[poem=font="Simplified Arabic,4,black,normal,normal" bkcolor="skyblue" bkimage="backgrounds/7.gif" border="ridge,4,darkblue" type=1 line=0 align=center use=sp num="0,black"]
خلي رحل من ديرة الجوف لطريف=والروح راحت من حشاي للطيفه
يا حيف يا وقتٍ به اليوم ياحيف=زعلان كلمني وقالت سخيفه
ممدوح انا بلشان واحترت بالكيف=مدري اطيع القلب وإلا نعيفه
ولو ان بنت الخال مرباع بالصيف=صعبٍ عليّ انساه والله كليفه
ممدوح انا عقلي غدا كنه الطيف=نصٍ شمال والنص الاخر رديفه
الغيم شرق وغيمٍ اليوم بطريف=مدري اشرق شرق وألا للطيفه
ممدوح قلي حل لو كان تزييف=والقلب يا ممدوح مثل الصحيفه
العشق مبطي ما حصل فيه تحريف=وعقاب تسمع له سوالف منيفه
وانا الذي اشكيك من غير توليف=وقلبي غدا للعشق مشتى ومصيفه
ابي مردك واحسب إني تقل ضيف=والا القصيد اليوم ما به طريفه

الشاعر . كساب شبرم الشمري[/poem]