من قائل هذه القصيدة؟؟؟!!!

[أبو عبيد]

لقد أعجبتني هذه القصيدة ولكن لا أعرف شاعرها
و من يعرف شاعرها أرجو أن يفيدنا .......



كل البشر في صوب وهالبنت في صوب

الكامل الله كامله ماتعابــــــــي



ترفه وهي تمشي مسافات ودروب

في عز رحلات الشقا والعذابي



لامن مشت في يدها تسحب الثوب

كل يناديها وهي تقول مابي



من الدلع سميتها شيخة العوب

حتى دلعها منحني له عجابي



لحقتها والهرج زاهب ومكتوب

لأي موقف كنت عامل حسابي



قلت السلام وردت بإيش مطلوب

قلت الخفوق بخفة الدم ذابي



قالت وش اللي حدك لناري تذوب

قلت المشاعر ماعليها عتابي



قالت تمثل دور عاشق ومحبوب

قلت الحقيقه افتديك بشبابي



قالت اخيرا الحب ناهب ومنهوب

قلت انهبيني قبل لانقل صوابي



قالت متى تكبر عن الحب وتتوب

قلت الخبل من شاف زينك وتابي



قالت صراحه ماتوقعتك اسلوب

قلت افهم انك معجبه في جوابي



فجأه عرض لي واحد عرضة خروب

سلم علي وخاطر البنت طابي



جاني مطفي ضارب فياض وشطوب

ومن قو عينه قال يامرحبا بي



واخذ يسولف لي وانا فيه مغصوب

يسأل عن احوالي وسبة غيابي



مايدري انه بعرضته كسر قلوب

لا واعذابي منه لا واعذابي



رقد على كبدي وانا بوقت محسوب

البنت راحت والرجاء منه خابي



وقفت عاجز كــني انسان مغلوب

من قرد حظي كل هذا جرى لي



اتلى عهدها تلتفت لفت رعبوب

مالله كتبها قسمه في كتابي



أقفت تمشي في مسافات ودروب

قلبي يناديها وهي تقول مابي


تقبلواا تحيااااااااااااااااااااااااااتي

[الدب الداشر]

للشاعر : ثامر الدقباسي


وصح لساانك ولسااان الدقبااسي

قصيدة رائعة

[جرواني]

[align=center]ابو عبيد صح لسانك ولسان الدقباسي
يعطيك العافيه دبدوب لاتعبت[/align]

[الـوافي]

ابو عبيد صح لسانك ولسان الدقباسي
يعطيك العافيه دبدوب لاتعبت

[أبو عبيد]

يعطيك العافية أخوي وما قصرت

[الدب الداشر]

يعافيك حجي

لا ندمت جرجر

[العزام]

صح لسانك ولسان الدقباسي

عزالله هذا القصيد

يعطيك العافيه اخووووووووووي

ودبدوب دايم وانت عسل

[الدب الداشر]

تسلم حجي عزام


والعين ما تعلى عالحاجب يا دبس !