فيـه زلـيـل

طويل الـذرا تهفـى الحواويـم دونـه =وللحـر الأشقـر فــي ذراه مقـيـل

لاتشرف المرقاب يلعـب بـك الهـوى=يذكـرك المـرقـاب كــل خلـيـل

يذكـرك خـلٍّ حـال إبانـات دونــه =بـواد الرشـا يـا مرتجـيـه هبـيـل

خليليـن خـلان الزمـان إن تفـرقـوا =ياحسرتـي وإن صـرت بـلا خليـل

أنا جيـت مـن نجـد ولا يعرفوننـي= مـع غزيـو بـدوٍ جيـت لهـم دليـل

على فاطـرٍ هباعـة السيـر والسـرا=تاطـا ولاياطـا علـى القـاع خفـهـا

تاطـا ولاياطـا علـى القـاع خفـهـا=كمـا غصـن مـوزٍ بالنسيـم يمـيـل


ليـت العـذارى كالحبـاري بروضـه =وأنـا طيـر شـامٍ والـهـداد قلـيـل

أصيـد أم صوميـن وأصيـد أم ثالـث= وأصيـد مـن ترمـي لهـا بخلـيـل

سـقـى الله وادٍ للحـجـاز امقـبِّـل= أبـو سلـمٍ ورق الغصـون ضلـيـل

تـرا بأسفلـه سـدرٍ وعالـي فروعـه =وسيلـه يفيـض فـي قـرا ونخـيـل

وتـرا بأوسطـه جـبـارة اسلمـيـه =ملعـب لغضـات الصـبـا ومقـيـل

تلقـا بنـات البـدو يلعبـن حولـهـا =ويهـزعـن أغصـانـهـا وتـمـيـل

وتلقـا بهـا راعـي الذوابـه جالـس= أحـم الاشافـي فـي وجانـه نـيـل

أحـم الأشافـي أدعـج العيـن ليتنـي =ألاقيـه وأنـا بــي علـيـه غلـيـل

ياراعـي الخـد الـذي فيـه أمــاره =ثـلاث لعـوس ونقشـهـن جمـيـل

ثلاث لعوسٍ مـع ثـلاث مـع أربـع= عـشـرٍ ولايـغـوا بـهـن دلـيــل

ودي تجريـنـي علـيـك بكـلـمـه= خيـر المعـانـي للـرجـال دلـيـل

قليلٍ مـن الحـب الـذي كـان بيننـا =غلـيـل ولايبـريـه كــل خلـيـل

أريتك إلى ماجيت مـوزٍ بـي الضمـا =ومعلـقٍ بـيـن اشفتـيـك صمـيـل

ألاقيـك وآخـذ مـن ثنايـاك مــزه =علـي بـهـا رب العـبـاد وكـيـل

وأنشدك إلى ماجيـت طـلاب حاجـه= وتهـت وقلـطـت النشـيـد دلـيـل

أنا أجيك؟ أو ما أجيك؟أو وش تقول لي؟= أو إنـك علـى ماقـد نويـت بخيـل؟

تاعـد ولا تافـي ؛ ولا تقطـع الرجـا= ولافـي يـدي ممـا تقـول ضـويـل

ولاينفـع المحتـاج إلـى قيـل باكـر= يجـي ولايلقـى بالأيديـن حصـيـل

ويالايمـي بالحـب تبـلـى بمثلـهـا =عسـاك فـي طـرق السفـاه تعـيـل

تلقـا غـزالٍ مثـل مـاإنـي لقيتـهـا= تصبـح وتمسـي فـي هـواه علـيـل

يلومـنـي بالـحـب ثــورٍ مقـلـد= لكنـه مـن بيـن الجمـاعـة فـيـل

يلومنـي فـي حـب مسلوبـة الحشـا= عسـاه فـي طـول الزمـان خبـيـل

وترى ردي الـراي تعمـى بصيرتـه =وتيهـات الأريــا مالـهـن دلـيـل

إلـى عـاد مـا للرجـل رأي يـدلـه= يأخـذ مـن اشـوار الرجـال دلـيـل

ردت تجاوبني مـن الهجـن عرمـس= لهـا بيـن ملتـج الضلـوع عـويـل

تحـن اليهوديـات مـن ولـف ساعـه =تحـن واحسـب إن البعـيـر هبـيـل

وتـرا هبيـل القلـب مـن لايهـمـه =فـراق الاخلـه والـزمـان طـويـل

تبصـرت وأنـا فـي هواهـم معانـي= وشفت النيـا فـي شـف كـل خليـل

كـم ساعـة مابـه هبـوب وسـاعـه= هبوبـه لمبـنـي الــرواق يشـيـل

صن النفس واصدفها عـن المكرهيـه= لعـلـك تــازي بالعـيـون جلـيـل

وإلى فات شيٍ فـارض بالعـز دونـه= تـرا العـوض فيمـا ينـوب قلـيـل

وتـرا روضـة الجثيـاث مـرٍ نباتهـا= مـرٍ ولـو هـي كـل يـوم تسـيـل

وعرق النـدا ينـدا ولـو كـان بالـي= ينـدا ولـو هـو بالمـراح امحـيـل

فـإن كـان ماتعطـي والايـام عدلـه= فـالأيـام لابــد عدلـهـن يـمـيـل

وإن كان ميزانك علـى النـاس مايـل=صيـور ميـزانـك علـيـك يمـيـل

وإن كـان مانفـع الفتـى فـي حياتـه= ترا النفـع مـن بعـد الممـات قليـل

ألا مـا أكثـر الخـلان يـوم نعدهـم =كثيـر وعـنـد الموجـبـات قلـيـل

وإلى صرت فـي دارٍ مقـل ومبغـض =قليـل المـواشـي والمـقـل ذلـيـل

تنـزح عنهـا بالرحيـل وقـل لـهـا =مـذكــورةٍ يـادارنــا بجـمـيـل

قعـودك فـي دار الهـوان مجـامـل= كمـا باقـرٍ يثغـي لجـلـد حسـيـل

العوشـزة ماياقـع الـحـر فوقـهـا =ولابـه لسمحيـن الوجـيـه مقـيـل

وصلـوا علـى سيـد البرايـا محمـد =ماهـل وبـلٍ فـي حقـوف السـيـل [/poem]

وسلامتكم

[سهرانه]

[align=center]
سلمت يداك ابو مشعل
اختياراتك مووووفقه دائما

[/align]

[نادر]

يعطيك العافية أبو مشعل


فعلا قصيدة قمة في الروعة


اختيار يدل على حسن ذوقك ..

[ابو مشعل]

العفو اختي سهرانة وشرفني مرورك

[ابو مشعل]

العفو اختي سهرانة وشرفني مرورك

اخي النادر زاد الموضوع شرف مرورك الف شكر

[نزيه]

ابو مشعل اختيار جميل وموفق يعطيك العافيه

[الدب الداشر]

ونعم والله بالجميــع ..


كل الشكـــر لـك أبومشـــعل ..



أنــت رائــع ..


صح لســان الــشاعــر ..

[ليث]

تسلم ابومشعل................

[ابو مشعل]

شرفني مرورك اخي النزيه

ما عليك زود دبدوب

حياك الله الليث ويسلم غاليك

[جرواني]

[align=center]الله يرحمه ويسكنه الجنه
صح لسانك ابو مشعل
منين حصلتها ابي انسخها وأطبعها
والله روعه
ياليتني شاعر مثله علشان اقول قصيده بأعضاء المنتدى
مع العلم انها ما توفيهم حقهم
شكرا ابو مشعل
والله يرحمك ياجدي[/align]

[ابو مشعل]

صح بدنك جرواني والله يرحم جدك كان من اكثر الشعراء زهدا ونصحا والله يطول عمر ابو طليحان ذلك الشاعر الفحال

اما من اين جبته فمن سأل ما تاه

[teto81]

صح لسانك ابو مشعل ترى انها قصيده رااااااااااااااااائعه رائعه ونريد دوم تجيب لنا من تحفك ومشكور اخوي ابو مشعل

[ابو مشعل]

صح بدنك اخي teto81 و ابشر من عيوني

[البرنس]

صح لسانك ولسان الشاعر يابو مشعل




ابو مشعل أنت والاخوان تقهوو تراي شابن لكم اقلطو حياكم الله
في موضوع ( شبة المنتدى وسوالف القهوه )

[شامي الدهيمان]

تحياتي

أبو مشعل