كنديشن,,, وعصابته والإجرام

[سيف الاسلام]

الشخصيات اللي في هالقصه خياليه يعني لاوجود لها يعني من قاع دمجتي
لا اشوف واحد يسوي مثلهم تراني بريء منكم
يحكى انه في حارة من الحواري فيه شله وراعين مكونه من اربع واسمائهم كالتالي:
كنديشن مسواك الجن ابو لمبه والسكب
التعريف بالشخصيات:
كنديشن : هذا الزعيم ومسمينه كنديشن لانه دايم راكبا على عصى ويفحطبها في الحاره ودايم خشمه طافح يعني تشوف اشياء صفر نازله مع خشمه و لكن شخصيته قويه ومسيطر على المجموعه وكلمته ماتنزل الارض
مسواك الجن: وهذا من زود ضعفه يشبه المسواك ودايم يتعرض للخطر لانه لاهبت ريح قويه يوشك على الطيران وفيه تناحه مهي طبيعيه يعني لوتقولوله من الملك قال كنديشن واذا قلتله السمك وين يعيش بيقولك في الحمام مفهي على الاخر








ابو لمبه: وهذا راسه يشبه اللبمه الكل يهاب راسه يعني هد واحد منه يفقدك الذاكره <<< الهد=ضربه بالراس
وخشمه كبير كبر راس جوفنتوس اهله كلهم معهم ضيق في التنفس لانه يشفط الاكسجين عنهم
السكب: وهذا سريع مثل الطلقه










يعني لوبغيت عنب من اليمن يجيبه لك في 5دقايق <<<< يلعن ام الركب
وكان من سواده ماينشاف في الليل
وهالمجموعه تعرف في الحاره بكثرة الشغب يعني شاقين الارض وطالعين مهبلين في ورعان الحاره اللي شاقين جبهته واللي فاقعين عينه يعني ورعان الحاره كلهم عاهات والسبه هم حتى قطاوة الحاره ماخلوهم في حالهم يجيبون طراطيعه ويدحسونها
في ............لا استحي اقول انتم افهموها عاد
ويولعونها الين تطرطع في ذا البس الضعيف انواع الاجرام <<< اشك انهم من سلالة صدام
ولا طايحين في البس وقاطعين ذيله حتى بسوسهم مافي بس سليم <<<<توهق مايعرف جمع بس
الي مفقوعه عينه واللي من غير ذيل والي قاطعين نسله واللي منتفين شعره
لدرجة ان البس لاشافهم يصفي الطبلون على الاخر وماتشوف الا غباره











لا ونشالين محترفين يعني أي ورع يشوفونه عند البقاله يشلحونه تشليح
حتى زبيرياته يصادرونها
وفي يوم كانو واقفين عند البقاله يفتشون على ضحيه جديده شافو واحد مقبل ويصيدونه
وقف كنديشن وحط يده على كتف الورع وقال اقول يالحبيب عطنا اللي معاك وانقلع لبيت اامك ولا خليت وجهك خريطه والله لارجعك لأهلك ومايعرفون وجهك من قفاك انا زعيم الحاره واسمي كنديشن
دفه وقال اذا انت كنديشن فانا ينادوني ابو جلبمو وانا اللي بدخل فيك غنيس للارقام القياسيه لأني باكل جبهتك اكال جاركم الجديد وعندي عصابه يسمونا معضعضين الخشش وافهم ياذهين
تبققت عوينات مسواك وابو لمبه والسكب ماتوقعو انه في احد يقدر يتجرأ يدف كنديشن وعدى من عنده وكنديشن لسانه انربط بعد ماراح قام يتميلح
اقول انا سبته لانه ضيف جديد ولا والله كان مسحت معالم وجهه <<< يكذب بعد
في اليوم الثاني اكتشفو ان عصابة عضاضين الخشش هذي عصابه نشالين
فخافو انهم ياكلون الجو عليهم ولاحظو عاهات جديده ظهرت اكتشفو انها من عضاضين الخشش فزعلووووووو وقالو لا مستحيل نخلي احد يذي عيال حارتنا غيرنا <<<< احتكار
فقررو انهم يشنون حرب على عضاضين الخشش
طلب كنديشن منهم التجمع وتجمعو عشان يتجهزون للحرب

والتجهيزات كالتالي :كنديشن طبعا لانه الزعيم يعني حاط طاسه فوق راسه وملصق صورة جمجمهirate2: << يعن اني قرصان
مسواك الجن حطوله حجار في جيوبه عشان لاهب الهوا مايطير وهم مشغولين
ابو لمبه راح حلق على الصفر عشان لاجا يعطي براسه ماشي يرده
بداية الحرب:
حطو ورقه مكتوب عليها اذا فيكم خير نتقابل برى الحاره وعلقوها على بيت عضاضين الخشش
وتوجهو لارض المعركه وابتدت الحرب
ابو لمبه مسك واحد <<<اكيد انتم عارفين وش استخدم
اهااااااااااااا استخدم راسه وقام يعطي براسه الين فقع راس اللي قدامه
اما مسواك الجن ولان ريحته اخيس منها مافي مسك واحد ودحس راسه تحت يده
وريحة مسواك الجن عن قرب تسبب شلل كامل في الاعضاء
اما السكب فكان يعاون كنديشن على ابو جلبو فحط مسواك وصار يدور حولينهم عشان ريحة مسواك توصل لابو جلبمو وتتخدر اعضائه اما كنديشن فهو مدمن على الريحه وماراح يتأثرابو جلمبو قام يعضعض في خشة كنديشن الين وصلة الريحه وبدا مفعولها يسري الين قضت على ابو جلمبوووووووو <<< يعني لو مو مسواك الجن كان فقد كنديشن نص راس

وبكذااااااااااا قضو على عصابة عضاضين الخشش وطبقو المثل اللي يقول ((انا واخوي على ولد عمي وانا وولد عمي على الغريب))
الخساير هي:1- كنديشن طار ربع سنونه الي كانت ناشبه في رأس ابو جلمبو
2- ابو راس فقد الذاكره مؤقتا وهذي الحاله تجيه بعد كل مضاربه
3-تشققت مخاي المسبوه مسوك الجن من الحصا
4-السكب مازال بصحه جيده وسليم100%100
خخخخخخخخخخخخخخخخخخخخخخخخخخخخخخخخخخخخخ
وتوته توته خلصت الحدوته حلوه ولاكتكوته <<< اقول اقلب وجهك

منقوووووووووووووول

[ابو مشعل]

يعطيك العافية

وان شاء الله ترجع الذاكرة لابو راس

[$الوميض$]

الماضي الجميل

يقطع حريشك يازلمه على هالقصه

بطني ذبحني من الضحك

اما ابو راس

شكرا لك ياذوق

[ليث]

مضمضتا


يعطييييييييييييييييييييييييك العافيه

[سيف الاسلام]

ابو مشعل & الوميض & ليث

مشكورين على المرور

[الدب الداشر]

ههههههههههههههههههههههههههههههههههههههه


الله يونسك يالماضي الحبووب ..

[سيف الاسلام]

تسلم يا نور المنتدى على المرور