ابو جمال ضيف عليكم من الكويت

**جرواني** · 31 Dec 2005, 03:35 AM

[align=center]
حياك الله
واعذرنا يابو جمال على التأخر بالرد مشغولين شوي

بس الشباب عرفوك على طووول

و 4 قصايد مره وحده

ماشاء الله

حياك الله ابو جمال نوبه ثانيه

وهلا وغلا بأهل الكويت[/align]

**الافندى** · 31 Dec 2005, 02:27 PM

[align=center]
حياك ........... وبياك

ابـــــــــــوجمال

[/align]

**سيف الاسلام** · 31 Dec 2005, 02:33 PM

حياك الله اخوي ابو جمال

نتمنى انك تفيد وتستفيد

**ابوجمال المنيس** · 01 Jan 2006, 12:46 AM

اخي العزيز القعقاع
ابقاك الله ومنتدى رفحا ومجالس عنزه كلها منتدياتنا ولا يوجد فرق بيننا وشمر وعنزه شي واحد والحمد لله اصبحنا اخوان وانا سبق وان قلت قصيدة واعتقد انك قراءتها في مجالس عنزه .
ما يفرقنا عن الويلان ياغير البطايق *** ابك حنا دولتين كبار بمسمى قبيله
وقد شرفني الشاعر الكبير خالد العبيد العنزي ( مشرف مجلس الشعر بمجالس عنزه) بوضع هذا البيت كتوقيع له .
اما قدومي هنا ليس انسحابا من مجالس عنزه وانما للتواصل مع اخواني اهل رفحا من شمر وعنزه وغيرهم علما انني لا زلت مستمر بالمجالس والتي من خلالها تعرفت على اشخاص اعتز بمعرفتهم .
للجميع الود والتحية . ابو جمال

**ابوجمال المنيس** · 01 Jan 2006, 12:49 AM

الاخ العزيز جساس
ابقاك الله والف شكر على الترحيب .
ابو جمال

**ابوجمال المنيس** · 01 Jan 2006, 12:57 AM

الاخ العزيز جرواني
معذورين ومعرفتكم لي اكبر شرف وانا لم اسجل هنا الا للتواصل معكم وابقاك الله وابقا اهل رفحا كلهم .
ولكن انا لي طلب عندك اولا تسلم لي على كل اللي عندك اللي نعرفهم واللي ما نعرفهم .
وابيك تخص لي ( مشفي ) واذا تعرف من قصائده شئ تسجلها ولو اني سمعت انه ترك الشعر ولكن شعره يعتبر ثروه لنا مع تقديري لكل الشعراء.
اما موضوع تنزيل اربع قصائد فكل لها موضوعها .
الاولى رثاء من خالي محمد فراج بخالي تركي الهباس ومحمد المروب رحمهم الله جميعا وهذه لا تحتمل التاجيل
الثانيه اهديتها لراع الطافحه على شان المسعري والقراين
والثالثه والرابعه قلتهن خلال ثلاثة الايام الماضية بمناسبة زيارة الامير بدر الطلال الرشيد واردت ان تشاركوننا بالاحتفال به .

تقبل شكري واحترامي ابو جمال

**ابوجمال المنيس** · 01 Jan 2006, 01:00 AM

الافندي
ابقاك الله وشكرا لمرورك وترحيبك .
ابو جمال

**ابوجمال المنيس** · 01 Jan 2006, 01:02 AM

الاخ الماضي الجميل
ابقاك الله وانا كذلك اتمنى ان استفيد منكم وفائدتي الكبرى هي التواصل معكم من خلال الشبكه العنكبوتيه بعد ان فرقتنا الظروف .
ابو جمال

**العزام** · 02 Jan 2006, 06:52 AM

ياهلا ومرحبا

يا ابو جمال

نقدر لك تواجدك والمشاركه معنا ويا هلاااا مليوووووووون

**الـوافي** · 02 Jan 2006, 10:03 PM

ياللله حي المفضلي

حياك الله والبيت بيتك ياغالي

والدار دارك .. .انت راعي محل .. عندك القدووع ....اقدع

والحين جرواني يصب لك القهوه.

**ليث** · 03 Jan 2006, 03:36 AM

جرواني بجده يهذب ورا التكااارنه بالدوريه خبرك شرطي ونشيط الله يقويه

انا عندك وهذي القهوه لشاعرنا ابو جمال

ياااالله حيه ياهلا وغلا ومسهلا بالغالي

**المشرف العام** · 06 Jan 2006, 05:13 PM

أهلاً بمن يقول

يالله يامحـي العـظـام النحـايـل
عـد بالحيـا جميـع نجـد العذيـه

من مزنـةٍ ماهـي بكـل المخايـل
علـى حكـي شيباننـا عقربـيـه

يصبح مطرها فـوق روس النثايـل
يملى المصامـد بالسهـل والحويـه

وبعد شهر والعشب بالقـاع مايـل
تشابـك أزهـاره تقـل مزهـريـه

ابوجمال

حللت اهلاً ووطئت سهلاً

**ابوجمال المنيس** · 08 Jan 2006, 05:26 PM

الاخ العزام
الف شكر على الترحيب الغير مستغرب من الغانمين شرواك ، وانا ايضا مقدراستقبالكم وجهودكم ايضا بهذا المنتدى .
ابو جمال

**ابوجمال المنيس** · 08 Jan 2006, 05:30 PM

الاخ العزيز الوافي
الله يحييك ويبقيك يابن العم والف شكر على القهوه وانتم من هله وشرف لي ان اشرب قهوة ابناء عمي وان شاء الله ثالث ايام العيد سوف اكون برفحاء الخضرا لحضور مناسبة عزيزة واتنمى ان ارى احد اعضاء هذا المنتدى .
ابو جمال

**ابوجمال المنيس** · 08 Jan 2006, 05:35 PM

الاخ العزيز ليث
شكرا على الترحيب وسلم لنا على كل شمري بعروس البحر الاحمر --- ومادامك شرطي وبجدة ترى هذا يومكم شدوا الحيل بمناسبة موسم الحج وعساكم على القوه . وكل عام وانتم بخير ، والف شكر على القهوه ولك مني جزيل الشكر والاحترام .
وتقبل سلامي من الخليج العربي الى البحر الاحمر . ابو جمال

آخر المشاركات

الموضوع: ابو جمال ضيف عليكم من الكويت

أدوات الموضوع

تقييم هذا الموضوع

عرض

مواقع النشر (المفضلة)

مواقع النشر (المفضلة)

ضوابط المشاركة