قصيدة رثاء

[نزيه]

قصيدة رثاء بالخال. الفقيد سيار الجلاوي العنزي رحمه الله واسكنه فسيح جناته


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الله ياهو حزين وموحشٍ بيته=تبكي معاميله وتشكي على دلا له
دنقت غصبٍ على المركا وحبيته=قمت انشده وين راح وين منزاله
عوده. وبنه.وهيله فيه عزيته=عزيت صمت المكان ودمع فنجاله
انشد جداره حبيبك وين خليته=انشد شماغه قبل لا ينشد عقاله
نشدت حزني صحيح انك تناسيته=نشدت قلبي عن همومه وغرباله
يا موت عن شوف عيني وين وديته=الله يالموت لو تدري عن افعاله
ياموت هذا الجلاوي ذايعٍ صيته =ياموت تبكي على فرقاه عذاله
يا قبر ارفق بحاله كان ضميته =وداعتك يا قبر ترفق على حاله
يا قبر ماتشوف دمعي يوم هليته=فوق النصايب دموع العين هماله
جيته اودع ثراه وليت ماجيته=ودعت قلبي معاه وضعت بوصاله
من يعذل الحي لامنه بكا .ميته=عزي لحالي من فراقه وعزاله
الطاهر اللي بدمع العين ناديته=الله يبلل ثراه ويبقي عياله[/poem]