حتى الشقيق ان جاع ياكل شقيقه

**الدب الداشر** · 29 Dec 2005, 02:38 AM

ماتلاحظون ان الزمن يجري بساع
وان الشهر يمضي كأنه دقيقة

وماتلاحظون ان اغلب الناس ملتاع
وكلٍ يحس بداخل الصدر ضيقة

وماتلاحظون ان البشر صاروا سباع
حتى الشقيق ان جاع ياكل شقيقه

وماتلاحظون ان الغدر بالبشر شاع
ومابه رفيقٍ مانطعن من رفيقه

وماتلاحظون ان الحيا للأسف ماع
واصبح مثقف من لديهِ صديقه

وماتلاحظون ان القيم وصْلت القاع
من بعد ماهي نجم يجذب بريقه

سبحان منهو بدّل اوضاع باوضاع
حتى الخيال اصبح نشوفه حقيقة

فتن فتن مختلطة اشكال وانواع
فتن بعضها من بعضها رقيقة

يارب ياستّير يااللي بالاصباع
-سبحانك- تْقلّب قلوب الخليقة

ثبّت خفوق اللي لاوامرك منصاع
واغفر ذنوب اللي ذنوبه عريقة

واصلح بفضلك ياالولي كل الاوضاع
وانقذ نفوسٍ في هواها غريقة

حسين البليهي

**جرواني** · 29 Dec 2005, 05:01 PM

[align=center]سبحان منهو بدّل اوضاع باوضاع
حتى الخيال اصبح نشوفه حقيقة

صح لسانك دبدوب
ولسان الشاعر
عز الله انه صدق[/align]

**flower** · 29 Dec 2005, 06:44 PM

صح لسانك

قصيده للاسف تجسد حاضرنا

مشكوور

**الدب الداشر** · 29 Dec 2005, 11:08 PM

جرجر

صح بدنك يالذيب

وقت غيريب جداً

**الدب الداشر** · 29 Dec 2005, 11:09 PM

صح بدنك فلور

والعفوووووووووو

**طاش ما طاش** · 30 Dec 2005, 01:02 AM

حكيم الدب الداشر صح لساانك

**farhymohd** · 31 Dec 2005, 04:18 PM

السلام عليكم ورحمة الله وبركاته ,,,
حقيقة قصيدة ثمينة وانا جدا حبيتها صراحه لانها تمثل كم واحد قريب من عندي بكل صراحه ياليتك تكثف المشاراكات والاشعار الجزيله اللي فيها نصح وارشاد اخوي الله يعطيك العافية وتشرفنا بسماع قصيدك والله وصح لسانك
فرحان

**العزام** · 02 Jan 2006, 05:55 AM

يارب ياستّير يااللي بالاصباع
-سبحانك- تْقلّب قلوب الخليقة

ثبّت خفوق اللي لاوامرك منصاع
واغفر ذنوب اللي ذنوبه عريقة

صح لسانك ولسان الشاعر

ومعودنـــا يا الدب ما تجيب الا الرايق

**فوفو** · 02 Jan 2006, 09:06 AM

تسلم دب

حلوه اوي

**القروي** · 03 Jan 2006, 07:15 PM

[align=center] [poem=font="Simplified Arabic,4,black,normal,normal" bkcolor="burlywood" bkimage="" border="none,4,darkred" type=1 line=0 align=center use=ex num="0,black"]
الا ملاحظينه يالبليهي ولا داع
نفتش عماتخفيه بعض الخليقه
تيّار يمشي يالبليهي ولو راع
لكن هذا صعب الوقوف بطريقه[/poem]
قال البليهي وابدع من اروع القصيد ماسمعته حتى الآن
احسنت النقل اخوي الدب الشاطر
الله يمدك بالصحه والعمر المديد

[/align]

**شامي الدهيمان** · 04 Jan 2006, 02:40 PM

صح لسانك ولسان البليهي

دبوووووووووووووووب

**ابوجمال المنيس** · 06 Jan 2006, 11:26 AM

الاخ العزيز الدب الداشر
نقل موفق وقصيدة رائعه
تقبل شكري واحترامي ابو جمال المنيس

**الدب الداشر** · 08 Jan 2006, 04:38 AM

صح بدنك

....

**الدب الداشر** · 08 Jan 2006, 04:39 AM

أخوي فرحان

الله يعافيك وصح بدنك

شرفني مرورك

والبليهي يميزه ان إتجاهه بالقصيد اجتمااعي

شكراً لك

**الدب الداشر** · 08 Jan 2006, 04:40 AM

صح بدنك العزاام

ومتعود مايمر على مواضيعي الا الراايقين امثاالك

:

.

شاكراً لك تواجدك

آخر المشاركات

الموضوع: حتى الشقيق ان جاع ياكل شقيقه

أدوات الموضوع

تقييم هذا الموضوع

عرض

حتى الشقيق ان جاع ياكل شقيقه

مواقع النشر (المفضلة)

مواقع النشر (المفضلة)

ضوابط المشاركة