يبا المراجل مـير ماهي بوياه....لو لبسوه ثياب ماهي بقـدّه

[الدب الداشر]

بما أن الهجااء موضة الشعراء الشعبيـبن فشيء طبيعي أن كل جديد هو هجاء ..



[align=center]


القلب خاويته على كل مشهاه

............................................. طاوعت شوره بين هاته وودّه



يامـا تحمّلته على كثر مـاجاه

............................................. ويامـا تحمّل ميلة الوقت ضدّه



والهاجس اللي حـدّ قلبي على اقصاه

............................................. ما فكني والقلب ما باح سـدّه



اسايره عن هرجة الناس وادراه

............................................. واكافحه مابين حـدّه وردّه



والموقف اللي راح ماوالله انساه

............................................. حتى ولو طوّل مع الوقت مـدّه



كلمة خبيث وناقل ٍ داه برداه

............................................. ويلفها مابين مزحه وجـدّه



الهمهمه والنمنمه والمحاباه

............................................. طبع الضعيف وسلم خاله وجـدّه



يبا المراجل مـير ماهي بوياه

............................................. لو لبسوه ثياب ماهي بقـدّه


يابعدها عن ميّت النار بعداه

............................................. ماهي بحول مكبرين المخـدّه



الحرّ حرّ ويجذبه طيب مجناه

............................................. وينومسه فعله على كلّ هـدّه



والنذل تعرف مرّته من مخاواه

............................................. في (مـرحـبا) ودّه ولا هو بودّه



محد ٍ تخيّرله رجال ٍ منقّاه

............................................. لاشك لاشفت أبيض الوجه بدّه



تحدّك الخوّه على اللي تحاشاه

............................................. وعزّي لمن سود الليالي تحدّه



ماينكر المعروف والطيب والجاه

............................................. الاّ الردي وأهل السلوم المصدّه
لو كلّ من دوّر على شي يلقاه

............................................. ماكان يوصل فايض الشوق حـدّه



والصاحب اللي لامشى يحسب اخطاه

............................................. اللي يبادلني شعور المـودّه



ثبّت غلاه وثبّت القلب مبناه

............................................. ومشاعري في شوفته مستعدّه



ياجعلني ماذوق حزنه وفرقاه

............................................. وياليتني مابين رمشه وخـدّه



يسوى عيوني والمعاليق تفداه

............................................. ومن لامني في غلاه الله يلـدّه



هذاك ماغيره خفوقي تمنّاه

............................................. والقلب بين ايديه هـاتـه وودّه




\\
//
\\

بحثت عن الشاعر كثير ولم اجده .. أتمنى أن أحصل على أسمه ..




صح لساان الشااعر ..

[/align]

[زين تصفيح]

[poem=font="Simplified Arabic,6,teal,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الدب حر ويجذبه طيب مجناه=وينومسه فعله على كل هده[/poem]

صح لسانك دبدووووووووووووب...

[الدب الداشر]

والزين زين ويحترق دون عداه
.................. ما يلحقووونه وارثٍ طيب جده



صح بدنك ...


عطرررت الصفحة بمصافحتك للموضوع ..

حيااك الله ..

[الدمار الشامل]

يعطيك العافية دبدوب على القصيدة وعلى الاختيار..
هذي للشاعر مشعل عوض العتيبي..



ياذوووووووووووووووق!

[الدب الداشر]

صحححححححح بدننننننننننننننك


أشههههههههههد بالله أنه الشاعر ..



سلمت يالذيب .. راعيهاا والله يالشاامل ..

[جرواني]

[align=center][poem=font="Simplified Arabic,5,orange,bold,normal" bkcolor="transparent" bkimage="" border="none,4,gray" type=1 line=1 align=center use=sp num="0,black"]
دبدوب يسوى عيوني والمعاليق تفداه= ومن لامني في غلاه الله يلـدّه[/poem]

صح لسانك ولسان مشعل العتيبي[/align]

[نزيه]

قصيده جميله ورائعه واعتقد ان شاعرها اسمه ابراهيم بس صراحه ناسي اسمه بالضبط اخوي دبدوب

[شامي الدهيمان]

الدب ذيب ويعجبك دوم ممشاه
................. الله يسهل دربه الي يوده
من وين ماوجهة لدب تلقاه
...... كل المراجل حوش خاله وجده

تحياتي

[الـــبـــرق]

صح الله لسانك اخوي

ولاهنت


جل التقدير

[ليث]

صح لساااااااااانك.........

[هاجس]

صح لسانك..........

[الدب الداشر]

جرواني صح بدنك .. وحيااك الله ..

[الدب الداشر]

النزيه نزيه ..


شكراً لتعطيرك الصفحة

[الدب الداشر]

السلهوووووووووووومي .. صح لساانك ولا عليك زوود يالشريف ..

[الدب الداشر]

صح بدنك ولاهان غاليك ..


محبتي لك ومودتي الخالصة ..