حــــــ مـــ يـــد

[الوااايلي]

طاب اوقاتكم احبتي ..

الاهداء .. لكل من هم على شاكلة ( حميد ) ..

ثم لحميد شاوي العنزي



حميد انا دايم , يراودني احسـاس
.................................. إني إذا وصْـلَت غلاتك .. أناني


لو شفت حولي ناس ماحولي اوناس
................................... ربك خذا مني .. مثل ماعطاني


وش ونستي دام اقرب الناس جساس
............................... لو درت له .. متني لك الله رماني


عزاي في شرواك ياطيب الـساس
................................ مابي بلا .. لاجاب .. مثلك زماني

كل مالمحت الحقد بعيون الانجـاس
.......................... تطري لي عيونك .. واوكّد .. مكاني


دايم تجيني .. وقت ضيقات الانفاس
........................... مثل النسم .. صوتك يشـد المحاني


عرعر ورفحا والحفر .. وابن هباس
............................. لو مابهن ياكود صوتك .. كفاني


وشلون اجل مااغليك ياطير قرناس ..؟
............................ وانت الذي زعّلت .. ربعك عشاني


لو للغلا حجم ومساحه ومقياس
.......................... كم رقم احطم .. في غلاك تهقاني ؟؟


يعني وش اكثر من فديتك ( بمواس )
............................. ماهي كثيره .. بك جديد المعـاني


ابك انت لو ضايقك .. في قلبي الناس
.............................. ركبت لك من دونهم .. قلب ثاني

الــمــشــاعر/// لـ خــــــــــــــلــــــف الــــمـــــــشـــــعـــان

[نزيه]

يستاهل حميد وصح لسان الشاعر خلف المشعان والف شكر لك اخوي الوايلي على نقل هذه القصيده الرائعه

[ليث]

حميد........... من!!!!!!!!


هو اخو جمال؟؟


صح لسانك الوايلي

[الدب الداشر]

ونعمممممممممممممممممممممممم

والله



بالأثنين وبك يالوااايلي ..


سلممممممممممت لاعدمنااااااااااك

[نادر]

ياناس خلف المشعان ماله مثيل ...

أقسم بالله العظيم لاتربطني به صلة قرابه لامن بعيد ولا من قريب ولا‘رفه ولايعرفني ولم يسبق لي أن رأيته على الطبيعة ..

ولكن عندما أقرأ أو أسمع أحد قصائده أتمنى أن لاتنتهي القصيدة

مشكور الوايلي

وصح لسان أبو موسى ويستاهل حميد ( مع أني ما أعرفه ) لكن المكتوب يبان من عنوانه ..

[زين تصفيح]

مشكور يابن وايل

ولي طلب زغير

وهو قصيدة خلف اللي يقول( أمها دهمشية)

وردية الشاعر: مفرح قيران _ ابوتركي

ودمتم للزين ...

[هاجس]

صح لسانك ولسان الشاعر

[الـوافي]

عرعر ورفحا والحفر .. وابن هباس
............................. لو مابهن ياكود صوتك .. كفاني

بصراحه وبكل صدق .. . . .قصيده حلللللللللللوه وأعجبتني

ويكفي ان الي كاتبها خلف المشعان ....ألف شكر ياللواااايلي وأنا من زمان أقرأ للقصايد

اللي تنقلها ووالله انها تعجبني ....

ولا أضيف إلا ما قاله أخي نادر

ياناس خلف المشعان ماله مثيل ...

أقسم بالله العظيم لاتربطني به صلة قرابه لامن بعيد ولا من قريب ولا‘رفه ولايعرفني ولم يسبق لي أن رأيته على الطبيعة ..

ولكن عندما أقرأ أو أسمع أحد قصائده أتمنى أن لاتنتهي القصيدة

مشكور الوايلي

وصح لسان أبو موسى ويستاهل حميد ( مع أني ما أعرفه ) لكن المكتوب يبان من عنوانه ..