(زيارة لسوق العلاوي) ليلة 30 رمضان

**رفحاوي** · 10 Nov 2005, 03:50 AM

لا أخفيكم سرا اذا قلت بأنني ابغض وبعبارة أدق اكره الذهاب إلى الأسواق وإذا استطعت الفرار من ذلك فعلت دون ترو أو تردد ...

عندما كنا في رياض الخير وقبل مجيئنا إلى رفحاء ، أو كما يحلو لمحبيها بتسميتها بعاصمة الضباب، وعدت المعزبة حفظها الله ورعاها بشراء ما نقص من ملابس العيد من رفحاء ... اعتقدت آنذاك بأنني سأنجو من الذهاب للسوق نظرا لوجود لبسة على الأقل لكل عضو من أعضاء العائلة الكريمة ...

عطلنا يوم الأربعاء 23 رمضان ومن الفرحة مشينا بعد الفطور ميممين وجيهنا إلى طريق القصيم ... وحتى لا أطيل عليكم قولوا وصلنا رفحاء ...

قبل ان اكمل احب اعتذر عن المقدمة المملة ...

عندما وصلنا رفحاء كنت أؤجل الذهاب من يوم لاخر حتى جاء يوم الثلاثاء 29 رمضان وزاد الخوف لدى المعزبة من أن ياتي العيد ولا نشتري الملابس (طبعا بالنسبة لي فانا اخر انبساط ولم اخف واتمنى لو حل العيد فجاة)

بعد صلاة التراويح ذهبنا لسوق العلاوي نظرا لجودته وسمعته التي مثل الذهب (ما شاء الله ... يالله يا ياسين يدك على الف ريال حق هالدعاية) ... دخلنا محل الله يستر علينا وعليه واللي يبي يعرفه يسال همام (ابلش يا همام) وكان مليان حريم والبياعين ...

اكره اني اتسوق بشكل عام ويزيد الكره اذا كان المحل مليان حريم ... لكن اذا العالم انسفهوا ودشروا حريمهم بكيفهم لكن معزبتي وام عيالي جوهرة مصونة وادخل معه شاء من شاء او ابى من ابى ...

حقيقة الوضع مزري وبعض النساء منقبات (الله لا يجزاه بالخير اللي طيحهن بالبراقع) ...
قال لي احد الباعة: جاي من البيت ؟!
قلت: وش تقول ؟! (متنرفز لاني حاس ان الدعوى مهي مضبوطة)
قال : شفت التلفزيون ؟!
قلت: لا ... ليه ؟!
قال: اسال عن العيد ... بعض الحريم يقلن ان باكر عيد (الضغط وصل 2000 حصان)
قلت: تونا طالعين من التراويح ولو باكر عيد ما صلينا ...

واتذكر انهن يسولفن معه بامور غير الملابس وانقهر وكملت (بصوت يلعلع): ما دام ان الحريم قالن لك هن اوكد ... واكرر الكلام وازيد عليه : ويباركن لكم بالشهر ويضحكن ...

اليماني اسقط في يده وكانه يقول يا ليتن ما سالته

الغريب يا اخوان الهيئة موجودة والشرطة والظاهر الطواريء مدري الحرس ويمكن حتى الاتصالات ... طيب وشلون لو ماكو احد ؟!

اتمنى من الاخوة الهيئة ان يكون لهم دور افضل
واتمنى من ياسين العلاوي يكون له دور افضل
اخترت (الهيئة والعلاوي) لانني سمعت عنهما حبهم للخير ووقوفهم ضد كل ما يضر المسلمين ...

وسلامتكم

**ليث** · 10 Nov 2005, 06:46 AM

هيئة رفحاء في انحدار منذ عدة اشهر؟؟ وش بلاهم ما ادري!!

**المتيم بالشمال** · 10 Nov 2005, 01:19 PM

اخوي رفحاوي شكرا على الموضوع السالفه هذي للاسف اصبحت على مستوى المملكه عامة وسالفة البراقع والنقابات وهالحين بالطريق اللثام والدعوى تراها شوي شوي والله يستر من الجاي وليه لا والزمن هذا اصبح الرجل هوا اللي يستحي والمرأه بكل جرأة تتكلم وتضحك وتمازح رفيقتها دون حياء اما العماله للاسف فشرهم اكثر من خيرهم وخاصة اليماني والبنقالي والهيئه للاسف قلص دورهم ونشاطهم حتى قمنا نسمع ونشاهد البلاوي دون خوف والدليل ماحدث للبنات في طريق النهضه بالرياض

اخوي ليث حال الهيئه عندكم مثل حاله في جميع مناطق المملكه فلا تستغرب ويا الله السلامه

**سهرانه** · 11 Nov 2005, 01:55 AM

[align=center]
سلمت يداك رفحاوي

لك اسلوبك القصصي المميز
وطرافتك الظريفه
واعتذارك عن المقدمه خير شاهد لوووووول
كل ما ذكرته قليل من كثير نشاهده ونتعود عليه
الهندي والعامل صار عادي ولا كانه موووجود
الهيئه السنه هذ غريييييييييبة مررررررررة مالهم نشاط مثل من اول
مدري لييييش والشباب الله يستر منخبلين بصحيح

يا ناس لو كل واحد مشى مع زوجته او اخته كان تمام ولكن ما تصدقون تحذفونا بالسوق واذا خلصتي اتصلي

[/align]

**الدبلوماسي** · 11 Nov 2005, 01:59 PM

افا ياسهرانه واذا ولي امرك اعطاك الثقة وماحب يزاحم الحريم اللي بالمحل اللي شكلهن تقل رواق بيت سعر بالمحل تلومينه.......... البنت اذا جاء على بالهات تسوي شيء غلط .. والله لتسويه لوهي بغرفة نومها وأنتي أعرف

أجل ماجت سالفة اللي مخضبها ايدينها ؟؟؟؟؟؟؟؟؟؟؟؟

ها اعقلي عاااااااد

**الدب الداشر** · 11 Nov 2005, 03:06 PM

مرور فقط للدبلوماسي

الدبلوماسي

أنت بهذا الشكل تدفع المرأة للإحتكاك بالباعه ولو في مجال بكم هذا ؟؟

الدبلوماسي

المرأة بدون رجل مهما كانت قوتها فهي ضعيفة وعرضة للتحرش من قبل الباعة (( والبتاعه ))

فالرجل هنا يكون وزير مالية (( معاك القروش واللي يبقى لك )) وأيضاً وزير داخلية للحماية (( مع أن جريدة الوطن تسوي دعاية لنوادي تعليم الكراتيه للمرأة )) ؟؟

وبالنسبة للهيئة فأسألوا عن نشاطاتها في الإستراحات ؟؟

**الافندى** · 11 Nov 2005, 09:52 PM

الاخ العزيز / رفحاوي

السوق بصفه خاصه والاماكن العامه بصفه اشمل سواء كان برفحاء او غيرها .... واعتقد رفحاء ارحم من غيرها
لك كل الاحترام رفحاوي انت ومن يتبع هذا الاسلوب فهذا الواجب والمنطق ان تكون مع اهلك ولا تمتهن وظيفة السائق .
الثقه موجوده ولكن لا تساهم في منح الفرصه فمهما تكن في النهايه ‘ انثى ‘
.. ما يحز بالنفس ان شريحه تتعرض لمضايقات وهن في غنى عنها لولا ان اولياء الامور يساهمون بها بطريقه غير مباشره

**رفحاوي** · 17 Nov 2005, 02:28 PM

اشكر كل من مر وعلق ...

السؤال

مالعمل ؟!!

هل سيتنبه اولياء الامور والمسؤولين لذلك ام سيتحولن بعض النساء الى عاهرات (والعياذ بالله) ؟!!

العاهر في بدايتها شريفة ثم مع الغفلة والاندفاع نحو الرجال اصبحت حماما (اعزكم الله) ...

بالمناسبة اذكر لكم قصة سمعتها قبل ايام:

حدثني احد الاشخاص بانه كان في احد مكاتب الهيئة (حفظهم الله) وكان لديهم اختان بنات قبيلة تم القبض عليهما مع ياميان ... طلب محدثي من الاخوة بالهيئة التحدث مع احدى الاختين خاصة وانه ......وتاثر كثيرا من ذلك ...فوافقوا

قال: انتي ...بنت قبيلة .. ..... وتسوين هالامور ؟1

قالت بكل ثقة: وش دخلك انت ؟!

قال: انا ضابط من هيئة التحقيق (عشان تتجاوب معه)

قالت وهي تبكي: واللي يرحم والديك ساعدني ... والله لو دروا اهلي الا يذبحوني ...

قال: اجل تجاوبي معي وخلك صريحة ...

قالت: ابشر ...

قال: ليه طلعتي معه ؟!

قالت: هو يحبني وواعدني نتزوج ...

قال: مهو صحيح هالكلام وهالحين تشوفين ...

نادى اليامي وجلس يساله والبنت تسمع من ورى الستارة ...

قال: هالحين صار اللي صار وحنا اقنعنا اهل البنت عشان تزوجون ... باقي تجيب اهلك وتخطبونها ...

قال اليامي: ما باقي الا اتزوج هالـ .......... (العاهر) ؟!!

اول ما سمعت هالبنت الكلام وهي تصيح وتطيح ...

بعدين ستروا على البنتين وسلموهن اهلهن ...

الله يستر علينا وعلى المسلمين والمسلمات ....

**رفحاوي** · 06 Aug 2006, 04:30 AM

الاسبوع اللي فات نزلت مع اهلي (مجبور شسوي) لسوق العلاوي ...

المهم اشوف شباب يدورون ومشغلين مسجلات سياراتهم على الاغاني وما شفت لا هيئة ولا شرطة !!!

حتى برى ما شفنا هالانحلال ياخوان ...

**رفحاوي** · 02 Mar 2009, 11:14 AM

[align=center]
سويت بحث عن موضوع ولقيت هالموضوع اللي ما له علاقة بالبحث ...

ابي ارفعه حتى يشوفه ياسين العلاوي ...

[/align]

**رعبوب** · 02 Mar 2009, 01:15 PM

موضوعك أخي رفحاوي جديد بالأهتمام والمتابعة من قبل أهالي رفحاء ومسؤوليها .
قبل أيام طرحت القضية في المنتدى لكن حذف بعد دقائق من وضعي له , شكراً لك .

الغيره تدل على الشرف

**رفحاوي** · 02 Mar 2009, 01:57 PM

المشاركة الأصلية كتبت بواسطة رعبوب

موضوعك أخي رفحاوي جديد بالأهتمام والمتابعة من قبل أهالي رفحاء ومسؤوليها .
قبل أيام طرحت القضية في المنتدى لكن حذف بعد دقائق من وضعي له , شكراً لك .

الغيره تدل على الشرف

[align=center]
العفو اخوي رعبوب ...

لا اعلم عن موضوعك ...
[/align]

**فوزي الشمري** · 02 Mar 2009, 06:23 PM

السبب ياحبيبي ان فيه من هيئة رفحاء اللي بالعلاوي

(((((((((((دنفوسية))))))))))))

يعني اقر على الهيئة السلام

**جداااويه جنااان** · 02 Mar 2009, 07:05 PM

المشاركة الأصلية كتبت بواسطة فواز الربع

السبب ياحبيبي ان فيه من هيئة رفحاء اللي بالعلاوي

(((((((((((دنفوسية))))))))))))

يعني اقر على الهيئة السلام

الهيئه الله يجزاهم خير مايقصرو بس هما محاربين من كل جانب وهذا لايخفى على احد فقد كتب عنهم بالجرائد ونشر في وسائل الاعلام كل ماهو قبيح ومكذوب عليهم والادهى من ذلك والامر وصل حد الاستهتار بأغلب مواطني الشعب السعودي ان يركلو رجال الهيئة بالاقدام وكلنا نعلم بالحادثه التي حدثت لابطال الهيئه في الرياض نصرهم الله وأيدهم وسددهم على طريق الخير والصواب

**رفحاوي** · 03 Mar 2009, 01:04 AM

المشاركة الأصلية كتبت بواسطة فواز الربع

السبب ياحبيبي ان فيه من هيئة رفحاء اللي بالعلاوي

(((((((((((دنفوسية))))))))))))

يعني اقر على الهيئة السلام

كلامك كبير يالربع ...

آخر المشاركات

الموضوع: (زيارة لسوق العلاوي) ليلة 30 رمضان

أدوات الموضوع

تقييم هذا الموضوع

عرض

(زيارة لسوق العلاوي) ليلة 30 رمضان

افاااااااااااااااااا

مواقع النشر (المفضلة)

مواقع النشر (المفضلة)

ضوابط المشاركة