مين يحل الغز ملاحظه توجد وسائل مساعده ادخلو وشوفو ارجو تثبيته

[الدب الداشر]

أحح أحح نضرا" لذكائي الخارق واني انا الي حليت الغز السابق

طلب مني الأخ الفارس مشرفنا أن اقوم بطرح اللغز صلراحه انا صحيح اني دب بس كل ماجيت اب اطرح لغز يطلع اقوا مني ويطرحني
وهذا السبب اخرني عن طرح اللغز
والحمدلله صرت اشرب حلبي السعوديه كل صباح وقدرت اطرح لكم لغز
يقووووول:

ياويش رجل(ن) تطلبه دوم يعطيك **** وأحيان يرفض لاطلبه عطيه

يقول راجع حاضرك شوف ماشيك **** عطني وانا بأعطيك عهد(ن) عليّه

في منزله دايم ولا يمكن يجيك **** وبنته معك في كل روحه وجيه

يالله حلوووووووووووووووووووووه

وأتمنى من الجميع المشاركه ولأحد يتردد حتى لوكانت الاجابه خطأ بس شاركو وممنوع استخدام البراشيم:
ولك ثلااث وسائل مساعده
أتصال بعجوز و وسؤال شايب و تعترف انك غشيم وماتعرف شي بالسوالف ذي ...............

ولكم جزيل الشكر تحياتي الدببببببببببببببببببببب الداااااااااشرررررررررررررررر

[الفارس]

يادب!!!

والله انك ضحكتني يوم تقول طرحك!! اجل واظب على حليب السعودية ولاتخلي احد ياخذ منك حليب السعودية

الحل واضح ومعروف لكن خل الاعضاء يحاولون وبنشوف!!

يعطيك الف عافية اخوي على اللغز الرائع وبالتوفيق

اخوك / الفارس

[سعووود]

!!!!!!!!!!!!
الحل واضح ومعروووف..........!!!
بس ابي اعطي فرصه للاعضاء.............







ههههههههه ...امزح....والله مااعرفه!!!!
ادري مافهمتو شي........
بس انا متأكد ان الدب الداشر فهم!!!!!!!!!

[القعـقاع]

اللغز واضح ومعروووف بس ابي اخلي

فرصه للي ما يعرفونه واتمنى ان تحلونه....
















أمزح وين رايحين استانستوا؟؟؟

والله الظاهر كان ما خاب ضني

إنها بطاقة الصرراااااف

والي تطلبه هو الصراف

وراجع حاظرك أي (رصيدك المتبقي هو.....)

**حشى زجول مو صراف**
وعطني (البطاقه)
واعطيك (you mny) فلوسك
في منزله(في مكانه بالشوارع العامه)
والبنت (البطاقه)

بالله أسألكم بالله ماني ذكي؟؟؟

صح ولا لا؟؟؟

[الدب الداشر]

أخوي سعود مافهمت قصدك
وأشكرك على المرور والشرطه
أخوي القعقاع
أهب وش دراك صح لسانك ايها القعقاع ((ياصعب الأسم كل ما اقوله لازم اغص ))

صح لسانك ونداك


أمزح واللغز عندك