واللة اني مستحي

[الدب العاقل]

و اللة اني مستحي من الدب الداشر ومادري وش اقولة ,,,لكن اقدم اعتذاري الخاص جدا" لك ياتؤم روحي ,,,وسبب الغياب هو اني كنت مسافر ,,,,وحقيقة لم اخبر المنتدى لأني لم اكن هاك العضو الفعال اللي يمكن تفقدونة ,,,,,,,,,,,,,, واشكر على هداياك ,,, بس ترا انا الدب العاقل ماهو الدبة العاقلة طال عمرك ,,,,حقيقة شككتني بنفسي ابروح اكشف بكرى!!!!!! اخيرا" ترا يسلم عليك المندي والمظبي والحنيذ والمثلوثة ,,,,,, العشا الليلة عندي..... قل تم.

[الدب الداشر]

وينك يآخي شغلتني عليك بعدين عبادي وش يقول
حرام كسر الخواطر كثر الجفا مايفيد ****** عطني رساله ياهاجر والا سلاام من بعيد

وبعدين الحمدلله على السلاامه واهم شي ان مابك خلاف وسليم بس اهم شي انك مابك شر والحمدلله الباقي يهون
وهذا كله شوق

وبعدين انا اغليك في الله ما ادري ليش ومو شرط بعد حب = الغلا
هذا اسمه غلاا

ودام الدعوه فيها عشى لالا خلاص خذ راحتك واذا تبي اجازه بعد بس بعد العشى


المهم الحمدلله على السلاامه وثاني مره علمني وين تبي تروح عشان ما تخوفني

[هرطمان]

الدببه سمعتوا طاري الاكل نسيتونا

عزايم ( شي غاد ) يكفي كل الاجازه اكل
ابدوا بالرجيم
واتركوا اليموزين امشوا على رجولكم
خفوا الله يخفف ذنوبكم

ـــــــــــــــــــــ
اخي الدب العاقل حقيقه مفتقدين مشاركاتك يالله شد حيلك معنا عاد لا

[الدب العاقل]

الدب الداشر ,,, شكرا لك ,,وابشر وسم طال عمرك,واللة مااعودة مرة ثانية.

هرطمان بية ,, حياك اللة ,انا اعترف بالتقصير,,لكن انشاللة راح يكون هناك مشاركات.

[القعـقاع]

حياك الله الدب العاقل

والله لايفرقكم مره ثانيه ويجمع شملكم

وانتبهوا من العين ... ولا تكثر الغيبات,,

[الامبراطور]

حبيبي انت يالدب العاقل

ركز على كلام هرطمان بيه اللي يقول لك:

"اتركوا اليموزين امشوا على رجولكم
خفوا الله يخفف ذنوبكم "
تسمع وش يقول لك يقول اترك الليموزين ارجع واكرر الليموزين وترى على فكرة لو فككنا كلمة الليموزين اعطتنا معنا واضحا


ركز معي حبيبي الدب العاقل


الليموزين= اللي مو زين

اعتقد انك الان معزم تستغني عن الليموزن تماماً لانك عاقل

ارجوا انك ما تتطول غيبتك