ألا ياطفل لاتكبر..

[رفحاوي]

[align=center][/align]


[line]


[align=center]
ألا ياطفل لاتكبر..
كذا أجمل..
كذا أطهر..

كذا لا دين يتراكم..
كذا لا ضغط ولا سكر..
ترى أكبر كذبه عشناها..
(( يالله متى نكبر ))

أحلم قد ماتقدر..
وإذا خفت ..خبي أحلامك بدفتر..
ترى الأيام تسرقها ..والأحلام.. تتبـــــخر ..!!!



الشاعر: احد المبدعين ... يمكن زميل لمبدعنا النزيه ...
[/align]

[الافندى]

والله المبدع انت فقد اخترت الروعه وقطفت اجمل الزهور بهذا الاختيار الموفق

ترى أكبر كذبه عشناها..
(( يالله متى نكبر ))
ترى أكبر كذبه عشناها..
(( يالله متى نكبر ))

[ليث]

لاتكوب بشاير ..........


صح لساااااااانك ولاهنت رفحاوي

[العزام]

الله

كلمات لها رونق وطعم خــــــــــــــــاص


يعطيك العافيه رفحاوي

[نزيه]

رفحاوي صح لسانك ولسانه

هذي قصيدة طلا ل حمزه


الله يمسيه بالخير


اما بشاير ......؟

تسلم يا الليث

[رفحاوي]

الافندي

اخجلت تواضعي الاشم يا رجل ...

لا يكون عليك ديون وذكرتك بها ؟!!



ليث

وشو تكوب ؟!!

لا ماهي بشاير مع انها تشبهها ... بشاير اكبر راس

صح بدنك ...



العزام

الله يعافيك اخوي ...



النزيه

صح بدنك وشماغك وعقالك ...

قريت هالكلمات باحد الايميلات وجازت لي ...

بشاير هذي اخر العنقود الرفحاوي (حتى هذه اللحظة) ...

[الوســــيم]

هذا طلال حمزه
وبعدين ليش ماكملتها؟؟
ناقلها من جوالك خخخخخخخخخخخخخ

[خالد النايف]

صح لسانك ولسانه يا بعدي

[زين تصفيح]

كلمات معبرة واختيار موفق

شكرا رفحاوي

وننتظر منظومة جديدة

كقصيدتك العصماء المهداة الى الحبايب الشباب

تقبل مني عاطر التحية

[فراشة رفحاء]

مابي شهادة شكر مابي تماثيل******* ولابي تعلق صورتي بالجرايد
صيتي ضواه يبين مثـــل القناديل******بالفكر متعلق وانا ليه صــــايد
ماقوول لي بالشعر جمله وتفصيل*****ولا ادعي اني خبيرة قصـــــايد
بيتين شعــــــــر وكلهن بس تعليل*****عبره لمن انته لهم صرت قـــايد
لاتحطني في ذمتك بـــــــالتهاويل*****لاتقرب دروبي وانا عنك حايد

مستغربين وش دخل الابيات الي كاتبتها بالسالفه؟؟؟؟؟؟
مجرد فلسفة طفله صغيره بالحب وخبرة عجوووز كبيره بالحياة
يعني قصدي بالعربي الي خلاني اكتب هالابيات انه بعضكم سال هي لطلال او بشاير غريب وش يجيب ليجيب
ترى شاعركم نجمه ساطع بالسما بدوون شهادة شكر وتقدير
يوووووه الي فهم قصدي مشكور والي مافهم وش اسويله الشكوه لله

[صريح]

صح لسانك ولسان طلا ل حمزه ولسان نزيه ولسان الشيخ الليث

[هاجس]

انتم فاهمين غلط

ليث قصده بشاير بنت رفحاوي

ماهي بشاير الشيباني

رفحاوي وضح بس مانتبهتوا الظاهر

المهم ...............

رفحاوي يعطيك العافيه

اختيار موفق .....هذي.من اكثر لقصائد اللي حركت احساسي

وذكرتني بالطفوله؟؟؟؟؟؟؟؟؟؟؟؟؟؟؟؟

مشكوووووووووووووووووووووووور

[فراشة رفحاء]

اجل العذر والسموحه احسبكم على بشاير الشيباني هههههههههههه

[رفحاوي]

الوسيم

ثاني موضوع اشوفك به وتعلق !!

شكلك تبي رقبتي ...

عموما قلت فوق ان هالكلمات قريته بالايميل ...


خالد النايف

صح بدنك وتسلم على كلمة (يا بعدي) ...


زين تصفيح

هههههههههههاي ابشر بالقصيد الشبابي اللي يحبه قلبك بس اصبر علي ...


فرَّاشة رفحاء

دامك عجوز واسلوبك هجومي دليل على انك ما خشيتي دنيا وانك عانس ... الله يسهل علينا وعليك


صريح

صح بدنك ...


هاجس

الله يسلمك ومشكور عالتوضيح والكلام الحلو ...

ما ندري وش نسوي للي يعلق على اسم كاتب الموضوع !!


فراشة رفحاء

كتبت تعليق فوق ومتعاجس امسحه ...


مشكورين عالمرور والتعليق والمشاكسة واللي ماعجبه اختياري انصحه بالليمون ...