[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اشوف وجه الحزن يا سيدي سافر=تبي الصراحه فراقك صعب تصديقه
ياشيب عيني من الاحزان يا باكر=وشلون ابا اصبر على الايام والضيقه
دخيلك ازعل تدلع بس لا تسافر=ابك انت طاري غيابك شي مااطيقه
نارالموادع عذاب وجمرها كافر=وجه الصحاري يباس وحل تغريقه
صعب انحني للضياع وصعب ابكابر=لاخان دمعي عيوني كيف ابا اعيقه
ماعاد للذنب رب وماله الغافر=ابا اجمع شتات عمري عقب تفريقه
اروض الوقت لكن ماني بقادر=قفت سنين العمر واقفت مواثيقه
ما بالمساء غيركثرالهم يالصابر=وقلبٍ يهد الضلوع بكثر تصفيقه
اسمع بعوج الحنايا هوش ومعافر=يكفخ خفوقي وتلنه معاليقه
يردني صوب ذنبي حظي العاثر=واردها للزمان وقل توفيقه
يا صبح ليلك حزين ويكسر الخاطر=ما ينعرف وين تغريبه وتشريقه
بينه وبين الحزن والمهره النافر=طيرٍ زبن للسماء واقفى بتحليقه[/poem]