الصبح طل وما بعد قام ( علوش )

**أرسلان** · 07 Dec 2005, 03:01 PM

--------------------------------------------------------------------------------
الصبـح طـل ومابعـد قـام ( عـلّـوش )

وحنـا مثـل عـلـوش للحـيـن غافـيـن

( والبرتقالـه ) قشرهـا الـيـوم مـعـروش

ولاعـاد باقـي منّـهـا غـيـر قشـريـن

وكلٍ علـى ( وطفـى ) يغنّـي ( وعمّـوش )

أخبال مـدري أيـش مـدري مجانيـن ...!!

يابـوش مـدري وش تبـي بـس يـابـوش

شوفـة عيونـك كــل أبـونـا مساكـيـن

مستسلـمـيـن ولانـقــاوم ولانـهــوش

مبطي على هالحال يمكـن مـن سنيـن ...!!

يكفـي غزيتونـا غـزو فـكـر ودشــوش

يكـفـي تسوقـونـا ســواة البـعـاريـن

وشلـون لـو جيتـوا زرافـات وجـيـوش

حنا العـرب يابـوش أهـلاً وسهليـن ...!!

أهـل الكـرم ماتشوفنـا كلـنـا كــروش

عاداتـنـا نستقـبـل الضـيـف بأهلـيـن

وشلون وأنت الضيف خـوشٍ علـى خـوش

يامرحبـابـك ياسلـيـل الملاعـيـن ....!!

بالحالتيـن الــدرب بـالـورد مـفـروش

وش عاد لـو تزعـل علينـا البساتيـن ...!!
( بغـداد ) طاحـت مابقـى عقبهـا عـروش

يابوش مايكفيك راحـت ( فلسطيـن ) ....!!!

بدلـه ودشـداشـه وغـتـره وطـربـوش

علـى أمتـدادك ياوطـن مالنـا عيـن ...!!

بكبرك نبيعـك ... والثمـن حفنـة قـروش

يلعـن أبونـا مابقـى غيـر شبريـن ....!!

أقوانا لامن ثـار ينقـال لـه / ( هـوووش )

... ( ياكل تبن / يسكت ) سواة الوراعين ...!!

الوضـع هـذا صعـب والـراس مـدووش

والله يثبّتـنـا عـلـى الـحـق والـديــن

.
.
.

الشاعر \ فلاح العماش

**هاجس** · 07 Dec 2005, 10:25 PM

خوووووووووووووووش قصيده فيها معاني قويه

بس الشاعر شكله زعلان بزود يوم كتب القصيده

بكبرك نبيعـك ... والثمـن حفنـة قـروش

يلعـن أبونـا مابقـى غيـر شبريـن ....!!

أقوانا لامن ثـار ينقـال لـه / ( هـوووش )

... ( ياكل تبن / يسكت ) سواة الوراعين

يعطيك العافيه اخوي

**شامي الدهيمان** · 07 Dec 2005, 11:57 PM

يعطيك العافية

كلام صحيح

**جرواني** · 08 Dec 2005, 12:06 AM

[align=center]يعطيك العافيه راعي الطافحه
وصح لسانك ولسان فلاح[/align]

**الدب الداشر** · 08 Dec 2005, 01:20 AM

100%

والله رائعه

مشكور

وصح لسانك ولساان الشااعر

**القروي** · 08 Dec 2005, 05:22 AM

والله رائعه بس مزودها شوي
تناسى من زهدوا من الدنيا لهذا السبب
ولكن تبقى كلمات تعبر عن مايدور بصدر صاحبها
ولا نقول الا لاحول ولا قوّة الا بالله العظيم
مشكور على هالنقل راعي الطافحه
وعلى ذوقك الرفيع .

**الافندى** · 08 Dec 2005, 12:24 PM

[align=center]
يعطيك العافيه .... اختيارك رائع

صح لسانك ولسان الشاعر

الحقيقه لو انها مره[/align]

**أرسلان** · 08 Dec 2005, 06:32 PM

أشكر الجميع على مرورهم الكريم

وتقلدوووووووووووووا تحياتي

**سهرانه** · 08 Dec 2005, 09:51 PM

[align=center]
سلمت يداك راعي الطافحه

قصيده جميله
[/align]

آخر المشاركات

الموضوع: الصبح طل وما بعد قام ( علوش )

أدوات الموضوع

تقييم هذا الموضوع

عرض

الصبح طل وما بعد قام ( علوش )

مواقع النشر (المفضلة)

مواقع النشر (المفضلة)

ضوابط المشاركة