قصيدتي في ..رفـــــــــــــــــــحــــــــــــــــــــــاء ..

**التيما2005** · 20 Oct 2005, 05:33 AM

[poem=font="Simplified Arabic,4,white,bold,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
قالوا شتبي برفـحاء لا يامــلا البيـــن = دامك هنـــا منعم وعايش براحـــه
خلك بحــــايل استقر واقعد سنـيــــن = وتشوف خير يجيك من كل ساحــه
امـن حيـاتك شـوف مسـتقبلك ويـــن = الرزق جاء عندك رمى لك وشاحه
فـكـر بـعقلك واغتـنـم فرصتك زيـن = مو كل يومن فيه فرصه متـاحــــه
ام القـواطي انسـها تـروح بــعديـــن = وجهك على ذيـك البنى والبراحــه
وقالوا لي رفــحـاء قلنا وشبـها زيـن = لاصار هي كم بيت وكم استراحــه
ديـــرة بـــدو مـغفـليـن ومـجانيــــن = قليـل تلقى شخص زايد نـصاحــــه
دروسـهـم عنـد الغــنم والبعـاريـــن = ومايـعرفون الا زراعه وفـلاحــــه
ديـرة خـوارج لاجئيــن ومقيــميــن = وكـل الجزريه تلقى فيــها مراحـــه
قـالوا لي غير نـظرتك يالمسـيكيــن = وكانــك مـصمم والله من الديـاحــه
قلت ايـــــه ماتـدرون انتـم قديـميـن = كلامـكم ظـلم وتـجني وبـجاحــــــه
كلامـكـم عن ديـرتي قـول" يهيـــن = ولاتزعـلون ان قــلت عنـه وقاحــه
اقـبل نصايحكم على الراس والعين = بس لاتسـبوا ديـرة اهـل السـماحـــه
رفــحــاء اذا تدرون تسـوى ملايين = وتسـوى ديار" زيـنت للسيـاحـــــه
تسـوى فلل باريـس واسـواق بـكيـن = وجـوها الـطف من ابـها وباحــــــه
اشــوف حوسـتها ورود وبـساتيـــن = وحاراتـها احلى من الفيـن واحـــه
رفحاء بعيني اكـبر من أي تثــميـن = كنــه عبيـر الورد وقـت انفتاحــــه
لو غبت عن رفحاء ولو بس يومين = غصب" علي الشوق يطلق سراحه
ماانلام في حــب" سكني من سنين = اموت في رفحاء و هبة رياحــــه
حبي لهـا حــب" مشى بالشرايـيـن = حب" غرز في وسط قلبي رماحه
لوبيني وبيــنه حـصون وميـاديــن = مبطي نوى جيش الوله اجتياحـــه
ولو بيني وبيـنه بـحــر او بحريـن = امشي واقـطـع لو حتى سـبـاحــــه
احب رفــحـاء ولي فيــها محبيــن = والقلب فيــها دوم يلقى ارتيـاحــــه
فيـــها هلي وربـعي مني قريـبيــن = لاحتـجتـهـم الكـل يـرفـع سـلاحـــه
وفيها اخوياي وكلبوهم على الدين = وفيها معارف لي في كل مـسـاحــه
وفيها حبيبي طربتي كامل الزيــن = شوفـه دوا لهمـوم قلبي وجــراحـــه
وفيها وفيـها كل ماتشتهي العيـــن = صدري وانا فيــها يزيــد انشراحــه
ياللي تلوموا اركدوا يالمساكيــــن = جاكم جـواب" قلته بكـل صراحـــه
واخر كلام اختم قصيدي بقوليــن = يسـعد مسـا رفحاء ويسـعد صباحــه[/poem]

**جرواني** · 20 Oct 2005, 09:39 AM

[align=center][poem=font="Simplified Arabic,4,white,bold,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]

رفــحــاء اذا تدرون تسـوى ملايين = وتسـوى ديار" زيـنت للسيـاحـــــه

تسـوى فلل باريـس واسـواق بـكيـن = وجـوها الـطف من ابـها وباحــــــه

اشــوف حوسـتها ورود وبـساتيـــن = وحاراتـها احلى من الفيـن واحـــه

رفحاء بعيني اكـبر من أي تثــميـن = كنــه عبيـر الورد وقـت انفتاحــــه

لو غبت عن رفحاء ولو بس يومين = غصب" علي الشوق يطلق سراحه

ماانلام في حــب" سكني من سنين = اموت في رفحاء و هبة رياحــــه

حبي لهـا حــب" مشى بالشرايـيـن = حب" غرز في وسط قلبي رماحه

لوبيني وبيــنه حـصون وميـاديــن = مبطي نوى جيش الوله اجتياحـــه

احب رفــحـاء ولي فيــها محبيــن = والقلب فيــها دوم يلقى ارتيـاحــــه

فيـــها هلي وربـعي مني قريـبيــن = لاحتـجتـهـم الكـل يـرفـع سـلاحـــه

وفيها اخوياي وكلبوهم على الدين = وفيها معارف لي في كل مـسـاحــه
[/poem]

صح لسانك التيما 2005

قصيده رائعه
ورفحاء فوق الوصف[/align]

**ابو مشعل** · 20 Oct 2005, 04:47 PM

ما شاء الله ابو فواز انا قالولي تره شاعر قلت ما هقيته بس سراحة
درة من الدرر
تستاهل رفحاء ورفحاء تفخربك

الله يوفقك ونشوف (الخضراء )على ظهرك
وترجع لنا بالسلامة

**التيما2005** · 21 Oct 2005, 03:39 AM

صح بدنك اخوووي جرواني

مشكوور على مروورك

**التيما2005** · 21 Oct 2005, 03:42 AM

هلا ابو مشعل

انا ماني شاعر شاعر !!!! بس لي محاولات ...

بس هذا من ذوقك يالغالي....

مشكور على مرورك واسلوبك الراقي

**ليث** · 23 Oct 2005, 10:22 AM

صح لسااااانك ابو فواز

استمر بهذا البوح

**التيما2005** · 24 Oct 2005, 04:59 AM

مشكووور اخوووي ليث
على مرورك الجميــــــــل

**sa6am** · 24 Oct 2005, 11:23 AM

وقصيده مره مره مره مره مره مره مره حلووووووووووووه
ويعطيك الف عافيه

**التيما2005** · 24 Oct 2005, 10:50 PM

مشكور اخوي سام 6 على ردك اللي كان مره مره مره مره مره مره مره حلووووووو

**نزيه** · 26 Oct 2005, 11:51 PM

حبي لها حب" مشـى بالشراييـن
حب" غرز في وسط قلبي رماحـه
لوبيني وبينـه حصـون ومياديـن
مبطي نوى جيش الولـه اجتياحـه
ولو بيني وبينـه بحـر او بحريـن
امشي واقطع لـو حتـى سباحـه
احب رفحاء ولـي فيهـا محبيـن
والقلب فيهـا دوم يلقـى ارتياحـه
الله الله على الا بداع اخوي التيما صراحه قصيده معبره وصادقه ولا هو غريب منك حبك لرفحاء ووفائك لها اتمنى ان تستمر بالكتابه فا نت مشروع شاعر عذب وجميل

واخر كلام اختم قصيـدي بقوليـن
يسعد مسا رفحاء ويسعد صباحـه

هنا بيت يغني عن قصيده كامله دمت ودام ابداعك لك مني كل الود والا حترام

**الدب الداشر** · 27 Oct 2005, 07:09 AM

اسلم اسلم

صح لساانك

كفيت ووفيت

شاعر ونص وثلاث ارباع بعد مو بس شاعر

تسسسسلم

**التيما2005** · 27 Oct 2005, 06:55 PM

هلا بنزيـــه الشعر
الابداع والله ردك الجميل
اسعدني كثيرا" مرورك واعجابك بالقصيده ......

على فكره ...انا من اشد المعجبين بقصائدك

**التيما2005** · 28 Oct 2005, 12:44 AM

هلا اخووي الدب الداشر
وين هالغيبات ؟؟؟

مشكوور على اطراءك الجميل
وحلوه نص وثلاث ارباع

**سهم الحقيقه** · 28 Oct 2005, 01:38 AM

[align=center]صح لسانك أخي

والله يديم محبة رفحاء لك

قصيدة تنم عن شاعر صادق ومخلص ارتشف من معنى الحب الشئ الكثير

لله درك أريد أن ارجع لأقرأها مرة ومرتين وثلاث وووووو لن أملها .

ولي عودة إن شاء الله [/align]

**التيما2005** · 28 Oct 2005, 07:29 PM

هلا اخووي سهم الحقيقه ..

من عدد مشاركاتك عرفت انك ضيف جديد على المنتدى !! فأهلا وسهلا" بك
واسعدني ان تكون اولى مشاركاتك هو مرورك الجميل على القصيده...

وعن كلامك...(((قصيدة تنم عن شاعر صادق ومخلص ارتشف من معنى الحب الشئ الكثير ,.,.,.,.)))

(((انا ماني شاعر بس هذي محاوله كان لها موقف خاص ))))

وارجع اقرأها على كيفك اخوووي الى ان تمل !!!

آخر المشاركات

الموضوع: قصيدتي في ..رفـــــــــــــــــــحــــــــــــــــــــــاء ..

أدوات الموضوع

تقييم هذا الموضوع

عرض

قصيدتي في ..رفـــــــــــــــــــحــــــــــــــــــــــاء ..

مواقع النشر (المفضلة)

مواقع النشر (المفضلة)

ضوابط المشاركة